Bigg Boss Malayalam Season 8 : എന്തിനാണ് ഇങ്ങോട്ട് വന്നതെന്ന് മോഹൻലാൽ, റിനി ആൻ ജോർജ്ജ് ​ഹൗസിൽ നിന്ന് പുറത്ത്

ബി​ഗ് ബോസ് മലയാളം എട്ടാം സീസണിൽ നിന്ന് ഒരു മത്സരാർത്ഥി കൂടി പുറത്ത്. നടിയും അവതാരകയും മാധ്യമപ്രവർത്തകയുമായ റിനി ആൻ ജോർജ്ജാണ് ഞായറഴ്ചയിലെ വീക്കെൻഡ് എപിസോഡിൽ പുറത്തായത്. കേവലം ഒരാഴ്ച മാത്രമാണ് റിനിയ്ക്ക് ഹൗസിൽ തുടരാനായത്. ഈ സീസണിലെ മൂന്നാമത് എവിക്ഷനാണ് റിനിയുടേത്. ഇന്നെ ഫൈറ്റ് മാസ്റ്റർ കാളിയും ഷോയിൽ നിന്ന് പുറത്തായിരുന്നു. കഴിഞ്ഞ ആഴ്ചയിലെ നോമിനേഷനിൽ ആകെ 9 പേരാണ് ഉൾപ്പെട്ടിരുന്നത്. അതിൽ നിന്ന് രണ്ട് പേരെയാണ് ഇപ്പോൾ പുറത്തായിരിക്കുന്നത്. നേരത്തെ ഡയറക്ട് എവിഷൻ വഴി നടി ​ഗായത്രി സുരേഷും ഷോയിൽ നിന്ന് പുറത്തയാരിയുന്നു.

എവിക്ഷൻ അനൗൺസ്മെന്റ് ചെയ്യുന്നതിന് മുമ്പ് തന്നെ മോഹൻലാൽ റിനിയ്ക്ക് എന്താണ് തോന്നുന്നത് എന്ന് മോഹൻലാൽ ചോദിച്ചിരുന്നു. തനിക്ക് പബ്ലിക് സപ്പോർട്ട് എത്രത്തോളം ഉണ്ട് എന്നുള്ളതിനെപ്പറ്റി വലിയ സംശയമുണ്ട് എന്ന് റിനി മറുപടി പറഞ്ഞപ്പോൾ, അങ്ങനെയാണ് എങ്കിൽ നിങ്ങൾ എന്തിനാണ് ഈ ഷോയിലേക്ക് വന്നത് എന്ന് ചോദിക്കേണ്ടി വരില്ലേ എന്ന് മോഹൻലാൽ മറുചോദ്യം ഉന്നയിച്ചു.

Also Read : കപ്പ് ചേട്ടൻ തന്നെ തൂക്കും! രാഹുൽ ഈശ്വർ റിനി കോംബോ വർക്ക് ആകില്ല; ഭാര്യ ദീപ

എനിക്ക് തോന്നുത് ഞാൻ വിജയിച്ചിട്ടാണ് ഇവിടെ നിന്ന് പോകുന്നത് എന്നാണ്. താൻ തന്നെക്കുറിച്ച് തന്നെ വിചാരിച്ചിരുന്ന ഒരു കാര്യമുണ്ട്, താനൊരു ഗൂഢാലോചനക്കാരിയാണ് എന്നും ഇല്ലാത്ത കാര്യങ്ങൾ പ്രചരിപ്പിക്കുന്ന വ്യക്തിയാണ് എന്നുള്ള ഇമേജ് പൊതുസമൂഹത്തിൽ ഉണ്ട് എന്ന്. പക്ഷേ അതിന് കാരണക്കാരനായ വ്യക്തി തന്നെ അത് അങ്ങനെയല്ല എന്ന് തന്നെ മനസ്സിലാക്കി പറഞ്ഞിട്ടുണ്ടായിരുന്നു – രാഹുൽ ഈശ്വറിനെ ഉദ്ദേശിച്ചുകൊണ്ട് റിനി പറഞ്ഞു. ബിഗ് ബോസ് ഹൗസിൽ കൂടുതൽ ആളുകളും ഫെയ്ക്ക് ആണെന്നാണ് തനിക്ക് തോന്നുന്നത്. പക്ഷേ താനൊരു റിയൽ പേഴ്സൺ ആണ് , ഫേക്ക് ഗെയിം കളിക്കാൻ പറ്റുന്ന ഒരാൾ അല്ല. അതാണ് താൻ അവിടെ നേരിട്ട പ്രധാന പ്രശ്നം എന്നും റിനി ഹൗസിന് പുറത്തുവന്ന ശേഷം മോഹൻലാലിനോട് പറഞ്ഞു.

വീട്ടിൽ നിന്ന് പുറത്തേക്ക് ഇറങ്ങുമ്പോൾ എല്ലാവരോടുമായി റിനി പറയുന്നത് എനിക്ക് ഇവിടെ നിൽക്കണമെന്ന് വലിയ ആഗ്രഹമൊന്നും ഉണ്ടായിരുന്നില്ല എന്നാണ്. പക്ഷേ രാഹുൽ ഈശ്വർ റിനിയെ തിരുത്തുന്നുണ്ട്. അങ്ങനെ പറയരുത് അത് ബിഗ് ബോസിനോടുള്ള അനാദരവല്ലേ , അങ്ങനെ ചെയ്യരുത്, ഒരു താങ്ക്സ് പറഞ്ഞിട്ട് പോകൂ എന്നാണ് രാഹുൽ പറഞ്ഞത്.ആദ്യ ഓപ്പണ്‍ നോമിനേഷനിൽ ഏറ്റവും കൂടുതൽ വോട്ടുകൾ ലഭിച്ചത് റിനിക്ക് ആയിരുന്നു.

English Summary

Another contestant has been evicted from Bigg Boss Malayalam Season 8. Rini Ann George an actress, presenter, and journalist was eliminated during Sunday’s weekend episode. She managed to stay in the house for only one week.