AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest newsKeralaCricketIndiaEntertainmentBusinessEducationSportsWeb StoriesPhoto GalleryLifestyleWorldTechnologyOpinion

Class 10 Equivalency Exam 2026: പത്താംതരം തുല്യതാ പരീക്ഷയ്ക്ക് ഇനി ദിവസങ്ങൾ മാത്രം; തീയതികളും വിഷയങ്ങളും അറിയാം

Kerala Class 10 Equivalency Exam 2026 Full Timetable and Dates: പരീക്ഷകള്‍ രാവിലെ 9.40നാണ് ആരംഭിക്കുന്നത്. ഓരോ വിഷയത്തിനും വ്യത്യസ്ത സമയദൈര്‍ഘ്യമാണ് നിശ്ചയിച്ചിരിക്കുന്നത്. പരീക്ഷയ്ക്ക് തയാറെടുക്കുന്നവര്‍ തീയതികളും വിഷയങ്ങളും കൃത്യമായി പരിശോധിച്ച് പഠനക്രമം തയാറാക്കേണ്ടതുണ്ട്. വിവിധ വിഷയങ്ങളിലായി ഒമ്പത് ദിവസങ്ങളിലാണ് പരീക്ഷ നടക്കുക. മലയാളം, തമിഴ്, കന്നഡ മീഡിയങ്ങളിലുള്ള വിദ്യാര്‍ഥികള്‍ക്കായുള്ള പരീക്ഷാ ക്രമീകരണങ്ങളാണ് പട്ടികയില്‍ ഉള്‍പ്പെടുത്തിയിരിക്കുന്നത്.

Class 10 Equivalency Exam 2026: പത്താംതരം തുല്യതാ പരീക്ഷയ്ക്ക് ഇനി ദിവസങ്ങൾ മാത്രം; തീയതികളും വിഷയങ്ങളും അറിയാം
പ്രതീകാത്മക ചിത്രം Image Credit source: FreshSplash/Getty Images Creative 2026
Shiji M K
Shiji M K | Updated On: 21 Nov 2026 | 09:14 AM

പത്താംതരം തുല്യതാ പരീക്ഷയ്ക്ക് തയാറെടുക്കുന്ന വിദ്യാര്‍ഥികള്‍ക്കുള്ള സമയവിവര പട്ടിക പ്രസിദ്ധീകരിച്ചു. 2026 നവംബര്‍ സെഷനിലെ പരീക്ഷകളുടെ തീയതികളും വിഷയങ്ങളും സമയവുമാണ് പുറത്തുവിട്ടിരിക്കുന്നത്. ഡിസംബര്‍ 5ന് ആരംഭിക്കുന്ന പരീക്ഷകള്‍ 2027 ജനുവരി 3 വരെ നീളും. വിവിധ വിഷയങ്ങളിലായി ഒമ്പത് ദിവസങ്ങളിലാണ് പരീക്ഷ നടക്കുക. മലയാളം, തമിഴ്, കന്നഡ മീഡിയങ്ങളിലുള്ള വിദ്യാര്‍ഥികള്‍ക്കായുള്ള പരീക്ഷാ ക്രമീകരണങ്ങളാണ് പട്ടികയില്‍ ഉള്‍പ്പെടുത്തിയിരിക്കുന്നത്.

പരീക്ഷകള്‍ രാവിലെ 9.40നാണ് ആരംഭിക്കുന്നത്. ഓരോ വിഷയത്തിനും വ്യത്യസ്ത സമയദൈര്‍ഘ്യമാണ് നിശ്ചയിച്ചിരിക്കുന്നത്. പരീക്ഷയ്ക്ക് തയാറെടുക്കുന്നവര്‍ തീയതികളും വിഷയങ്ങളും കൃത്യമായി പരിശോധിച്ച് പഠനക്രമം തയാറാക്കേണ്ടതുണ്ട്.

പത്താംതരം തുല്യതാ പരീക്ഷ

ഡിസംബര്‍ 5, ശനി– ഒന്നാം ഭാഷയാണ് ആദ്യ ദിവസം നടക്കുക. മലയാളം, തമിഴ്, കന്നഡ എന്നീ ഭാഷകളില്‍ പരീക്ഷ എഴുതുന്നവര്‍ക്കാണ് ഈ പരീക്ഷ. രാവിലെ 9.40 മുതല്‍ ഉച്ചയ്ക്ക് 12.30 വരെയാണ് സമയം.

ഡിസംബര്‍ 6, ഞായര്‍– ഇന്‍ഫര്‍മേഷന്‍ ടെക്‌നോളജി പരീക്ഷ നടക്കും. രാവിലെ 9.40 മുതല്‍ 11.30 വരെയാണ് പരീക്ഷാസമയം.

ഡിസംബര്‍ 12, ശനി– ഹിന്ദി പരീക്ഷയാണ് ഈ ദിവസം നടക്കുന്നത്. രാവിലെ 9.40 മുതല്‍ ഉച്ചയ്ക്ക് 12 മണി വരെയാണ് സമയം.

ഡിസംബര്‍ 13, ഞായര്‍– ഉറുദു പരീക്ഷ നടക്കും. രാവിലെ 9.40 മുതല്‍ 11.30 വരെയാണ് പരീക്ഷാസമയം.

ഡിസംബര്‍ 19, ശനി– സംസ്‌കൃതം പരീക്ഷയാണ് ഈ ദിവസത്തെ പ്രധാന വിഷയം. രാവിലെ 9.40 മുതല്‍ 11.30 വരെയാണ് സമയം.

ഡിസംബര്‍ 20, ഞായര്‍– ജീവശാസ്ത്രം പരീക്ഷ നടക്കും. സമയവിവര പട്ടികയില്‍ രാവിലെ 9.40 മുതല്‍ 11.30 വരെയാണ് പരീക്ഷാ സമയം എന്ന് നല്‍കിയിട്ടുണ്ടെങ്കിലും ആരംഭസമയം രേഖപ്പെടുത്തിയിരിക്കുന്നത് PM എന്നാണ്. വിദ്യാര്‍ഥികള്‍ ഔദ്യോഗിക അറിയിപ്പില്‍ നിന്ന് സമയം ഉറപ്പാക്കണം.

ഡിസംബര്‍ 28, തിങ്കള്‍– ഗണിതശാസ്ത്രം പരീക്ഷ നടക്കും. രാവിലെ 9.40 മുതല്‍ ഉച്ചയ്ക്ക് 12.30 വരെയാണ് പരീക്ഷാസമയം.

2027 ജനുവരി 2, ശനി– സാമൂഹ്യശാസ്ത്രം പരീക്ഷയാണ് നടക്കുന്നത്. രാവിലെ 9.40 മുതല്‍ ഉച്ചയ്ക്ക് 12.30 വരെയാണ് സമയം.

Also Read: NAM Recruitment 2026: എറണാകുളം നാഷണൽ ആയുഷ് മിഷനിൽ വൻ ഒഴിവുകൾ; യോഗ്യതയും അപേക്ഷാ രീതിയും അറിയാം

2027 ജനുവരി 3, ഞായര്‍– ഇംഗ്ലീഷ് പരീക്ഷയോടെയാണ് പത്താംതരം തുല്യതാ പരീക്ഷകള്‍ അവസാനിക്കുന്നത്. രാവിലെ 9.40 മുതല്‍ ഉച്ചയ്ക്ക് 12.30 വരെയാണ് പരീക്ഷാസമയം.

English Summary

The timetable for the Kerala Class 10 Equivalency Examination 2026 has been announced. The examinations will begin on December 5, 2026, and conclude on January 3, 2027. The schedule includes subject-wise dates and timings for Malayalam, Tamil, Kannada and other subjects.

Follow Us