Bengaluru Traffic: ബെംഗളൂരു എഫ്ടിഐ ജങ്ഷനില്‍ ബ്ലോക്കായോ? എന്നാല്‍ ഈ വഴികളിലൂടെ പോകാം
Stuck at FTI Junction Bengaluru? Here Are Alternate Routes to Save Time: ബ്ലോക്കില്‍ പെടാതെ വേഗത്തില്‍ യാത്ര നടത്താന്‍ നിങ്ങള്‍ക്ക് ഇതര റൂട്ടുകള്‍ പരിഗണിക്കാം. രാജാജിനഗര്‍ പോലീസ് ഗതാഗതം വഴിതിരിച്ചുവിടാന്‍ തുടങ്ങിയിട്ടുണ്ട്. അതിനാല്‍ ഇനി പരിഗണിക്കാവുന്ന റൂട്ടുകള്‍ നോക്കാം.
പ്രതീകാത്മക ചിത്രം
ജോലി, വിദ്യാഭ്യാസ സ്ഥാപനങ്ങള്‍ എന്നിവിടങ്ങളിലേക്ക് പോകാനായി ആളുകള്‍ കൂട്ടത്തോടെ ഇറങ്ങുമ്പോള്‍ ഗതാഗതക്കുരുക്ക് ഉണ്ടാകുന്നത് സ്വാഭാവികമാണ്. എന്നാല്‍ ഇത്തരം സാഹചര്യങ്ങളില്‍ ബെംഗളൂരു പോലുള്ള മെട്രോ സിറ്റികളില്‍ അനുഭവപ്പെടുക മണിക്കൂറുകളോളം നീണ്ട ബ്ലോക്കായിരിക്കും. നിലവില്‍ ബെംഗളൂരുവിലെ ഔട്ടര്‍ റിങ് റോഡിലെ എഫ്ടിഐ ജങ്ഷനില്‍ നിര്‍മാണ പ്രവര്‍ത്തനങ്ങള്‍ നടക്കുകയാണ്. ഇതുകാരണം, ഇവിടെയും ഗതാഗതക്കുരുക്കുണ്ടാകുന്നു.
ഈ സാഹചര്യത്തില്‍ ബ്ലോക്കില്‍ പെടാതെ വേഗത്തില്‍ യാത്ര നടത്താന്‍ നിങ്ങള്‍ക്ക് ഇതര റൂട്ടുകള്‍ പരിഗണിക്കാം. രാജാജിനഗര്‍ പോലീസ് ഗതാഗതം വഴിതിരിച്ചുവിടാന്‍ തുടങ്ങിയിട്ടുണ്ട്. അതിനാല്‍ ഇനി പരിഗണിക്കാവുന്ന റൂട്ടുകള്‍ നോക്കാം.
ഭാരവാഹനങ്ങള്‍
സുരാന കോളേജ് ജങ്ഷനില്‍ നിന്ന് കൃഷ്ണനന്ദനഗര്‍ അല്ലെങ്കില്‍ മഹാലക്ഷ്മി ലേഔട്ട് ഭാഗത്തേക്ക് വരുന്ന വാഹനങ്ങള്‍ സുരാന കോളേജില്‍ നിന്ന് ഇടത്തേക്ക് തിരിയണം, എസ്ആര്‍എസ് ജങ്ഷനില്‍ നിന്ന് യു-ടേണ്‍ എടുത്ത് സിഎംടിഐ സിഗ്നലില് വലത്തേക്ക് തിരിഞ്ഞ്, ലോറി ടെര്‍മിനല്‍ ക്രോസില്‍ നിന്ന് ഇടത്തേക്ക് തിരിഞ്ഞ് പോകാം.
Also Read: Namma Metro: നമ്മ മെട്രോ സൂപ്പറാകും; പിങ്ക് ലൈന്‍ തുറക്കാന്‍ പോകുന്നു, എവിടേക്കെല്ലാം പോകാം?
ബിഎംടിസി ബസുകള്‍
ബിഎംടിസി ബസുകള്‍ സിഎംടിഐ ജങ്ഷനില്‍ നിന്ന് സുമനഹള്ളിയിലേക്കോ നയന്ദഹള്ളിയിലേക്കോ പോകുന്നവരാണെങ്കില്‍ എഫ്ടിഐ പാലത്തിന് താഴെയുള്ള റോഡ് വഴി പോകാതെ, ഫ്‌ളൈഓവര്‍ കയറി ഡോ.രാജ്കുമാര്‍ സമാധി വഴി വേണം പോകാന്‍.
ചെറിയ വാഹനങ്ങള്‍
സുരാന കോളേജില്‍ നിന്നും മഹാലക്ഷ്മി ലേഔട്ടിലേക്ക് പോകുന്ന വാഹനങ്ങള്‍ എഫ്ടിഐ പാലത്തില്‍ നിന്ന് ഇടത്തേക്ക് തിരിയണം. സിഎംടിഐ സിഗ്നലില് നിന്ന് യു-ടേണ്‍ എടുത്ത് ലോറി ടെര്‍മിനല്‍ ക്ലോസില്‍ നിന്ന് ഇടത്തേക്ക് തിരിഞ്ഞ് പോകാം.
