SIP: എസ്ഐപി നിക്ഷേപം എങ്ങനെ ക്രമീകരിക്കാം? മ്യൂച്വൽ ഫണ്ട് തിരഞ്ഞെടുക്കുമ്പോൾ ശ്രദ്ധിക്കാം
Mutual Fund SIP How to Build a Portfolio for Long Term Goals: മ്യൂച്വല്‍ ഫണ്ട് നിക്ഷേപകരെ പൊതുവെ മൂന്ന് തരത്തിലുള്ള റിസ്‌ക് പ്രൊഫൈലുകളായി പരിഗണിക്കാം. കണ്‍സര്‍വേറ്റീവ്, മോഡറേറ്റ്, അഗ്രസീവ് എന്നിങ്ങനെയാണ് ഈ വിഭാഗങ്ങള്‍. വിപണിയിലെ ചാഞ്ചാട്ടം വലിയ തോതില്‍ നേരിടാന്‍ താല്‍പര്യമില്ലാത്തവര്‍ക്ക് കണ്‍സര്‍വേറ്റീവ് വിഭാഗത്തിലുള്ള നിക്ഷേപ രീതിയാണ് അനുയോജ്യം.
മ്യൂച്വല്‍ ഫണ്ടില്‍ നിക്ഷേപം ആരംഭിക്കുന്ന പുതിയ നിക്ഷേപകര്‍ നേരിടുന്ന പ്രധാന ആശയക്കുഴപ്പങ്ങളിലൊന്നാണ് ഏത് പദ്ധതികളില്‍ നിക്ഷേപിക്കണം എന്നത്. പ്രത്യേകിച്ച് വിരമിക്കല്‍ പോലുള്ള ദീര്‍ഘകാല സാമ്പത്തിക ലക്ഷ്യങ്ങള്‍ മുന്നില്‍ കണ്ടുള്ള നിക്ഷേപങ്ങളില്‍ ഒന്നിലധികം മ്യൂച്വല്‍ ഫണ്ട് പദ്ധതികള്‍ എങ്ങനെ തിരഞ്ഞെടുക്കണമെന്ന കാര്യത്തില്‍ പലര്‍ക്കും വ്യക്തതയുണ്ടാകാറില്ല.
ഓരോ സാമ്പത്തിക ലക്ഷ്യത്തിനും അനുയോജ്യമായ നിക്ഷേപ രീതിയാണ് പിന്തുടരേണ്ടത്. നിക്ഷേപകന്റെ റിസ്‌ക് എടുക്കാനുള്ള ശേഷി, നിക്ഷേപ കാലയളവ്, ഓരോ മാസവും നിക്ഷേപിക്കാന്‍ കഴിയുന്ന തുക എന്നിവ പരിഗണിച്ചാണ് മ്യൂച്വല്‍ ഫണ്ട് പോര്‍ട്ട്‌ഫോളിയോ ഒരുക്കേണ്ടത്.
റിസ്‌ക് അനുസരിച്ച് നിക്ഷേപം
മ്യൂച്വല്‍ ഫണ്ട് നിക്ഷേപകരെ പൊതുവെ മൂന്ന് തരത്തിലുള്ള റിസ്‌ക് പ്രൊഫൈലുകളായി പരിഗണിക്കാം. കണ്‍സര്‍വേറ്റീവ്, മോഡറേറ്റ്, അഗ്രസീവ് എന്നിങ്ങനെയാണ് ഈ വിഭാഗങ്ങള്‍. വിപണിയിലെ ചാഞ്ചാട്ടം വലിയ തോതില്‍ നേരിടാന്‍ താല്‍പര്യമില്ലാത്തവര്‍ക്ക് കണ്‍സര്‍വേറ്റീവ് വിഭാഗത്തിലുള്ള നിക്ഷേപ രീതിയാണ് അനുയോജ്യം. മിതമായ റിസ്‌ക് സ്വീകരിക്കാന്‍ തയ്യാറുള്ളവര്‍ മോഡറേറ്റ് വിഭാഗവും ദീര്‍ഘകാല വളര്‍ച്ചയ്ക്കായി കൂടുതല്‍ വിപണി റിസ്‌ക് ഏറ്റെടുക്കാന്‍ തയ്യാറുള്ളവര്‍ അഗ്രസീവ് വിഭാഗവും പരിഗണിക്കാം.
പ്രതിമാസ നിക്ഷേപ തുകയും പ്രധാനമാണ്
എല്ലാ നിക്ഷേപകര്‍ക്കും ഒരേ രീതിയിലുള്ള പോര്‍ട്ട്‌ഫോളിയോ ആവശ്യമില്ല. പ്രതിമാസം നിക്ഷേപിക്കാന്‍ കഴിയുന്ന തുകയനുസരിച്ചും പദ്ധതികളുടെ എണ്ണം, നിക്ഷേപ വിഭജനം എന്നിവ ക്രമീകരിക്കാം. പ്രതിമാസം 2,000 മുതല്‍ 5,000 വരെ, 5,000 മുതല്‍ 10,000 വരെ, 10,000ന് മുകളില്‍ എന്നിങ്ങനെ വ്യത്യസ്ത നിക്ഷേപ തുകകള്‍ പരിഗണിച്ച് പോര്‍ട്ട്‌ഫോളിയോ തയാറാക്കുന്ന രീതിയുണ്ട്.
Also Read: പോസ്റ്റ് ഓഫീസ് പദ്ധതിയോ മ്യൂച്വൽ ഫണ്ടോ; വരുമാനത്തിനും സമ്പാദ്യത്തിനും ഏത് വേണം?
എസ്ഐപി വഴി ദീര്‍ഘകാല നിക്ഷേപം
മാസംതോറും നിശ്ചിത തുക മ്യൂച്വല്‍ ഫണ്ടില്‍ നിക്ഷേപിക്കുന്ന രീതിയാണ് സിസ്റ്റമാറ്റിക് ഇന്‍വെസ്റ്റ്‌മെന്റ് പ്ലാന്‍ അഥവാ എസ്ഐപി. ദീര്‍ഘകാല സാമ്പത്തിക ലക്ഷ്യങ്ങള്‍ക്കായി എസ്ഐപി ഉപയോഗിക്കുമ്പോള്‍ വിപണിയിലെ ഉയര്‍ച്ചതാഴ്ചകളെ ഒരു പരിധിവരെ കൈകാര്യം ചെയ്യാന്‍ ഇത് സഹായിച്ചേക്കാം. വിരമിക്കല്‍, കുട്ടികളുടെ വിദ്യാഭ്യാസം, വീട് വാങ്ങല്‍ തുടങ്ങിയ ദീര്‍ഘകാല ലക്ഷ്യങ്ങള്‍ക്കായി എസ്ഐപി പരിഗണിക്കാം. എന്നാല്‍ നിക്ഷേപ കാലയളവിനനുസരിച്ച് അനുയോജ്യമായ പദ്ധതികള്‍ തിരഞ്ഞെടുക്കുന്നത് പ്രധാനമാണ്.
പോര്‍ട്ട്‌ഫോളിയോ ഇടയ്ക്കിടെ പരിശോധിക്കണം
ഒരിക്കല്‍ മ്യൂച്വല്‍ ഫണ്ട് പദ്ധതികള്‍ തിരഞ്ഞെടുത്താല്‍ പിന്നീട് അവയെക്കുറിച്ച് പരിശോധിക്കേണ്ടതില്ല എന്ന സമീപനം ശരിയല്ല. പദ്ധതികളുടെ പ്രകടനം, നിക്ഷേപ തന്ത്രത്തിലെ മാറ്റങ്ങള്‍, റിസ്‌ക് തുടങ്ങിയവ ഇടയ്ക്കിടെ വിലയിരുത്തണം. പ്രകടനം തുടര്‍ച്ചയായി മോശമാകുന്ന പദ്ധതികള്‍ ഉണ്ടെങ്കില്‍ അതിന്റെ കാരണവും പരിശോധിക്കണം. ആവശ്യമായ സാഹചര്യത്തില്‍ പോര്‍ട്ട്‌ഫോളിയോയില്‍ മാറ്റങ്ങള്‍ വരുത്താനും കഴിയും.
English Summary
Choosing the right mutual fund portfolio depends on investment goals, risk profile, time horizon and monthly investment amount. This article explains how investors can structure SIP portfolios for different long-term goals.
