PF Money Withdrawing: പിഎഫ് പണം പിൻവലിക്കുന്നുണ്ടോ? ഈ മണ്ടത്തരങ്ങൾ ഒരിക്കലും ചെയ്യല്ലേ…
PF Money Withdrawing: ഏറ്റവും പ്രധാനപ്പെട്ട റിട്ടയർമെന്റ് സേവിങ്സ് സ്കീമാണ് എംപ്ലോയീസ് പ്രോവിഡന്റ് ഫണ്ട് (EPF). എന്നാൽ പിഎഫ്സ തുക പിൻവലിക്കുന്നതിന് മുമ്പ് അറിഞ്ഞിരിക്കേണ്ട ചില കാര്യങ്ങളുണ്ട്. അവ എന്തെല്ലാമെന്ന് നോക്കാം...
ഇന്ത്യയിലെ ഏറ്റവും പ്രധാനപ്പെട്ട റിട്ടയർമെന്റ് സേവിങ്സ് സ്കീമാണ് എംപ്ലോയീസ് പ്രോവിഡന്റ് ഫണ്ട് (EPF). എന്നാൽ പിഎഫ്സ തുക പിൻവലിക്കുന്നതിന് മുമ്പ് അറിഞ്ഞിരിക്കേണ്ട ചില കാര്യങ്ങളുണ്ട്. അവ എന്തെല്ലാമെന്ന് നോക്കാം…
പിഎഫ് എപ്പോൾ പിൻവലിക്കാം?
ഇപിഎഫ്ഒ നിയമങ്ങൾ അനുസരിച്ച്, നിങ്ങളുടെ പ്രൊവിഡന്റ് ഫണ്ടിൽ (പിഎഫ്) നിന്ന് പണം പിൻവലിക്കാൻ അനുവദിക്കുന്ന പ്രധാന സാഹചര്യങ്ങൾ ഇതാ;
ജോലിയിൽ നിന്ന് വിരമിച്ചതിനു ശേഷം പിഎഫ് തുക പിൻവലിക്കാം.
ജോലി ഉപേക്ഷിച്ച് കുറഞ്ഞത് രണ്ട് മാസമെങ്കിലും തൊഴിൽരഹിതനായി തുടരുമ്പോൾ മുഴുവൻ പിഎഫ് തുകയും പിൻവലിക്കാവുന്നതാണ്.
ജോലിയിലായിരിക്കുമ്പോഴും ചികിത്സാ ആവശ്യങ്ങൾ, വിവാഹം അല്ലെങ്കിൽ വീട് വാങ്ങൽ പോലുള്ള പ്രത്യേക സാഹചര്യങ്ങളിൽ തുക പിൻവലിക്കാം.
ഇപിഎഫ് ക്ലെയിം ഫയൽ ചെയ്യുമ്പോൾ ഒഴിവാക്കേണ്ട തെറ്റുകൾ
നിങ്ങളുടെ ബാങ്ക് അക്കൗണ്ട് നമ്പർ അല്ലെങ്കിൽ വ്യക്തിഗത വിവരങ്ങൾ പോലുള്ള വിവരങ്ങൾ ശരിയായി നൽകുക. തെറ്റായ വിവരങ്ങൾ നൽകിയാൽ, നിങ്ങളുടെ ക്ലെയിം നിരസിക്കപ്പെട്ടേക്കാം.
നിങ്ങളുടെ യഥാർത്ഥ ജോലി കാലയളവും ഇപിഎഫ്ഒ യുടെ സിസ്റ്റത്തിൽ രേഖപ്പെടുത്തിയിരിക്കുന്ന കാലയളവും തമ്മിൽ വ്യത്യാസം വരാൻ പാടില്ല.
ALSO READ: പിഎഫ് ബാലൻസ് അറിയണോ? ഒരു മിസ്ഡ് കോൾ മതി, നിങ്ങൾ ചെയ്യേണ്ടത്…
നിങ്ങളുടെ പിഎഫ് അക്കൗണ്ടിൽ ലഭ്യമായതിനേക്കാൾ കൂടുതൽ പണം ആവശ്യപ്പെടാതിരിക്കുക.
നിങ്ങൾ പിൻവലിക്കാൻ ശ്രമിക്കുന്ന തുകയ്ക്ക് നിങ്ങൾക്ക് അർഹതയില്ലെങ്കിൽ, അല്ലെങ്കിൽ പണം പിൻവലിക്കാനുള്ള കാരണം ഇപിഎഫ് നിയമങ്ങളുമായി പൊരുത്തപ്പെടുന്നില്ലെങ്കിൽ ക്ലെയിം നിരസിക്കപ്പെടാം.
ഇപിഎഫ് ക്ലെയിം നിരസിക്കപ്പെടാനുള്ള കാരണം എങ്ങനെ കണ്ടെത്താം
നിങ്ങളുടെ ഇപിഎഫ് ക്ലെയിം നിരസിക്കപ്പെട്ടതിന്റെ കാരണം അറിയാൻ, ഇപിഎഫ്ഒ വെബ്സൈറ്റ് പരിശോധിക്കാവുന്നതാണ്. പോർട്ടലിൽ ലോഗിൻ ചെയ്ത് മെനുവിലെ ‘ട്രാക്ക് ക്ലെയിം സ്റ്റാറ്റസ്’ ഓപ്ഷനിൽ ക്ലിക്ക് ചെയ്യുക. അവിടെ, നിരസിക്കപ്പെട്ടതിന്റെ കാരണം നിങ്ങൾക്ക് കാണാൻ കഴിയും.
കൂടുതൽ വിവരങ്ങൾക്ക് നിങ്ങളുടെ കമ്പനിയുടെ എച്ച്ആർ ഡിപ്പാർട്ട്മെന്റുമായി സംസാരിക്കുകയോ ഇപിഎഫ്ഒ ഓഫീസ് സന്ദർശിക്കുകയോ ചെയ്യാം. കൃത്യമായ കാരണം അറിഞ്ഞുകഴിഞ്ഞാൽ, നിങ്ങൾക്ക് പ്രശ്നം പരിഹരിച്ച് നിങ്ങളുടെ ക്ലെയിമിന് വീണ്ടും അപേക്ഷിക്കാം.
