CSIR UGC NET Admit Card 2025: നെറ്റ് പരീക്ഷയുടെ അഡ്മിറ്റ് കാര്‍ഡ് എത്തി; ഡൗണ്‍ലോഡ് ചെയ്യേണ്ടത് ഇങ്ങനെ

CSIR UGC NET December 2025 Admit Card

സിഎസ്‌ഐആര്‍ യുജിസി നെറ്റ് പരീക്ഷയുടെ അഡ്മിറ്റ് കാര്‍ഡ് പുറത്ത്. ഡിസംബര്‍ 18നാണ് പരീക്ഷ. അപേക്ഷകര്‍ക്ക്‌ csirnet.nta.nic.in എന്ന ഔദ്യോഗിക വെബ്‌സൈറ്റിൽ നിന്ന് അപേക്ഷാ നമ്പറും ജനനത്തീയതിയും ഉപയോഗിച്ച് ഹാൾ ടിക്കറ്റുകൾ ഡൗൺലോഡ് ചെയ്യാം. പരീക്ഷാ കേന്ദ്രം, സമയം, മാർഗ്ഗനിർദ്ദേശങ്ങൾ എന്നിവയുൾപ്പെടെ അഡ്മിറ്റ് കാർഡിലെ എല്ലാ വിവരങ്ങളും വായിക്കണം.

സർവകലാശാലകളിലും ഗവേഷണ സ്ഥാപനങ്ങളിലും ജൂനിയർ റിസർച്ച് ഫെലോഷിപ്പ് (ജെആർഎഫ്), അസിസ്റ്റന്റ് പ്രൊഫസർ തസ്തികകൾ, പിഎച്ച്ഡി പ്രവേശനം എന്നിവയ്ക്കുള്ള യോഗ്യത നിർണ്ണയിക്കുന്നതിനാണ് സിഎസ്ഐആർ നെറ്റ് പരീക്ഷ നടത്തുന്നത്. വിവിധ ഷിഫ്റ്റുകളിലായി ഓണ്‍ലൈനായാണ് പരീക്ഷ നടത്തുന്നത്.

അഡ്മിറ്റ് കാർഡ് 2025 എവിടെ, എങ്ങനെ ഡൗൺലോഡ് ചെയ്യാം?

• csirnet.nta.nic.in സന്ദർശിക്കുക
• അഡ്മിറ്റ് കാർഡിനുള്ള ലിങ്കിൽ ക്ലിക്ക് ചെയ്യുക
• അപേക്ഷാ നമ്പറും ജനനത്തീയതിയും ഉപയോഗിച്ച് ലോഗിൻ ചെയ്യുക
• സെക്യൂരിറ്റി കോഡ് നല്‍കി സബ്മിറ്റ് ചെയ്യുക
• അഡ്മിറ്റ് കാർഡ് ഡൗൺലോഡ് ചെയ്യുക
• അഡ്മിറ്റ് കാര്‍ഡ് ലഭിക്കുന്നതിന് നേരിട്ടുള്ള ലിങ്ക്‌: ഇവിടെ ക്ലിക്ക് ചെയ്യുക

അഡ്മിറ്റ് കാർഡ് തപാൽ വഴി അയയ്ക്കില്ലെന്നും പ്രിന്റ് ചെയ്ത പകർപ്പ് ഇല്ലാതെ പരീക്ഷാ കേന്ദ്രത്തിൽ പ്രവേശനം അനുവദിക്കില്ലെന്നും എന്‍ടിഎ വ്യക്തമാക്കി. ഡിസംബർ 18 ന് രണ്ട് ഷിഫ്റ്റുകളിലായി പരീക്ഷ നടത്തും. രാവിലെ 9:00 മുതൽ ഉച്ചയ്ക്ക് 12:00 വരെയാണ് ആദ്യ ഷിഫ്റ്റ്. ഉച്ചയ്ക്ക് 3:00 മുതൽ വൈകുന്നേരം 6:00 വരെയാണ് രണ്ടാമത്തെ ഷിഫ്റ്റ്.

Also Read: CSIR UGC NET Dec 2025: നെറ്റ് പരീക്ഷയുടെ ഇന്റിമേഷൻ സ്ലിപ്പ് പുറത്തുവിട്ട് എന്‍ടിഎ; ഡൗണ്‍ലോഡ് ചെയ്യേണ്ടത് എങ്ങനെ?

ഷിഫ്റ്റ്, റിപ്പോർട്ടിംഗ് സമയം തുടങ്ങിയ വിശദാംശങ്ങള്‍ അഡ്മിറ്റ് കാര്‍ഡിലുണ്ട്. സിറ്റി ഇന്റിമേഷൻ സ്ലിപ്പ് നേരത്തെ പുറത്തുവിട്ടിരുന്നു. അഡ്മിറ്റ് കാർഡ് ഡൗൺലോഡ് ചെയ്യുന്നതിൽ എന്തെങ്കിലും ബുദ്ധിമുട്ട് നേരിടുന്നുണ്ടെങ്കിൽ, 011-40759000 എന്ന നമ്പറിൽ എൻ‌ടി‌എ ഹെൽപ്പ്‌ഡെസ്‌കുമായി ബന്ധപ്പെടാം. അല്ലെങ്കിൽ csirnet@nta.ac.in എന്ന വിലാസത്തിൽ ഇമെയിൽ അയയ്ക്കാം.