Bigg Boss Malayalam Season 8 Live : ഉള്ളിലിരുപ്പ് അറിയണം! കൺഫഷൻ റൂമിൽ നിന്നും ബി​ഗ്ബോസിന് തുടക്കമിട്ട് ലാലേട്ടൻLIVE

ഇത്തവണത്തെ ബിഗ് ബോസ് ഷോയിൽ കോമണേഴ്സ് ആയി നാലുപേർ കൂടിയുണ്ട്. അഗ്നിപരീക്ഷ താണ്ടിയാണ് ഇവർ വേദിയിൽ എത്തുന്നത്.

ബിഗ് ബോസിന്റെ അഗ്നിപരീക്ഷ താണ്ടി സ്ഥാനമുറപ്പിച്ച് രാകേഷ്.

ഇത്തവണത്തെ ബി​ഗ് ബോസിന്റെ ഏറ്റവും വലിയ പ്രത്യേകതയായിരുന്നു കോമണേഴ്സിനായി നടത്തിയ അ​​ഗ്നിപരീക്ഷ എന്ന പ്രീ ലോ‍ഞ്ച് ഷോ. അതിലെ ഫൈനലിസ്റ്റുകളിൽ നിന്ന് ഏറ്റവും ആദ്യത്തെ മത്സരാർത്ഥിയായ എൽദോയാണ് ഹൗസിലേക്ക് എത്തുന്നത്. കഴിഞ്ഞ നിയമസഭാ തിരഞ്ഞെടുപ്പിൽ പെരുമ്പാവൂരിൽ നിന്ന് എൽദോ സ്വതന്ത്രനായി മത്സരിച്ചിരുന്നു.

പുതിയൊരു ​രാജ്യത്തേക്ക് പോകുന്നു എന്ന് ഫെയ്ബുക്കിൽ പോസ്റ്റിട്ട് വിമാനം കയറിയ രാഹുൽ ഈശ്വറിന്റെ യാത്ര ബി​ഗ് ബോസിലേക്ക് തന്നെയായിരുന്നു. വമ്പൻ കൈയ്യടിയോടെയാണ് രാഹുലിനെ ഷോയുടെ ലോഞ്ച് വേദിയിലുള്ളവർ സ്വീകരിച്ചത്. പുരുഷ കമ്മീഷൻ യാഥാർത്ഥ്യമാക്കുകയാണ് തന്റെ ലക്ഷ്യമെന്ന് പ്രഖ്യാപിച്ചുകൊണ്ടാണ് രാഹുൽ ഈശ്വർ ബി​ഗ് ബോസിലേക്ക് പ്രവേശിച്ചിരിക്കുന്നത്.

ഈ സീസണിലെ 16 ആം നമ്പർ മത്സരാത്ഥിയായി നടിയായ ജലീസ പർവീണും ബി​ഗ് ബോസ് ഹൗസിൽ പ്രവേശിച്ചു. പലവിധ ജീവിത പ്രതിസന്ധികളെ അതിജീവിച്ച് എത്തിയ നടി മലയാളി മിനി സ്ക്രീൻ പ്രേക്ഷകരുടെ ഇഷ്ട താരം കൂടിയാണ്.

സോഷ്യൽ മീഡിയ താരം നേഹ ഫാത്തിമ ബി​ഗ് ബോസിൽ, വേദിയിലെത്തിയ നേഹ മോഹൻലാലിനെ കാണാൻ നല്ല ഭം​ഗിയുണ്ടെന്നാണ് പറഞ്ഞത്.

മിമിക്രി രം​ഗത്ത് നിന്ന് സിനിമയിലേക്ക് എത്തിയ എറണാകുളം സ്വദേശി സുമേഷ് ചന്ദ്രനും ബി​ഗ് ബോസ് ഇത്തവണത്തെ സീസണിൽ ഉണ്ട്. എന്റെ വീട്ടിൽ കേറി ചൊറിഞ്ഞാൽ താനും തിരിച്ച് ചൊറിയും എന്ന ദൃശ്യത്തിലെ ഡയലോ​ഗ് പോലെയാകും തന്റെ സമീപനം എന്ന്  ലോഞ്ച് വേദിയിൽ പ്രഖ്യാപിച്ചിട്ടാണ് സുമേഷ് ഹൗസിലേക്ക് കയറിയത്.

സോഷ്യൽ മീഡിയയിലൂടെ ശ്രദ്ധേയയായ ആർ ജെ അഞ്ജലി ബിഗ് ബോസ് വേദിയിൽ. താൻ ഏറെ സൈബർ അതിക്രമം നേരിട്ട ഈ സമയം തന്നെയാണ് ബി​ഗേ ബോസിലെത്താൻ കറക്ട് സമയം എന്നാണ് അഞ്ജലി പറഞ്ഞത്.

അഭിനയ മേഖലയിലൂടെ മലയാളി പ്രേക്ഷകർക്ക് സുപരിചിതയായ നടി ശ്രീലയ ജോസും ഇത്തവണത്തെ ബി​ഗ് ബോസ് ഹൗസിലെ മത്സരാർത്ഥിയാണ്. നിലവിൽ അഭിനയ രം​ഗത്ത് നിന്ന് ഇടവേളയെടുത്ത് ബഹറിനിൽ അധ്യാപികയായി ജോലി ചെയ്യുകയാണ് ഇവർ. ബി​ഗ് ബോസിലൂടെ ഒരു റീ എൻട്രി പ്രതീക്ഷിക്കുന്നു എന്നാണ് ശ്രീലയ പറയുന്നത്.

ചലച്ചിത്ര താരമായ നോബി ബിനുവും ആർ.ജെ ഐശ്വര്യ മധു മേച്ചേരിയും ബി​ഗ് ബോസ് ഹൗസിലേക്ക് എഴും എട്ടും മത്സരാർത്ഥികളായി എത്തി. ബി​ഗ് ബോസിൽ വിജയിക്കാൻ തങ്ങളെക്കൊണ്ട് കഴിയുന്നതെല്ലാം ചെയ്യുമെന്ന് ഉറപ്പ് നൽകിക്കൊണ്ടാണ് ഹൗസിലേക്ക് പ്രവേശിച്ചത്.

രാഹുൽ മാങ്കൂട്ടത്തിലിന്റെ വിഷയത്തിൽ നടത്തിയ പരാമർശം കൊണ്ട് മലയാളികൾക്ക് സുപരിചിതയായ നടിയാണ് റിനി ആൻ ജോർജ്. മാധ്യമ പ്രവർത്തകയായിരുന്ന റിനി പിന്നീടാണ് അഭിനയത്തിലേക്ക് എത്തിച്ചേർന്നത്. റിനി ഇത്തവണ ബി​ഗ് ബോസിൽ ഉണ്ടാകുമെന്ന് പലരും പ്രവചിച്ചിരുന്നു.

ചിന്തിപ്പിക്കാനും ചിരിപ്പിക്കാനും ബിഗ് ബോസ് വെ​ദിയിലെത്തി വിക്കി ​ത​​​​ഗ്​ഗ്, റിയാക്ഷൻ വീഡിയോകളിലൂടെയാണ് അദ്ദേഹം ശ്രദ്ധേയനായത്.

ഇത്തവണത്തെ ബി​ഗ് ബോസ് സീസണിലേക്കുള്ള പ്രഡിക്ഷൻ ലിസ്റ്റിൽ ഏറ്റവും ഉയർന്ന് കേട്ടിരുന്ന പേരാണ് സോഷ്യൽ മീഡിയ താരമായ ശ്രീലക്ഷ്മി അറയ്ക്കൽ. അധ്യാപികയായ ഇവർ കണ്ണൂർ സ്വദേശിനിയാണ്. ബി​ഗ് ബോസ് ലേണിം​ഗ് എക്സ്പീരിയൻസ് ആണ്, ഇവിടുത്തെ കാര്യങ്ങൾ ഒട്ടും എളുപ്പമല്ല എന്ന് അറിയാം എന്ന് ശ്രീലക്ഷ്മി പറഞ്ഞു.

സീരിയൽ നടിയും സോഷ്യൽ മീഡിയ ഇൻഫ്ളുവന്സറുമായ മൃദുല വിജയ് ബിഗ് ബോസ് മത്സരാർത്ഥിയായി എത്തുന്നു. പറയാനുള്ളത് എവിടെയായാലും പറയും അത് മറ്റുള്ളവരെ വെറുപ്പിക്കാതെ പറയും എന്നാണ് മൃദുല വിജയിയെ കുറിച്ച് മോഹൻലാൽ പറഞ്ഞത്.

ഇത്തവണത്തെ ബി​ഗ് ബോസ് സീസണിലെ രണ്ടാം മത്സരാർത്ഥിയായി ഹൗസിലേക്ക് എത്തിയിരിക്കുന്നത് പ്രമുഖ യുടൂബറായ കടൽക്കൊമ്പൻ ആണ്. പ്രത്യേക ശൈലിയിൽ കടലിനെ പശ്ചാത്തലമാക്കി വീഡിയോ ചെയത് ആണ് ഇയാൾ ശ്രദ്ധ നേടിയത്. പല തവണ ട്രൈ ചെയ്തു, ഇത്തവണയാണ് ബി​ഗ് ബോസിലേക്ക് കിട്ടിയത് എന്ന് യുടൂബർ പറയുന്നു. ശ്രീരാജ് എന്നാണ് കടൽക്കൊമ്പന്റെ യഥാർത്ഥ പേര്.

ബിഗ് ബോസ് സീസൺ എട്ടിലെ ആദ്യത്തെ മത്സരാർത്ഥിയായി ഗായത്രി സുരേഷ്. മനസ്സിലുള്ളത് പറയും അത് പിന്നീട് വിവാദമാകും എന്നാലും തനിക്ക് പറയാനുള്ളത് ഏത് വിവാദങ്ങൾക്കിടയിലും തുറന്നു പറയുന്ന നടി എന്നാണ് മോഹൻലാൽ ഗായത്രിയെ വിശേഷിപ്പിച്ചത്.

ഇത്തവണത്തെ ബി​ഗ് ബോസ് സീസണിയിൽ സാധാരണയുള്ള മുറികൾക്ക് പുറമെ മറ്റൊരു റൂം കൂടി ഉണ്ട്. ഇത് സസ്പെൻസ് ആണെന്നും വഴിയെ എന്താണ് ഇതിനുള്ളിൽ എന്ന് അറിയാമെന്നുമാണ് ബി​ഗ് ബോസും മോഹൻലാലും പറയുന്നത്. കൺഫഷൻ റൂം, കിച്ചൺ, ടാസ്ക് റൂം, ജയിൽ, കിടപ്പ് മുറി, ഹാൾ തുടങ്ങിയ മുറികളാണ് കഴിഞ്ഞ സീസണുകളിൽ ഉണ്ടായിരുന്നത്.

കൺഫഷൻ റൂമിൽ നിന്നും ബി​ഗ് ​ബോസ് ഷോയ്ക്ക് തുടക്കം കുറിച്ച് ലാലേട്ടൻ. ആളുകളുടെ ഉള്ളിലിരുപ്പ് അറിയുന്നത് ഇവിടെ വെച്ചെന്ന് മോഹൻലാൽ.

ബി​ഗ് ബോസ് മലയാളത്തിന്റെ ഏറ്റവും പുതിയ സീസണിന് തുടക്കം. ഏഷ്യാനെറ്റിലും ജിയോ ഹോട്ട്സ്റ്റാറിലും ഷോ കാണാം. വ്യത്യസ്തമായ പ്രൊമോയുമായാണ് ഷോയുടെ ലോഞ്ചിം​ഗ് എപിസോഡ് തുടങ്ങിയിരിക്കുന്നത്.

ബി​ഗ് ബോസ് മലയാളത്തിന്റെ പുതിയ സീസൺ തുടങ്ങാൻ ഇനി അരമണിക്കൂർ മാത്രമാണ് ഉള്ളത്. ഇത്തവണത്തെ മത്സരത്തിൽ ആരൊക്കെയാണ് ഉണ്ടാവുക എന്ന് അറിയാൻ അക്ഷമരായി കാത്തരിക്കുകയാണ് പ്രേക്ഷകർ. ഇനി മിനിറ്റുകൾക്കുള്ളിൽ ആ സസ്പെൻസ് അറിയാം. 7 മണിക്കാണ് ഷോയുടെ ലോഞ്ച് ആരംഭിക്കുന്നത്.

ബിഗ് ബോസ് സീസൺ എട്ടിൽ അവതാരകയായ ലക്ഷ്മി നക്ഷത്രയും എത്തുമെന്നാണ് റിപ്പോർട്ട്. ഇതുമായി ബന്ധപ്പെട്ട് താരം തന്റെ സോഷ്യൽ മീഡിയയിൽ പങ്കുവെച്ച് ചില വീഡിയോകൾ ശ്രദ്ധയാവുകയാണ്. ഇതിനു മുൻപ് ബിഗ്ബോസിൽ പോകുമോ എന്ന ചോദ്യത്തിന് താരം വ്യക്തമില്ലാത്ത മറുപടികൾ ആയിരുന്നു നൽകിയിരുന്നത്.

ഇത്തവണത്തെ ബിഗ് ബോസിന്റെ ഏറ്റവും വലിയ പ്രത്യേകതയാണ് സെലിബ്രിറ്റികൾ അല്ലാത്ത സാധാരണ ജനവിഭാഗങ്ങളിൽ നിന്ന് ബിഗ് ബോസ് ഹൗസിലേക്ക് മത്സരാർത്ഥികളെ തിരഞ്ഞെടുക്കുന്നതിനായി നടത്തിയ അഗ്നിപരീക്ഷ എന്ന ഷോ. 40 പേരാണ് അഗ്നിപരീക്ഷ എന്ന മത്സരത്തിന് യോഗ്യത നേടിയിരുന്നത്. ബിഗ് ബോസിന്റെതിന് സമാനമായി നിരവധി ടാസ്കുകളും മത്സരങ്ങളുമാണ് ഷോയിൽ ഉൾപ്പെടുത്തിയിരുന്നത്. മുൻ സീസണുകളിലെ മത്സരാർത്ഥികളായിരുന്ന അഖിൽ മാരാരും രഞ്ജിനി ഹരിദാസും റിയാസ് സലീമും ആണ് ഈ ഷോയുടെ വിധികർത്താക്കളായി വന്നിരുന്നത്.

ആകെ ഉണ്ടായിരുന്ന 40 പേരിൽ നിന്ന് 12 പേരാണ് അഗ്നിപരീക്ഷയുടെ ഫിനാലെയിൽ എത്തിനിൽക്കുന്നത്. അഫിയനാസ്, പൂജ, ലോലിറ്റ, രാകേഷ്, ഷാമോൻ, ഷിബിന, ഷിജിൻ, ഷിജുലാൽ, ശ്യാം, സോന, താഷി, എൽദോ എന്നിവരാണ് ഇപ്പോൾ ബിഗ് ബോസ് ഹൗസിലേക്ക് എൻട്രി കാത്ത് നിൽക്കുന്നത്. ഫൈനലിസ്റ്റുകളായ ഇവർ 12 പേർക്കും ബിഗ് ബോസ് സീസൺ 8 ന്റെ ലോഞ്ച് എപ്പിസോഡിൽ പങ്കെടുക്കാൻ കഴിയും. ലോഞ്ച് എപ്പിസോഡിൽ ഷോയുടെ ഹോസ്റ്റ് ആയ മോഹൻലാൽ ആണ് തെരഞ്ഞെടുക്കപ്പെടുന്നവരെ ബിഗ് ബോസ് ഹൗസിലേക്ക് പ്രവേശിപ്പിക്കുക.

മലയാളികൾ ഇമയടയ്ക്കാതെ കാണുന്ന ആ ടെലിവിഷൻ പരിപാടി ആരംഭിക്കുകയാണ്. ബിഗ് ബോസ് മലയാളത്തിന്റെ സീസൺ 8 ഇന്ന് ആരംഭിക്കും. അതേസമയം ഇത്തവണ വീട്ടിലെത്തി കലഹിക്കാൻ പോകുന്നവർ ആരൊക്കെ എന്ന് അറിയാൻ ഇനി മിനിറ്റുകൾ കൂടി കാത്തിരിക്കാം. അതിനിടയിൽ കഴിഞ്ഞ ദിവസം രാഹുൽ ഈശ്വർ പങ്കുവെച്ച ഒരു പോസ്റ്റാണ് ഇപ്പോൾ ചർച്ചയാകുന്നത്.

രാഹുൽ ഈശ്വറിന്റെ പോസ്റ്റ്

രാജഭരണം മാത്രമുള്ള ഒരു രാജ്യത്തേക്ക് താൻ പോകുന്നു എന്നാണ് രാഹുൽ ഈശ്വർ തന്റെ സോഷ്യൽ മീഡിയയിൽ കുറിച്ചത്. അവിടുത്തെ കാര്യങ്ങൾ ഭയങ്കര കടുപ്പം ആണെന്നാണ് കേൾക്കുന്നത് രാജാവിനെ മുഖം കാണിക്കാനായി സമയം കാത്തു നിൽക്കുകയാണ് എന്നാണ് രാഹുൽ ഈശ്വർ കുറിച്ചത്. ഇതോടെ എല്ലാവരും രാഹുൽ ഈശ്വർ ഇത്തവണ ബിഗ്ബോസിൽ ഉണ്ട് എന്ന് ഉറപ്പിച്ചിരിക്കുകയാണ്.

പേജുകളിൽ എത്തിയ ചിത്രങ്ങൾ

സർപ്രൈസുകൾ നിരവധിയുണ്ടെങ്കിലും ഇത്തവണ മത്സരാർഥികളുടെ കാര്യത്തിൽ വലിയൊരു എക്സൈറ്റ്മെൻ്റ് തന്നെയുണ്ടെന്നാണ് വിവരം.

ഇത്തവണയും ഷോയിൽ ചില പ്രത്യേകതകളുണ്ട്. ആദ്യത്തെ പ്രത്യേകത കോമണർമാർക്ക് പ്രത്യേക പരിഗണന നൽകി എന്നതാണ്. ഇതിനായി നടത്തിയാതായിരുന്നു അഗ്നിപരീക്ഷ.

ബിഗ് ബോസ് മലയാളം എട്ടാം സീസണ് ഞായാറാഴ്ച വൈകുന്നേരം 7 മണിക്ക് തുടക്കമാകും. ഏറെക്കാലമായി പ്രേക്ഷകർ കാത്തിരുന്ന സമയമാണിത്.