P T Kunju Muhammed: ചലച്ചിത്ര പ്രവർത്തകയെ കയറിപ്പിടിച്ച കേസ്: പി.ടി കുഞ്ഞുമുഹമ്മദിനെതിരെ കുറ്റപത്രം

Pt Kunju Muhammed

ചലച്ചിത്ര പ്രവർത്തകയെ കയറി പിടിച്ചു എന്ന കേസിൽ സംവിധായകനും സിപിഎം മുൻ എംഎൽഎയുമായ പിടി കുഞ്ഞുമുഹമ്മദിനെതിരെ കുറ്റപത്രം സമർപ്പിച്ചു. തിരുവനന്തപുരം ജില്ലയിലെ ഒരു പ്രമുഖ ഹോട്ടൽ മുറിയിൽ വച്ച് കയറിപ്പിടിച്ചു എന്നാണ് പോലീസ് റിപ്പോർട്ട്. കുഞ്ഞുമുഹമ്മദിനെതിരെ അഞ്ചുവർഷം വരെ തടവ് ശിക്ഷാ ലഭിച്ചേക്കാവുന്ന കുറ്റമാണ് ചുമത്തിയിരിക്കുന്നത്. സിപിഎം മുൻ എംഎൽഎയും സംവിധായകനുമായ പിടി കുഞ്ഞുമുഹമ്മദിനെതിരായ കുരുക്ക് മുറുകുകയാണ്.

തനിക്ക് എതിരായ പരാതി വ്യാജമാണെന്ന് വാദങ്ങളെല്ലാം തള്ളിക്കൊണ്ട് കുറ്റക്കാരൻ ആണെന്ന് ഉറപ്പിച്ചാണ് കോടതിയിൽ കുറ്റപത്രം നൽകിയത്. അതേസമയം ഡോക്യുമെന്ററി സംവിധായകയായ ചലച്ചിത്ര പ്രവർത്തകയാണ് കുഞ്ഞുമുഹമ്മദിന് എതിരെ പരാതി നൽകിയത്. കഴിഞ്ഞ നവംബർ 6ന് തിരുവനന്തപുരത്തെ ഹോട്ടലിൽ വച്ച് കടന്നുപിടിച്ചു എന്നും ലൈംഗികമായി അപമാനിച്ചു എന്നുമാണ് പരാതിയിൽ പറയുന്നത്.