SSLC Exam 2026: ഫിസ്ക്സ് ഇനി വില്ലനല്ല… തിളങ്ങാം 100% വിജയത്തോടെ; ഈ ചോദ്യങ്ങൾ പഠിച്ചുവച്ചോ

എസ്എസ്എൽസി മോഡൽ പരീക്ഷകൾ ഇന്ന് മുതൽ ആരംഭിച്ചിരിക്കുകയാണ്. വിദ്യാർത്ഥികളെ സംബന്ധിച്ചിടത്തോളം ഇത് വെറുമൊരു പരീക്ഷയല്ല, മറിച്ച് വരാനിരിക്കുന്ന മെയിൻ പരീക്ഷയ്ക്ക് മുമ്പുള്ള തയ്യാറെടുപ്പ് കൂടിയാണ്. ഇതിൽ നിങ്ങൾക്കുണ്ടാകുന്ന കുറവുകൾ എന്താണെന്ന് മനസ്സിലാക്കി പഠിച്ചാൽ ഉറപ്പായും മെയിൻ പരീക്ഷയ്ക്ക് നല്ല മാർക്ക് നേടാനും എ പ്ലസ് സ്വന്തമാക്കാനും സാധിക്കും. അതിനായി മുൻ വർഷങ്ങളിൽ വന്ന ചോദ്യങ്ങളും പരീശീലിക്കാവുന്നതാണ്. കാരണം ഇത്തരം ചോദ്യങ്ങൾ ആവർത്തിക്കുന്നത് പതിവ് രീതിയാണ്.

സയൻസ് വിഷയങ്ങളിൽ മിക്ക കുട്ടികളും ഭയത്തോടെ കാണുന്നത് ഫിസിക്സിനെയാണ്. മുൻ വർഷങ്ങളിലെ ചോദ്യപ്പേപ്പർ പരിശീലിക്കുന്നതിലൂടെ ഒരു പരിധിവരെ നിങ്ങൾക്ക് ഈ പരീക്ഷാ പേടിയെ അകറ്റി നിർത്താൻ സാധിക്കും. ലെൻസുകൾ, മിററുകൾ എന്നിവയുടെ രശ്മിചിത്രങ്ങൾ ആവർത്തിച്ച് വരച്ചു പഠിക്കുന്നത് മുഴുവൻ മാർക്കും നേടാൻ സഹായിക്കുന്ന ഭാ​ഗമാണ്. അത്തരത്തിൽ നിങ്ങൾ പ്രധാനമായും പഠിക്കേണ്ട പാഠഭാ​ഗങ്ങളും അതിലെ ആവർത്തിച്ചു വരുന്ന ചില ചോദ്യങ്ങളും നമുക്ക് നോക്കാം.

ALSO READ: പത്താം ക്ലാസ്സ് പരീക്ഷാ ചൂടിലേക്ക്; എസ്എസ്എൽസി മോഡൽ പരീക്ഷക്ക് ഇന്ന് തുടക്കം, 20ന് അവസാനിക്കും

1. വൈദ്യുതപ്രവാഹത്തിൻ്റെ ഫലങ്ങൾ (Effects of Electric Current)

ജൂൾ നിയമം (Joule’s Law): H=I2Rt എന്ന സമവാക്യം ഉപയോഗിച്ചുള്ള കണക്കുകൾ സാധാരണയായി ആവർത്തിച്ചു പരീക്ഷയ്ക്ക് ചോദിക്കാറുണ്ട്.

സീരീസ്, പാരലൽ കണക്ഷനുകൾ: പ്രതിരോധങ്ങൾ ശ്രേണിരീതിയിലും (Series) സമാന്തരരീതിയിലും (Parallel) ഘടിപ്പിക്കുമ്പോൾ ലഭിക്കുന്ന സഫല പ്രതിരോധം എന്താണെന്ന് കണ്ടെത്താനുള്ള ചോദ്യം ഈ പാഠഭാ​ഗത്തുനിന്ന് നിർബന്ധമായും പഠിച്ചിരിക്കണം.

സേഫ്റ്റി ഫ്യൂസ്: ഫ്യൂസ് വയറിൻ്റെ സവിശേഷതകൾ (താഴ്ന്ന ദ്രവണാങ്കം) എന്തെല്ലാം? ഇതൊരു പ്രധാന ചോദ്യമാണ്.

2. വൈദ്യുതകാന്തികപ്രേരണം (Electromagnetic Induction)

ഫ്ലെമിംഗിന്റെ ഇടതുകൈ നിയമം & വലതുകൈ നിയമം: ഈ രണ്ട് നിയമങ്ങളും എവിടെയാണ് ഉപയോഗിക്കുന്നത് (മോട്ടോർ, ജനറേറ്റർ)?, ഈ നിയമം വച്ചുകൊണ്ടുള്ള ചില ചോദ്യങ്ങൾ ഉറപ്പായും ചോദിക്കാറുണ്ട്.

AC & DC ജനറേറ്ററുകൾ: സ്ലിപ്പ് റിംഗുകളും സ്പ്ലിറ്റ് റിംഗുകളും തമ്മിലുള്ള വ്യത്യാസം എന്താണെന്ന് മനസ്സിലാക്കിയിരിക്കണം.

ട്രാൻസ്ഫോർമറുകൾ: സ്റ്റെപ്പ് അപ്പ്, സ്റ്റെപ്പ് ഡൗൺ ട്രാൻസ്ഫോർമറുകളിലെ വോൾട്ടേജും ചുറ്റുകളുടെ എണ്ണവും തമ്മിലുള്ള ബന്ധം. Vp​Vs​​=Np​Ns​​ എന്ന സമവാക്യം വളരെ പ്രധാനമാണ്. ഇതുപയോ​ഗിച്ച് പല ചോദ്യങ്ങളും മുൻ വർഷങ്ങളിലും ചോദിച്ചിട്ടുണ്ട്.

3. പ്രകാശ പ്രതിഫലനം (Reflection of Light)

മിറർ ഇക്വേഷൻ: f1​=u1​+v1​ ഉപയോഗിച്ചുള്ള കണക്കുകൾ സാധാരണയായി ചോദിക്കാറുണ്ട്. അതിനാൽ അതിൻ്റെ സ്റ്റെപ്പുകൾ പഠിക്കുക.

രശ്മിചിത്രങ്ങൾ (Ray Diagrams): വസ്തു വിവിധ സ്ഥാനങ്ങളിൽ ഇരിക്കുമ്പോൾ പ്രതിബിംബം എവിടെ ഉണ്ടാകുന്നു എന്ന് കൃത്യമായി വരച്ചു പഠിക്കുക പ്രത്യേകിച്ച് കോൺകേവ് മിറർ. കാരണം ഇത്തരമൊരു ചോദ്യം ഉറപ്പായും ഉണ്ടാകും. കൂടുതൽമാർക്ക് നേടാൻ സഹായിക്കുന്ന ഭാ​ഗമാണിത്.

4. പ്രകാശവർത്തനം (Refraction of Light)

സ്നെൽ നിയമം (Snell’s Law): അപവർത്തന സൂചിക കണ്ടെത്തുക.

പൂർണ്ണ ആന്തരിക പ്രതിഫലനം (Total Internal Reflection): ഉദാഹരണങ്ങൾ (ഒപ്റ്റിക്കൽ ഫൈബർ, മിറേജ്).

ലെൻസുകൾ: പവർ ഓഫ് എ ലെൻസ് (P=f1​), ലെൻസ് ഫോർമുല.

മുകളിൽ നൽകിയിരിക്കുന്ന മൂന്ന് ഭാ​ഗങ്ങളും വളരെ പ്രധാനമാണ്. ഇതുമായി ബന്ധപ്പെട്ട് ആവർത്തിച്ച് പല വർഷങ്ങളിലും ചോദ്യങ്ങൾ വന്നിട്ടുണ്ട്.

5. പ്രകാശം കണ്ണിൽ (Vision and the World of Colour)

പ്രകീർണ്ണനം (Dispersion): മഴവില്ല് ഉണ്ടാകുന്ന വിധം.

വിസരണം (Scattering): ആകാശം നീല നിറത്തിൽ കാണുന്നത് എന്തുകൊണ്ട്? ഉദയാസ്തമയ സമയങ്ങളിൽ സൂര്യൻ ചുവപ്പ് നിറത്തിൽ കാണുന്നത് എന്തുകൊണ്ട്?

ഇക്കാര്യങ്ങൾ കൃത്യമായി പഠിച്ചാൽ ഉറപ്പായും നല്ലൊരു മാർക്ക് നേടാനാകും.

(Disclaimer: ഈ ഗൈഡിൽ നൽകിയിരിക്കുന്ന ചോദ്യങ്ങൾ മുൻവർഷങ്ങളിലെ പരീക്ഷാ ട്രെൻഡുകൾ മനസ്സിലാക്കി തയ്യാറാക്കിയതാണ്. ഇവ പരീക്ഷയ്ക്ക് ആവർത്തിച്ച് വരാനുള്ള സാധ്യത മാത്രമാണ് ഞങ്ങൾ ഇവിടെ പങ്കുവെക്കുന്നത്. അതിനാൽ ദയവായി എല്ലാ പാഠഭാ​ഗങ്ങളും പഠിക്കുക.)