Bengaluru Weather: ചൂടേറ്റ് വാടല്ലേ! ബെംഗളൂരുവില് താപനില 34 ഡിഗ്രിയില്
Bengaluru Weather Update on March 5 Thursday: തീരദേശ മേഖലയിലെ താപനില 37-38 ഡിഗ്രി സെല്ഷ്യസായിരിക്കും. ചിലയവസരങ്ങളില് ഇതില് കൂടുതലാകാനും സാധ്യതയുള്ളതായി കേന്ദ്ര കാലാവസ്ഥ വകുപ്പ് വ്യക്തമാക്കുന്നു. മൈസൂര്, ദാവനഗെരെ തുടങ്ങിയ തെക്കന് ഉള്നാടന് ജില്ലകളിലും താപനില ഉയരുകയാണ്.
ബെംഗളൂരു: വേനല്ച്ചൂടില് തളര്ന്ന് ബെംഗളൂരു നഗരം. നഗരത്തില് ദിനംപ്രതി ചൂട് വര്ധിക്കുകയാണ്. കഴിഞ്ഞ ദിവസത്തില് രേഖപ്പെടുത്തിയത് 34 ഡിഗ്രി സെല്ഷ്യസ് താപനില. വരും ദിവസങ്ങളില് ഇനിയും ചൂട് ഉയരുമെന്നാണ് കാലാവസ്ഥ വകുപ്പിന്റെ പ്രവചനം. കര്ണാടകയുടെ തീരദേശ മേഖലകളില് ഉള്പ്പെടെ കനത്ത ചൂടാണ് നിലവില് അനുഭവപ്പെടുന്നത്.
അടുത്ത അഞ്ച് ദിവസം വരണ്ട കാലാവസ്ഥ അനുഭവപ്പെടാനാണ് സാധ്യത. താപനില 34 ഡിഗ്രി സെല്ഷ്യസില് തന്നെ തുടര്ന്നേക്കാം. ഏറ്റവും കുറഞ്ഞ താപനില 18 ഡിഗ്രിയായിരിക്കും. രാവിലെ ചില പ്രദേശങ്ങളില് തണുപ്പുണ്ടാകുമെങ്കിലും ഉച്ചയോടെ കനത്ത ചൂട് അനുഭവപ്പെടും. ഇതോടൊപ്പം 10 മുതല് 16 കിലോമീറ്റര് വരെ വേഗത്തില് വീശിയടിക്കാവുന്ന കാറ്റിനും സാധ്യതയുണ്ട്.
കേന്ദ്ര കാലാവസ്ഥ വകുപ്പ് നല്കുന്ന വിവരപ്രകാരം മാര്ച്ച് മുതല് മെയ് വരെയുള്ള മാസങ്ങളില് ദക്ഷിണേന്ത്യന് സംസ്ഥാനങ്ങളില് സാധാരണയേക്കാള് ഉയര്ന്ന താപനില അനുഭവപ്പെടും. കര്ണാടകയുടെ വടക്കന് ജില്ലകളായ ബാഗല്കോട്ട്, കൊപ്പല്, ബെല്ഗാം, ദക്ഷിണ കന്നഡ, ഉഡുപ്പി, ഉത്തര കന്നഡ തുടങ്ങിയ തീരദേശ ജില്ലകളില് വരുംദിവസങ്ങളില് ഉഷ്ണതരംഗത്തിന് സാധ്യതയുണ്ട്.
തീരദേശ മേഖലയിലെ താപനില 37-38 ഡിഗ്രി സെല്ഷ്യസായിരിക്കും. ചിലയവസരങ്ങളില് ഇതില് കൂടുതലാകാനും സാധ്യതയുള്ളതായി കേന്ദ്ര കാലാവസ്ഥ വകുപ്പ് വ്യക്തമാക്കുന്നു. മൈസൂര്, ദാവനഗെരെ തുടങ്ങിയ തെക്കന് ഉള്നാടന് ജില്ലകളിലും താപനില ഉയരുകയാണ്.
Also Read: Bengaluru Weather: ഹോളിയില് വിയര്ത്തൊലിക്കും; കനത്ത ചൂടാണ്, വെള്ളം കരുതിക്കോളൂ
മാര്ച്ചിന്റെ തുടക്കത്തില് തന്നെ താപനില 34 ഡിഗ്രി സെല്ഷ്യസിലേക്ക് എത്തിയതിനാല്, ഏപ്രില്, മെയ് മാസങ്ങളില് ചൂട് കൂടുതല് രൂക്ഷമാകുമെന്നാണ് വിലയിരുത്തല്, അതിനാല് ഉച്ചയ്ക്ക് 12നും 3നും ഇടയില് പൊതുജങ്ങള് നേരിട്ട് സൂര്യപ്രകാശം ഏല്ക്കുന്നത് ഒഴിവാക്കണമെന്ന് ആരോഗ്യവകുപ്പ് നിര്ദേശിക്കുന്നു. കുട, തൊപ്പി, കോട്ടണ് വസ്ത്രങ്ങള് എന്നിവ ഉപയോഗിക്കാനും നിര്ദേശമുണ്ട്.
