SIPയിൽ നേട്ടം നൽകിയ മിഡ്ക്യാപ് ഫണ്ടുകൾ; മുന്നിൽ ഈ 3 പേരുകൾ
Midcap SIP Returns: 3 Funds That Led the Pack in 2 Years: കഴിഞ്ഞ രണ്ട് വര്‍ഷത്തെ കണക്കുകള്‍ പരിശോധിക്കുമ്പോള്‍ മിഡ്ക്യാപ് വിഭാഗത്തിലെ ചില ഫണ്ടുകള്‍ മികച്ച പ്രകടനം നടത്തിയപ്പോള്‍ ചില ഫണ്ടുകള്‍ നെഗറ്റീവ് റിട്ടേണ്‍ രേഖപ്പെടുത്തി. കഴിഞ്ഞ രണ്ട് വര്‍ഷത്തെ പ്രകടനത്തിന്റെ അടിസ്ഥാനത്തില്‍ മിഡ്ക്യാപ് വിഭാഗത്തില്‍ മുന്നിലെത്തിയ മൂന്ന് ഫണ്ടുകളും പിന്നിലായ മൂന്ന് ഫണ്ടുകളും ഏതൊക്കെയാണെന്ന് നോക്കാം.
ഓഹരി വിപണിയിലെ ഏറ്റക്കുറച്ചിലുകള്‍ക്കിടയിലും മ്യൂച്വല്‍ ഫണ്ടുകളിലെ സിസ്റ്റമാറ്റിക് ഇന്‍വെസ്റ്റ്‌മെന്റ് പ്ലാന്‍ അഥവാ എസ്‌ഐപി നിക്ഷേപം തുടരുകയാണ്. കഴിഞ്ഞ രണ്ട് വര്‍ഷത്തെ കണക്കുകള്‍ പരിശോധിക്കുമ്പോള്‍ മിഡ്ക്യാപ് വിഭാഗത്തിലെ ചില ഫണ്ടുകള്‍ മികച്ച പ്രകടനം നടത്തിയപ്പോള്‍ ചില ഫണ്ടുകള്‍ നെഗറ്റീവ് റിട്ടേണ്‍ രേഖപ്പെടുത്തി. കഴിഞ്ഞ രണ്ട് വര്‍ഷത്തെ പ്രകടനത്തിന്റെ അടിസ്ഥാനത്തില്‍ മിഡ്ക്യാപ് വിഭാഗത്തില്‍ മുന്നിലെത്തിയ മൂന്ന് ഫണ്ടുകളും പിന്നിലായ മൂന്ന് ഫണ്ടുകളും ഏതൊക്കെയാണെന്ന് നോക്കാം.
HSBC മിഡ്ക്യാപ് ഫണ്ട്
കഴിഞ്ഞ രണ്ട് വര്‍ഷത്തെ SIP നിക്ഷേപത്തില്‍ മിഡ്ക്യാപ് വിഭാഗത്തില്‍ ഏറ്റവും മികച്ച പ്രകടനം കാഴ്ചവച്ചത് HSBC Midcap Fund ആണ്. ഏകദേശം 17.50 ശതമാനം റിട്ടേണാണ് ഈ കാലയളവില്‍ SIP നിക്ഷേപങ്ങള്‍ക്ക് ലഭിച്ചത്. മിഡ്ക്യാപ് വിഭാഗത്തിലെ മറ്റ് ഫണ്ടുകളെ അപേക്ഷിച്ച് ഈ കാലയളവില്‍ HSBC മിഡ്ക്യാപ് ഫണ്ട് ശ്രദ്ധേയമായ മുന്നേറ്റമാണ് നടത്തിയത്.
രണ്ടാമതും മൂന്നാമതും ആരൊക്കെ?
മികച്ച പ്രകടനം നടത്തിയ രണ്ടാമത്തെ ഫണ്ട് WhiteOak Capital Mid Cap Fund ആണ്. കഴിഞ്ഞ രണ്ട് വര്‍ഷത്തെ SIP നിക്ഷേപത്തില്‍ ഏകദേശം 13.25 ശതമാനം റിട്ടേണ്‍ രേഖപ്പെടുത്തി. ICICI Prudential Mid Cap Fund ആണ് മൂന്നാം സ്ഥാനത്ത്. ഈ ഫണ്ടിന്റെ SIP റിട്ടേണ്‍ ഏകദേശം 12.89 ശതമാനം ആയിരുന്നു.
മിഡ്ക്യാപ് വിഭാഗത്തിന്റെ ശരാശരി റിട്ടേണ്‍
ഈ കാലയളവില്‍ മിഡ്ക്യാപ് മ്യൂച്വല്‍ ഫണ്ട് വിഭാഗത്തിന്റെ ശരാശരി റിട്ടേണ്‍ 7.85 ശതമാനം ആയിരുന്നു. അതേസമയം മിഡ്ക്യാപ് ഫണ്ടുകളുടെ പ്രകടനം താരതമ്യം ചെയ്യാന്‍ ഉപയോഗിക്കുന്ന Nifty Midcap 150 TRI 6.40 ശതമാനം റിട്ടേണ്‍ രേഖപ്പെടുത്തി.
Also Read: SIP: എസ്‌ഐപി നിക്ഷേപം എങ്ങനെ ക്രമീകരിക്കാം? മ്യൂച്വൽ ഫണ്ട് തിരഞ്ഞെടുക്കുമ്പോൾ ശ്രദ്ധിക്കാം
അതായത്, വിഭാഗത്തിലെ ശരാശരി SIP പ്രകടനം ബെഞ്ച്മാര്‍ക്കിനെക്കാള്‍ മികച്ചതായിരുന്നു.
പിന്നിലായ മൂന്ന് ഫണ്ടുകള്‍
എല്ലാ മിഡ്ക്യാപ് ഫണ്ടുകളും ഒരുപോലെ മികച്ച പ്രകടനം നടത്തിയില്ല. കഴിഞ്ഞ രണ്ട് വര്‍ഷത്തെ SIP നിക്ഷേപത്തില്‍ മൂന്ന് ഫണ്ടുകള്‍ നെഗറ്റീവ് റിട്ടേണ്‍ രേഖപ്പെടുത്തി.
Franklin India Mid Cap Fund ഏകദേശം -1.81 ശതമാനം റിട്ടേണ്‍ നല്‍കി.
Quant Mid Cap Fund ഏകദേശം -2.03 ശതമാനം റിട്ടേണ്‍ രേഖപ്പെടുത്തി.
SBI Midcap Fund ആണ് ഈ പട്ടികയില്‍ ഏറ്റവും പിന്നില്‍. ഏകദേശം -2.54 ശതമാനം ആണ് കഴിഞ്ഞ രണ്ട് വര്‍ഷത്തെ SIP റിട്ടേണ്‍.
English Summary
A look at the top three and bottom three midcap mutual funds based on SIP returns over the last two years. HSBC Midcap Fund led with around 17.50% returns, while three funds delivered negative SIP returns.
