Drishyam 3: ‘രണ്ടാം ഭാഗം പോലെയല്ല ‘ദൃശ്യം 3’; ആ പ്രത്യേകത സംവിധായകൻ പറയുന്നു
Jeethu Joseph About ‘Drishyam 3’: സിനിമയുടെ രണ്ടാം ഭാഗം പോലെ ആയിരിക്കില്ല ദൃശ്യം 3 എന്നും ഒന്നാം ഭാഗത്തിന്റെ പാറ്റേണിൽ ആണ് 'ദൃശ്യം 3' ഒരുക്കിയിരിക്കുന്നതെന്നും ജീത്തു ജോസഫ് പറഞ്ഞു.
മലയാള സിനിമ പ്രേക്ഷകർ ഒന്നടങ്കം ഏറെ ആകാംഷയോടെ കാത്തിരിക്കുന്ന ചിത്രമാണ് മോഹൻലാൽ – ജീത്തു ജോസഫ് കൂട്ടുകെട്ടിലൊരുങ്ങിയ ‘ദൃശ്യം 3. ചിത്രവുമായി ബന്ധപ്പെട്ട ഓരോ അപ്ഡേറ്റും ആരാധകർ ഏറെ സ്വീകാര്യതയാണ് നൽകാറുള്ളത്. ഇപ്പോഴിതാ. ചിത്രത്തെക്കുറിച്ച് സംവിധായകൻ ജീത്തു ജോസഫ് പറഞ്ഞ വാക്കുകളാണ് സോഷ്യൽ മീഡിയയിൽ ശ്രദ്ധ നേടുന്നത്.
സിനിമയുടെ രണ്ടാം ഭാഗം പോലെ ആയിരിക്കില്ല ദൃശ്യം 3 എന്നും ഒന്നാം ഭാഗത്തിന്റെ പാറ്റേണിൽ ആണ് ‘ദൃശ്യം 3’ ഒരുക്കിയിരിക്കുന്നതെന്നും ജീത്തു ജോസഫ് പറഞ്ഞു. മൂന്നാം ഭാഗം കുറച്ചുകൂടി ഇമോഷണൽ ആയാണ് ഒരുക്കിയതെന്നും ജീത്തു ജോസഫ് പറഞ്ഞു. റിപ്പോർട്ടർ ചാനലിനു നൽകിയ അഭിമുഖത്തിലായിരുന്നു അദ്ദേഹത്തിന്റെ പ്രതികരണം.
ഒന്നാം ഭാഗം പോലെ അല്ലായിരുന്നു രണ്ടാം ഭാഗമെന്നും ഇനി രണ്ടാം ഭാഗം പോലെയേ അല്ല മൂന്നാം ഭാഗമെന്നാണ് സംവിധായകൻ പറയുന്നത്. മൂന്നാം ഭാഗം കുറച്ചുകൂടി ഇമോഷണൽ ആയിരിക്കും. ജോർജുകുട്ടിയുടെ കുടുംബത്തിൽ ഇനി എന്തൊക്കെ സംഭവിക്കാം എന്ന കാര്യങ്ങൾ ആണ് മൂന്നാം ഭാഗത്തിൽ കാണിക്കുന്നതെന്നും ആ കഥാപാത്രങ്ങളുടെ ഐഡന്റിറ്റി നിലനിർത്തുന്നുണ്ടെന്നും സംവിധായകൻ പറയുന്നു. രണ്ടാം ഭാഗത്തിൽ ഒരു നരേറ്റിവ് പാറ്റേൺ ഉണ്ടായിരുന്നു എന്നാൽ മൂന്നാം ഭാഗം അങ്ങനെയല്ല. ഒന്നാം ഭാഗത്തിന്റെ പാറ്റേർണിൽ ആണ് ദൃശ്യം 3 ഒരുങ്ങുന്നത് എന്ന് വേണമെങ്കിൽ പറയാമെന്നാണ് ജീത്തു ജോസഫ് പറയുന്നത്.
അതേസമയം മലയാള സിനിമയിലെ ഏറ്റവും മികച്ച ത്രില്ലര് ചിത്രമാണ് ദൃശ്യം. മോഹൻലാൽ നായകനായി എത്തിയ ചിത്രത്തിന്റെ ആദ്യ രണ്ട് ഭാഗങ്ങളിലും വൻ സ്വീകാര്യതയാണ് ലഭിച്ചത്. ദൃശ്യം 3യുടെ ലോകമെമ്പാടുമുള്ള മുഴുവന് തിയേറ്റര് അവകാശങ്ങളും ഡിജിറ്റല് അവകാശങ്ങളും പനോരമ സ്റ്റുഡിയോസ് ആണ് സ്വന്തമാക്കിയിരുന്നു. ചിത്രം ഏപ്രിലിൽ റിലീസ് ചെയ്യുമെന്നാണ് റിപ്പോർട്ടുകൾ.
