Study abroad: മികച്ച വിദേശ സർവ്വകലാശാലകളിൽ പഠിക്കണോ? ഐഇഎൽടിഎസ് ഫലങ്ങൾ ഇങ്ങനെ അയച്ചു നോക്കൂ…

ന്യൂഡൽഹി: ഇൻ്റർനാഷണൽ ഇംഗ്ലീഷ് ലാംഗ്വേജ് ടെസ്റ്റിംഗ് സിസ്റ്റം (ഐ ഇ എൽ ടി എസ്) ഒരു സ്റ്റാൻഡേർഡ് ഇംഗ്ലീഷ് പരീക്ഷയാണ്. ഇംഗ്ലീഷ് സംസാരിക്കുന്ന രാജ്യങ്ങളിൽ പഠിക്കാനും ജോലി ചെയ്യാനും ആഗ്രഹിക്കുന്ന, ഇംഗ്ലീഷ് മാതൃഭാഷ അല്ലാത്ത രാജ്യക്കാർക്ക് ഭാഷയിലുള്ള കഴിവ് തെളിയിച്ച് യോ​ഗ്യത നേടാൻ സഹായിക്കുന്ന പരീക്ഷയാണ് ഇത്.

IELTS രജിസ്ട്രേഷൻ പ്രക്രിയ വർഷം മുഴുവനും നടക്കുന്നു. അപേക്ഷകർക്ക് ഓൺലൈനായും ഓഫ്‌ലൈനായും രജിസ്ട്രേഷൻ പൂർത്തിയാക്കാൻ കഴിയും. പരീക്ഷ രജിസ്ട്രേഷൻ പൂർത്തിയാക്കാൻ, അപേക്ഷ സമർപ്പിക്കുന്ന സമയത്ത് ഒരു ഫീസ് അടയ്‌ക്കേണ്ടതുണ്ട്.

ഫലം ഓൺലൈനായാണ് പ്രഖ്യാപിക്കുന്നത്. ഐ ഇ എൽ ടി എസിൽ പങ്കെടുത്ത ഉദ്യോഗാർത്ഥികൾക്ക് ഔദ്യോഗിക വെബ്സൈറ്റ് സന്ദർശിച്ച് ഫലം പരിശോധിക്കാം. ഉദ്യോഗാർത്ഥികൾക്ക് അവരുടെ സ്കോറുകൾ മൊത്തം അഞ്ച് സർവ്വകലാശാലകളിലേക്ക് ആയി അയക്കാൻ‍ കഴിയും.

ALSO READ – പരാതികൾ പരിഹരിച്ചു, കീം മൂന്നാം ഘട്ട അലോട്ട്‌മെന്‍റ് പട്ടിക തിരുത്തി പുറത്തിറക്കി

രജിസ്ട്രേഷൻ പ്രക്രിയ പൂർത്തിയാക്കുമ്പോൾ തന്നെ ഉദ്യോഗാർത്ഥികൾക്ക് സർവകലാശാലകൾ തിരഞ്ഞെടുക്കാം.

എങ്ങനെ അയയ്ക്കാം?

• യൂണിവേഴ്സിറ്റി ആവശ്യപ്പെടുന്ന സ്കോർ എത്രയെന്നു നോക്കുക: യൂണിവേഴ്സിറ്റിയുടെ IELTS സ്കോർ ആവശ്യകതകൾ പരിശോധിക്കുകയും
• ടെസ്റ്റ് റിപ്പോർട്ട് ഫോം നമ്പർ നേടുക: IELTS ടെസ്റ്റ് റിപ്പോർട്ട് ഫോമിൽ TRF നമ്പർ കണ്ടെത്തുക.
• സർവ്വകലാശാലകൾ തിരഞ്ഞെടുക്കുക: നിങ്ങളുടെ സ്കോറുകൾ അയയ്ക്കാൻ ആഗ്രഹിക്കുന്ന സർവ്വകലാശാലകൾ തിരഞ്ഞെടുക്കുക.
• ടെസ്റ്റ് സെൻ്ററുമായി ബന്ധപ്പെടുക: ടെസ്റ്റ് നടത്തിയ ഐ ഇ എൽ ടി എസ് ടെസ്റ്റ് സെൻ്ററിൽ എത്തി- TRF നമ്പർ, യൂണിവേഴ്സിറ്റി പേരുകൾ, വിലാസങ്ങൾ, സ്കോറുകൾ പങ്കിടാനുള്ള സമ്മതം എന്നിവ നൽകുക.
• ഇലക്‌ട്രോണിക് സ്‌കോർ സമർപ്പിക്കൽ: യൂണിവേഴ്‌സിറ്റി ഇലക്‌ട്രോണിക് സ്‌കോറുകൾ സ്വീകരിക്കുകയാണെങ്കിൽ, പരീക്ഷാകേന്ദ്രം നേരിട്ട് അയയ്‌ക്കും.
• പേപ്പർ സ്കോർ സമർപ്പിക്കൽ: സർവകലാശാലയ്ക്ക് പേപ്പർ സ്കോറുകൾ ആവശ്യമാണെങ്കിൽ, പരീക്ഷാ കേന്ദ്രം തപാലിൽ അയയ്ക്കും.
• ആവശ്യമായ ഫീസ് അടയ്‌ക്കുക: സ്‌കോർ പുനഃസമർപ്പണത്തിനായി ചില ടെസ്റ്റ് സെൻ്ററുകൾ, നിരക്ക് ഈടാക്കിയേക്കാം.
• സ്‌കോറുകൾ ട്രാക്കുചെയ്യുക: അവർക്ക് സ്‌കോറുകൾ ലഭിച്ചുവെന്ന് സ്ഥിരീകരിക്കുക.