Mouni Roy divorce: നടി മൗനി റോയിയും സൂരജ് നമ്പ്യാരും വേർപിരിയുന്നു; അഭ്യൂഹങ്ങൾക്ക് വിരാമമിട്ട് ഔദ്യോഗിക സ്ഥിരീകരണം
Mouni Roy and Suraj Nambiar Announce Separation: വിവാഹബന്ധം വേർപെടുത്തിയാലും തങ്ങൾക്കിടയിലെ സൗഹൃദം തകരാതെ മുന്നോട്ട് കൊണ്ടുപോകുമെന്ന് ഇരുവരും വ്യക്തമാക്കിയിട്ടുണ്ട്. കരിയറിൽ പരസ്പരം നൽകിയ പിന്തുണയ്ക്ക് നന്ദി പറയുന്നതായും അവർ കുറിപ്പിൽ സൂചിപ്പിച്ചു. വിവാഹമോചന വാർത്തകൾക്കിടയിലും തന്റെ പ്രൊഫഷണൽ ജീവിതത്തിൽ മൗനി സജീവമാണ്. പുതിയ വെബ് സീരീസുകളുടെയും ബോളിവുഡ് പ്രോജക്റ്റുകളുടെയും തിരക്കിലാണ് താരം.
മുംബൈ | മെയ് 15, 2026: ബോളിവുഡ് താരം മൗനി റോയിയും മലയാളി വ്യവസായി സൂരജ് നമ്പ്യാരും വിവാഹമോചിതരാകുന്നു. കഴിഞ്ഞ കുറച്ചു ദിവസങ്ങളായി സോഷ്യൽ മീഡിയയിൽ പ്രചരിച്ചിരുന്ന അഭ്യൂഹങ്ങൾ ശരിവെച്ചുകൊണ്ട് ഇരുവരും സംയുക്ത പ്രസ്താവനയിലൂടെയാണ് വേർപിരിയൽ വാർത്ത സ്ഥിരീകരിച്ചത്.
വ്യക്തിപരമായ മുൻഗണനകളിലെ മാറ്റങ്ങൾ വിലയിരുത്തിയ ശേഷം, പരസ്പര ബഹുമാനത്തോടും ധാരണയോടും കൂടിയാണ് സ്വന്തം വഴികളിൽ മുന്നോട്ടുപോകാൻ തീരുമാനിച്ചതെന്ന് ഇരുവരും ഇൻസ്റ്റാഗ്രാമിൽ പങ്കുവെച്ച കുറിപ്പിൽ വ്യക്തമാക്കി. ഈ ഘട്ടത്തിലൂടെ കടന്നുപോകുമ്പോൾ തങ്ങളുടെ സ്വകാര്യത മാനിക്കണമെന്ന് ഇരുവരും ആരാധകരോടും മാധ്യമങ്ങളോടും അഭ്യർത്ഥിച്ചു.
ചില മാധ്യമങ്ങൾ ഞങ്ങളുടെ വ്യക്തിജീവിതത്തിലേക്ക് കടന്നുകയറാൻ ശ്രമിക്കുന്നത് ശ്രദ്ധയിൽപ്പെട്ടു. യാതൊരു അടിസ്ഥാനവുമില്ലാത്ത നുണപ്രചാരണങ്ങളിലൂടെ സ്വകാര്യജീവിതം അവതരിപ്പിക്കാനുള്ള ശ്രമങ്ങളിൽ ഞങ്ങൾ അതൃപ്തി രേഖപ്പെടുത്തുന്നു. സ്വകാര്യമായും സൗഹാർദ്ദത്തോടെയുമാണ് ഈ തീരുമാനത്തിൽ എത്തിയത്. ഭാവിയിൽ സുഹൃത്തുക്കളായി തുടരും. – മൗനിയും സൂരജും കുറിപ്പിൽ പറഞ്ഞു.
വിവാഹവും അഭ്യൂഹങ്ങളും
2022 ജനുവരിയിൽ ഗോവയിൽ വെച്ചായിരുന്നു ഇരുവരുടെയും വിവാഹം. മലയാളി-ബംഗാളി ആചാരപ്രകാരം നടന്ന വിവാഹചിത്രങ്ങൾ അന്ന് സോഷ്യൽ മീഡിയയിൽ വൈറലായിരുന്നു. മൗനിയും സൂരജും ഇൻസ്റ്റാഗ്രാമിൽ പരസ്പരം അൺഫോളോ ചെയ്തതോടെയാണ് ഇരുവരും തമ്മിൽ അസ്വാരസ്യങ്ങളുണ്ടെന്ന വാർത്തകൾ പരന്നത്. മൗനിയുടെ ഉറ്റസുഹൃത്തായ നടി ദിഷാ പഠാണിയും സൂരജിനെ അൺഫോളോ ചെയ്തിരുന്നു.
ALSO READ:‘എന്ത് ചെയ്താലും എനിക്ക് അമ്മയാകാൻ പറ്റില്ല’; പൊട്ടിക്കരഞ്ഞ് സീമ വിനീത്
നടിയും സംരംഭകയുമായ മൗനി റോയ് ‘ബ്രഹ്മാസ്ത്ര’ ഉൾപ്പെടെയുള്ള ചിത്രങ്ങളിലൂടെയും ടെലിവിഷൻ പരമ്പരകളിലൂടെയുമാണ് ശ്രദ്ധേയയായത്. ദുബായ് കേന്ദ്രമായി പ്രവർത്തിക്കുന്ന സംരംഭകനാണ് സൂരജ് നമ്പ്യാർ. ഏതാനും ആഴ്ചകളായി മൗനി റോയ് തന്റെ ഇൻസ്റ്റാഗ്രാം പ്രൊഫൈലിൽ നിന്ന് സൂരജിനൊപ്പമുള്ള ചില ചിത്രങ്ങൾ നീക്കം ചെയ്തതും പരസ്പരം അൺഫോളോ ചെയ്തതുമാണ് ആരാധകർക്കിടയിൽ ചർച്ചയായത്. ഇതിനു പിന്നാലെ നടി ദിഷാ പഠാണിയും സൂരജിനെ അൺഫോളോ ചെയ്തത് വേർപിരിയൽ വാർത്തകൾക്ക് ആക്കം കൂട്ടി.
വിവാഹബന്ധം വേർപെടുത്തിയാലും തങ്ങൾക്കിടയിലെ സൗഹൃദം തകരാതെ മുന്നോട്ട് കൊണ്ടുപോകുമെന്ന് ഇരുവരും വ്യക്തമാക്കിയിട്ടുണ്ട്. കരിയറിൽ പരസ്പരം നൽകിയ പിന്തുണയ്ക്ക് നന്ദി പറയുന്നതായും അവർ കുറിപ്പിൽ സൂചിപ്പിച്ചു. വിവാഹമോചന വാർത്തകൾക്കിടയിലും തന്റെ പ്രൊഫഷണൽ ജീവിതത്തിൽ മൗനി സജീവമാണ്. പുതിയ വെബ് സീരീസുകളുടെയും ബോളിവുഡ് പ്രോജക്റ്റുകളുടെയും തിരക്കിലാണ് താരം. മൗനിയുടെ ഈ പ്രയാസകരമായ ഘട്ടത്തിൽ അടുത്ത സുഹൃത്തായ ദിഷാ പഠാണി താരത്തിന് വലിയ പിന്തുണ നൽകുന്നതായി റിപ്പോർട്ടുകളുണ്ട്. ഇരുവരും ഒന്നിച്ചുള്ള യാത്രകളുടെ ചിത്രങ്ങൾ അടുത്തിടെ വൈറലായിരുന്നു.
English Summary
Actress Mouni Roy and entrepreneur Suraj Nambiar have officially confirmed their separation after four years of marriage. In a joint statement, the couple clarified that the decision was mutual and based on changing personal priorities. They requested privacy and slammed false rumors circulating in the media, confirming that they intend to remain friends in the future.
