Bigg Boss Malayalam Season 8: മസ്സാജ് മാത്രം പോരാ ..രാഹുൽ ഈശ്വറിനോട് മോഹൻലാൽ
Mohanlal's Comments Over Rahul Easwar's Game Play: ഇത്തവണത്തെ ബിഗ് ബോസ് മലയാളം സീസണിൽ ഏറ്റവും കൂടുതൽ പ്രേക്ഷകശ്രദ്ധ ഉള്ള മത്സരാർത്ഥിയാണ് രാഹുൽ ഈശ്വർ. നിലവിലുള്ള പോപ്പുലാരിറ്റിയും മുൻപ് മലയാളി ഹൗസ് എന്ന റിയാലിറ്റി ഷോയിലെ ടൈറ്റിൽ വിന്നർ എന്ന പേരും രാഹുൽ ഈശ്വറിൽ ഉള്ള ആരാധകരുടെ പ്രതീക്ഷ വർദ്ധിപ്പിക്കുന്നതായിരുന്നു. അതുകൊണ്ടു തന്നെ ഇത്തവണത്തെ ബിഗ് ബോസ് മലയാളം സീസണിൽ ഏറ്റവും മികച്ച പ്രകടനം രാഹുൽ ഈശ്വറിന്റെതാകുമെന്ന് പലരും പ്രവചിച്ചിരുന്നു.
ഇത്തവണത്തെ ബിഗ് ബോസ് മലയാളം സീസണിൽ ഏറ്റവും കൂടുതൽ പ്രേക്ഷകശ്രദ്ധ ഉള്ള മത്സരാർത്ഥിയാണ് രാഹുൽ ഈശ്വർ. നിലവിലുള്ള പോപ്പുലാരിറ്റിയും മുൻപ് മലയാളി ഹൗസ് എന്ന റിയാലിറ്റി ഷോയിലെ ടൈറ്റിൽ വിന്നർ എന്ന പേരും രാഹുൽ ഈശ്വറിൽ ഉള്ള ആരാധകരുടെ പ്രതീക്ഷ വർദ്ധിപ്പിക്കുന്നതായിരുന്നു. അതുകൊണ്ടു തന്നെ ഇത്തവണത്തെ ബിഗ് ബോസ് മലയാളം സീസണിൽ ഏറ്റവും മികച്ച പ്രകടനം രാഹുൽ ഈശ്വറിന്റെതാകുമെന്ന് പലരും പ്രവചിച്ചിരുന്നു. രാഹുലിന്റെ സ്വതസിദ്ധമായ ആക്ടിവിസവും ശക്തമായ നിലപാടുകളും ഹൗസിൽ ഒരു പോരാളിയുടെ പരിവേഷം നൽകുമെന്നാണ് പലരും അഭിപ്രായപ്പെട്ടിരുന്നത്.
എന്നാൽ ഷോയിലെത്തിയതിനുശേഷം രാഹുൽ മറ്റു മത്സരാർത്ഥികളെ പോലെ ആക്രമിച്ചുള്ള ഗെയിം അല്ല ഇതുവരെ നടത്തിയിട്ടുള്ളത്. എല്ലാ മത്സരാർത്ഥികളുമായും സൗഹൃദം സ്ഥാപിച്ചുകൊണ്ടുള്ള ശൈലിയാണ് രാഹുൽ അവലംബിച്ചിരിക്കുന്നത്. മെൻസ് കമ്മീഷൻ വേണമെന്ന് ആവശ്യമാണ് താൻ ഈ മത്സരത്തിലൂടെ ഉന്നയിക്കുന്നത് എന്ന് രാഹുൽ തുടക്കത്തിലെ പ്രഖ്യാപിച്ചിരുന്നു. പക്ഷേ ഹൗസിലെത്തിയതിനു ശേഷം രാഹുൽ വനിതകളുമായാണ് കൂടുതൽ ഇടപഴകുന്നത് എന്നും മുൻപ് പ്രഖ്യാപിച്ച നിലപാട് എവിടെയെന്നും പലരും ട്രോളുന്നുണ്ട്.
Also Read: മസ്സാജ് മാത്രം പോരാ ..രാഹുൽ ഈശ്വറിനോട് മോഹൻലാൽ
രാഹുലിന്റെ ഈ മത്സര ശൈലിയെ മോഹൻലാലും ഈ ആഴ്ചയിലെ വീക്കെൻഡ് എപിസോഡിൽ ചെറുതായി ഒന്ന് ട്രോളിയിട്ടുണ്ട്. അടിമകളും ഉടമസ്ഥരും എന്നുള്ള ടാസ്കിന് ഇടയിൽ രാഹുൽ പെട്ടെന്ന് തന്റെ ട്രാക്ക് വിട്ട് ചൂടാവുകയും ഷിജിനെ മാസ് ഡയലോഗ് കൊണ്ട് നേരിടുകയും ഒക്കെ ചെയ്തിരുന്നു. അത് എന്തുപറ്റി എന്ന ചോദ്യവുമായാണ് മോഹൻലാൽ തുടങ്ങിയത്. എന്തുപറ്റി പെട്ടെന്ന് വേറെ ഒരാളായി മാറിയല്ലോ എന്നാണ് മോഹൻലാൽ ചോദിച്ചത്, അങ്ങനെയുള്ള രാഹുലിനെ കാണാനാണ് ഞങ്ങൾക്ക് ഇഷ്ടമെന്നും എന്നുവച്ച് മറ്റുള്ളവരുടെ അടുത്തുനിന്ന് ഇടി മേടിക്കരുത് എന്നും മോഹൻലാൽ പറയുന്നുണ്ട്.
രാഹുൽ ഇടയ്ക്ക് ഒന്ന് ദേഷ്യപ്പെടേണ്ടേ എന്ന് വീക്കെൻഡ് എപ്പിസോഡിലെ കാണികളോടും മോഹൻലാൽ ചോദിച്ചു. വേണമെന്ന അഭിപ്രായമാണ് അവരും പങ്കുവെച്ചത്. ‘ആൾക്കാര് പറയുന്നത് മസാജ് മാത്രം പോരാ ഇടയ്ക്ക് മെസ്സേജും കൊടുക്കണം എന്നാണ്.’ കഴിഞ്ഞദിവസം ജസീല രാഹുലിന്റെ പുറം മസാജ് ചെയ്ത് നൽകിയിരുന്നു ഇതിനെയാണ് മോഹൻലാൽ നൈസായി ട്രോളിയത്. താൻ പൊതുവേ ശാന്ത സ്വഭാവക്കാരനായ ആളാണെന്ന മറുപടിയാണ് മോഹൻലാലിന്റെ ചോദ്യങ്ങൾക്ക് രാഹുൽ നൽകിയത്.
English Summary
Mohanlal also playfully teased Rahul about this competitive style during this week’s weekend episode. During the Slaves and Masters task, Rahul had suddenly deviated from his usual demeanor to lose his temper and confront Shijin with a dramatic, mass dialogue.
