2026 ലെ നിയമസഭാ തിരഞ്ഞെടുപ്പിൽ ഏതൊക്കെ സംസ്ഥാനങ്ങളാണ് വോട്ട് ചെയ്യുന്നത്?

തമിഴ്നാട്, പശ്ചിമ ബംഗാൾ, കേരളം, അസം, പുതുച്ചേരി എന്നിവ 2026 ൽ വോട്ടെടുപ്പ് നടത്താൻ പോകുന്നു.

5 സംസ്ഥാന നിയമസഭാ തിരഞ്ഞെടുപ്പുകളിൽ ആകെ എത്ര സീറ്റുകൾ ഉൾപ്പെടുന്നു?

അഞ്ച് സംസ്ഥാനങ്ങളിലായി ആകെ 824 നിയമസഭാ സീറ്റുകളാണ് മത്സരിക്കുന്നത്.

ഓരോ സംസ്ഥാനത്തും സർക്കാർ രൂപീകരിക്കാൻ ആവശ്യമായ ഭൂരിപക്ഷ എത്രയാണ്?

തമിഴ്നാട്ടിൽ 118, പശ്ചിമ ബംഗാളിൽ 148, കേരളത്തിൽ 71, അസമിൽ 64, പുതുച്ചേരിയിൽ 16 എന്നിങ്ങനെയാണ് ഭൂരിപക്ഷ മാർക്ക്.

തത്സമയ തിരഞ്ഞെടുപ്പ് പോളിംഗ് അപ്ഡേറ്റുകൾ എനിക്ക് എവിടെ പരിശോധിക്കാൻ കഴിയും?

TV9 മലയാളം തിരഞ്ഞെടുപ്പ് പേജിൽ നിങ്ങൾക്ക് തത്സമയ പോളിംഗ് അപ്ഡേറ്റുകൾ, വോട്ടർമാരുടെ പോളിംഗ് ശതമാനം, ഘട്ടം തിരിച്ചുള്ള കവറേജ് എന്നിവ പിന്തുടരാം.

മണ്ഡലം തിരിച്ചുള്ള തത്സമയ ഫലങ്ങളും സീറ്റ് എണ്ണലും എനിക്ക് എങ്ങനെ ട്രാക്ക് ചെയ്യാൻ കഴിയും?

പേജ് തത്സമയ വോട്ടെണ്ണൽ ട്രെൻഡുകൾ, മണ്ഡലം തിരിച്ചുള്ള വിജയികൾ, വോട്ട് മാർജിനുകൾ, പാർട്ടി തിരിച്ചുള്ളതും സഖ്യം തിരിച്ചുള്ളതുമായ സീറ്റ് എണ്ണൽ ഡാഷ്ബോർഡുകൾ എന്നിവ നൽകുന്നു.

മുൻ തിരഞ്ഞെടുപ്പ് ഫലങ്ങളും ചരിത്രപരമായ ഡാറ്റയും ലഭ്യമാകുമോ?

അതെ, ഈ പേജിൽ അഞ്ച് സംസ്ഥാനങ്ങളിലെയും മുൻകാല തിരഞ്ഞെടുപ്പ് ഫലങ്ങൾ, വോട്ട് വിഹിത താരതമ്യം, സീറ്റ് വിതരണ ട്രെൻഡുകൾ, ചരിത്രപരമായ പ്രകടന വിശകലനം എന്നിവ ഉൾപ്പെടുന്നു.

എക്സിറ്റ് പോളുകളും അഭിപ്രായ വോട്ടെടുപ്പുകളും എപ്പോൾ പ്രസിദ്ധീകരിക്കും?

ഓരോ സംസ്ഥാനത്തും പോളിംഗ് അവസാനിച്ച ഉടൻ തന്നെ എക്സിറ്റ് പോൾ ഫലങ്ങളും വിദഗ്ദ്ധ വിശകലനവും പ്രസിദ്ധീകരിക്കും.

ഈ തിരഞ്ഞെടുപ്പുകളിലെ പ്രധാന സ്ഥാനാർത്ഥികളും പ്രധാന രാഷ്ട്രീയ സഖ്യങ്ങളും ആരൊക്കെയാണ്?

പ്രധാന സഖ്യങ്ങൾ, ഉയർന്ന പ്രൊഫൈൽ സ്ഥാനാർത്ഥികൾ, സ്വിംഗ് മണ്ഡലങ്ങൾ, സംസ്ഥാനാടിസ്ഥാനത്തിലുള്ള വലിയ രാഷ്ട്രീയ പോരാട്ടങ്ങൾ എന്നിവ പേജിൽ ഉൾപ്പെടുന്നു.

ഫലത്തിന് ശേഷമുള്ള സർക്കാർ രൂപീകരണ അപ്ഡേറ്റുകൾ എനിക്ക് എങ്ങനെ പിന്തുടരാനാകും?

സഖ്യ ചർച്ചകൾ, നിയമസഭാ പാർട്ടി യോഗങ്ങൾ, ഗവർണർ ക്ഷണങ്ങൾ, സത്യപ്രതിജ്ഞാ ചടങ്ങിന്റെ അപ്ഡേറ്റുകൾ എന്നിവ നിങ്ങൾക്ക് ഈ പേജിൽ തത്സമയം ട്രാക്ക് ചെയ്യാൻ കഴിയും.

ഈ തിരഞ്ഞെടുപ്പ് പേജ് എത്ര തവണ അപ്ഡേറ്റ് ചെയ്യും?

കൃത്യവും പരിശോധിച്ചുറപ്പിച്ചതുമായ തിരഞ്ഞെടുപ്പ് വിവരങ്ങൾ നൽകുന്നതിന് പ്രചാരണം, പോളിംഗ്, വോട്ടെണ്ണൽ, ഫലപ്രഖ്യാപനം എന്നിവയ്ക്കിടെ പേജ് തുടർച്ചയായി അപ്ഡേറ്റ് ചെയ്യും.

Rahul Mamkootathil: പാലക്കാടൻ കോട്ട കാക്കാൻ രാഹുൽ മാങ്കൂട്ടത്തിൽ! കന്നിയങ്കത്തിൽ ചരിത്രം പിറക്കുമോ?

Rahul Mamkootathil: വിദ്യാർത്ഥി രാഷ്ട്രീയത്തിലൂടെയാണ് രാഹുലിന്റെ പാർട്ടി പ്രവേശനം. കെ.എസ്.യു വിന്റെ യൂണിറ്റ് മുതൽ അഖിലേന്ത്യ തലം വരെയുള്ള ചുമതല വഹിച്ചിത് ശേഷമാണ് യൂത്ത് കോൺഗ്രസിലേക്ക് എത്തിയത്.

രാഹുല്‍ മാങ്കൂട്ടത്തില്‍ Image Credit source: Social Media

Athira CA | Edited By: Jenish Thomas | Updated On: 16 Oct 2024 | 07:44 PM

ചാനൽ ചർച്ചകളിലും സോഷ്യൽ മീഡിയകളിലും കോൺഗ്രസിന്റെ മുഖവും നാവുമായി മാറിയ വ്യക്തിയാണ് രാഹുൽ മാങ്കൂട്ടത്തിൽ. കേന്ദ്ര സംസ്ഥാന സർക്കാരുകളുടെ ജനവിരുദ്ധ നയങ്ങൾക്കെതിരെയുള്ള സമരമുഖങ്ങളിൽ രാഹുൽ സാധാരണക്കാരുടെ ശബ്ദമായി മാറി. പാലക്കാട് നിന്ന് തെരഞ്ഞെടുപ്പ് ഗോദയിലേക്ക് കന്നിയങ്കത്തിന് ഇറങ്ങുന്ന രാഹുലിന് മേൽ പാർട്ടി നൽകുന്ന ഭാരിച്ച ഉത്തരവാദിത്തമാണ്. 2011, 2016, 2021 നിയമസഭാ തെരഞ്ഞെടുപ്പിൽ ഷാഫി പറമ്പിലിനെ നെഞ്ചോട് ചേർത്ത മണ്ഡലം കെെവിടരുതെന്ന ഉത്തരവാദിത്തം.

വിദ്യാർത്ഥി രാഷ്ട്രീയത്തിലൂടെയാണ് രാഹുലിന്റെ പാർട്ടി പ്രവേശനം. കെ.എസ്.യു വിന്റെ യൂണിറ്റ് മുതൽ അഖിലേന്ത്യ തലം വരെയുള്ള ചുമതല വഹിച്ചിത് ശേഷം യൂത്ത് കോൺഗ്രസിലേക്ക്. 2007-08 കാലഘട്ടത്തിൽ യൂത്ത് കോൺഗ്രസ് പെരിങ്ങനാട് മണ്ഡലം പ്രസിഡന്റായാണ് സജീവ രാഷ്ട്രീയത്തിലേക്ക് കാലെടുത്ത് വയ്ക്കുന്നത്. കെ.എസ്.യുവിന്റെ വിവിധ ചുമതലകളും വഹിച്ചിട്ടുണ്ട്. കെ.എസ്.യു അടൂർ നിയോജകമണ്ഡലം പ്രസിഡന്റ് (2008), യൂണിവേഴ്സിറ്റി യൂണിയൻ കൗൺസിലർ (എംജി യൂണിവേഴ്സിറ്റി), KSU പത്തനംതിട്ട ജില്ലാ ജനറൽ സെക്രട്ടറി (2009-2017), കെ.എസ്.യു പത്തനംതിട്ട ജില്ലാ പ്രസിഡന്റ് (2017) എന്ന് ചുമതലകൾ വഹിച്ചു. തുടർന്ന് കെ.എസ്.യുവിന്റെ സംസ്ഥാന നേതൃനിരയിലേക്ക്. KSU സംസ്ഥാന ജനറൽ സെക്രട്ടറി (2017-2018) ആയതിന് പിന്നാലെ 2018-2021കാലയാളവിൽ എൻ.എസ്.യു (I)ദേശീയ സെക്രട്ടറിയായി പ്രവർത്തിച്ചു. 2021-ലാണ് യൂത്ത് കോൺഗ്രസ് നേതൃനിരയിലേക്ക് എത്തുന്നത്. 2023 വരെ സംസ്ഥാന ജനറൽ സെക്രട്ടറിയായിരുന്നു. നിലവിൽ യൂത്ത് കോൺഗ്രസ് സംസ്ഥാന പ്രസിഡന്റ്.

1989 നവംബർ 12 ന് പരേതനായ രാജേന്ദ്രകുറുപ്പിന്റെയും ബീന കുറുപ്പിന്റെയും മകനായാണ് ജനനം. ഇരട്ട ബിരുദാനന്തര ബിരുദമുള്ള രാഹുൽ നിലവിൽ എംജി യൂണിവേഴ്സിറ്റിൽ പിഎച്ച്ഡി ചെയ്യുന്നു‌. പത്തനംതിട്ട കാതോലിക്കേറ്റ് കോളജിലും ഡൽഹി സെന്റ് സ്റ്റീഫൻസ് കോളജിലുമായി വിദ്യാഭ്യാസം. അച്ഛൻ വിടവാങ്ങിയതിന് ശേഷം, അദ്ദേഹത്തിന്റെ ഖദറിട്ട നിമിഷത്തെ വൈകാരികതയാണ് തന്നെ കോൺഗ്രസുകാരനാക്കി മാറ്റിയതെന്ന് പല ഇന്റർവ്യൂകളിലും രാഹുൽ പറഞ്ഞിട്ടുണ്ട്.

2021-ലെ നിയമസഭാ തെരഞ്ഞെടുപ്പിൽ ഫോട്ടോ ഫിനിഷിലൂടെയാണ് ഷാഫി പറമ്പിൽ മണ്ഡലം നിലനിർത്തിയത്. അപ്രതീക്ഷിതമായെത്തിയാണ് കഴിഞ്ഞ തവണ ബിജെപി സ്ഥാനാർത്ഥി ഇ ശ്രീധരൻ മണ്ഡലത്തിൽ തരംഗം തീർത്തത്. വിജയിക്കുന്നതിന് മുമ്പ് ഓഫീസ് പോലും തുറന്ന മെട്രോ മാനെ ഫോട്ടോ ഫിനിഷിലൂടെയാണ് ഷാഫി പറമ്പിൽ പരാജയപ്പെടുത്തിയത്. ഒരുവേള ഇ ശ്രീധരൻ ജയമുറപ്പിച്ചിടത്തു നിന്നാണ് ഷാഫിയുടെ ഹാട്രിക് മുന്നേറ്റം. ഒടുവിൽ ഫലം വരുമ്പോൾ 3,850 വോട്ടിന്റെ ഭൂരിപക്ഷത്തിൽ ഷാഫി നിയമസഭയിലേക്ക്.
‌
എന്നാൽ മൂന്ന് വർഷത്തിനിപ്പുറം ഷാഫി പറമ്പിൽ വടകര ലോക്സഭാ മണ്ഡലത്തിൽ നിന്ന് എംപിയായതോടെ ഉപതെരഞ്ഞെടുപ്പിന് കളമൊരുങ്ങി. ഷാഫിയെ പാലക്കാട് നിർത്തിയത് ബിജെപിയെ ജയിപ്പിക്കാനുള്ള വഴിവെട്ടലാണെന്നും കോൺഗ്രസും ബിജെപിയും തമ്മിലുള്ള കൂട്ടുകച്ചവടമാണെന്നും ലോക്സഭാ തെര‍ഞ്ഞെടുപ്പിന്റെ ഒരുവേളയിൽ സിപിഎമ്മും ഇടതുപക്ഷവും ആരോപിച്ചു. അതുകൊണ്ടു തന്നെ പാലക്കാടൻ കോട്ട നിലനിർത്തുക എന്നത് യുഡിഎഫിനെ സംബന്ധിച്ച് ജീവൻ മരണ പോരാട്ടമാണ്. ഇവിടേക്കാണ് ജനവിധി തേടാൻ ഷാഫി എത്തുന്നത്.

1956-ലെ മണ്ഡല രൂപീകരണം മുതൽ ഭൂരിഭാഗം തെരഞ്ഞടുപ്പുകളിലും യുഡിഎഫിനൊപ്പം നിന്ന പാലക്കാട് ബിജെപിയുടെ ശക്തികേന്ദ്രങ്ങളിൽ ഒന്നാണ്. കഴിഞ്ഞ മൂന്ന് തെരഞ്ഞെടുപ്പുകളിലും മൂന്നാം സ്ഥാനത്തേക്ക് പോയ മണ്ഡലമാണെങ്കിലും നല്ല സ്ഥാനാർത്ഥികളെ നിർത്തിയാൽ വിജയം കെെവരിക്കാമെന്ന പ്രതീക്ഷയിലാണ് സിപിഎം. ഷാഫി ഇല്ലാത്ത മണ്ഡലം പിടിച്ചടക്കാനാവുമെന്ന പ്രതീക്ഷയിലാണ് ബിജെപി. ഒപ്പം ലോക്സഭാ തെരഞ്ഞെടുപ്പിൽ വോട്ടുവിഹിതം വർധിപ്പിച്ചതും ബിജെപിക്ക് ആത്മവിശ്വാസം നൽകുന്നു. കോൺഗ്രസിനാണെങ്കിൽ മണ്ഡലം നിലനിർത്തേണ്ടത് അഭിമാന പ്രശ്നവും.