CRPF Constable Recruitment: പ്ലസ് ടു കഴിഞ്ഞവർക്ക് സിആർപിഎഫിൽ ജോലി നേടാം; 9195 ഒഴിവുകൾ, അപേക്ഷക്കേണ്ടത്

പ്രതീകാത്മകചിത്രം

കേന്ദ്ര സേനയിൽ ഒരു മികച്ച കരിയർ ആ​ഗ്രഹിക്കുന്നവർക്ക് ഇതാ സുവർണാവസരം. സെൻട്രൽ റിസർവ് പോലീസ് ഫോഴ്സ് (CRPF) കോൺസ്റ്റബിൾ തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. ആകെ 9195 ഒഴിവുകളാണുള്ളത്. താല്പര്യമുള്ള യോ​ഗ്യരായ ഉദ്യോ​ഗാർത്ഥികൾക്ക് സിആർപിഎഫിൻ്റെ ഔദ്യോ​ഗിക വെബ്‌സൈറ്റായ crpf.gov.in വഴി ഓൺലൈനായി അപേക്ഷിക്കാവുന്നതാണ്.

2026 മെയ് 19 വരെയാണ് അപേക്ഷിക്കാനുള്ള അവസാന തീയതി. പത്താം ക്ലാസ് (SSLC) / പ്ലസ് ടു, ഐടിഐ തുടങ്ങിയ യോ​ഗ്യതയുള്ളവർക്കാണ് തസ്തികയിലേക്ക് അപേക്ഷിക്കാൻ സാധിക്കുക. 18 മുതൽ 26 വയസ്സ് വരെയാണ് പ്രായപരിധി. തസ്തികകൾക്ക് അനുസരിച്ച് പ്രായപരിധിയിൽ മാറ്റങ്ങൾ വന്നേക്കാം. സംഭരണ വിഭാ​ഗങ്ങൾക്ക് സർക്കാർ നൽകിയ ഇളവുകൾ ലഭിക്കുന്നതാണ്.

ALSO READ: ബാങ്ക് ജോലി ആഗ്രഹിക്കുന്നവരാണോ? ഇന്ത്യൻ ബാങ്കിൽ 350 ഒഴിവുകൾ; അപേക്ഷിക്കേണ്ട രീതി ഇങ്ങനെ

പോസ്റ്റ് കാണാം

കമ്പ്യൂട്ടർ അധിഷ്ഠിത എഴുത്തുപരീക്ഷ, ഫിസിക്കൽ ടെസ്റ്റ്, അതത് ട്രേഡുകളിലുള്ള പ്രായോഗിക പരീക്ഷ, വൈദ്യപരിശോധന തുടങ്ങിയവയാണ് തിരഞ്ഞെടുപ്പ് പ്രക്രിയ. ജനറൽ, ഒബിസി, ഇഡബ്ല്യുഎസ് വിഭാഗക്കാർക്ക് 100 രൂപയാണ് അപേക്ഷാ ഫീസായി നൽകേണ്ടത്. സ്ത്രീകൾക്കും എസ്‌സി/എസ്ടി വിഭാഗക്കാർക്കും അപേക്ഷാ ഫീസ് നൽകേണ്ടതില്ല.

തിരഞ്ഞെടുക്കപ്പെടുന്നവർക്ക് 21,700 മുതൽ 69,100 രൂപ വരെ ശമ്പളവും മറ്റ് കേന്ദ്ര സർക്കാർ ആനുകൂല്യങ്ങളും ലഭിക്കും. രേഖാ പരിശോധനയ്ക്ക് ഹാജരാക്കേണ്ട പ്രധാന രേഖകൾ, മെട്രിക് സർട്ടിഫിക്കറ്റ്, ട്രേഡ് സർട്ടിഫിക്കറ്റുകൾ, ജാതി സർട്ടിഫിക്കറ്റ്, ഇഡബ്ല്യുഎസ് സർട്ടിഫിക്കറ്റ്, ഇഎസ്എം സർട്ടിഫിക്കറ്റ് എന്നിവയുടെ ഒർജിനൽ കോപ്പി കൈയ്യിൽ കരുതണം.