Bengaluru Vande Bharat: ബെംഗളൂരു വന്ദേ ഭാരത് യാത്ര തുടങ്ങി; ഈ റൂട്ടിലെ സഞ്ചാരം ഇനി അതിവേഗം

വന്ദേ ഭാരത്‌

തമിഴ്‌നാടിന്റെ വിവിധ ജില്ലകളെ ബന്ധിപ്പിച്ചുകൊണ്ട് ബെംഗളൂരുവില്‍ നിന്ന് ട്രെയിനുകള്‍ സര്‍വീസ് നടത്തുന്നുണ്ട്. അക്കൂട്ടത്തില്‍ വന്ദേ ഭാരത് എക്‌സ്പ്രസുകളുമുണ്ട്. ബെംഗളൂരുവില്‍ നിന്ന് മധുരയിലേക്ക് യാത്ര ചെയ്യുന്നവര്‍ ധാരാളമാണ്. അതിനാല്‍ തന്നെ ബെംഗളൂരുവിനെയും മധുരയെയും ബന്ധിപ്പിച്ചുകൊണ്ടും വന്ദേ ഭാരതുണ്ട്.

ബെംഗളൂരു-മധുര വന്ദേ ഭാരത്

മധുരയില്‍ നിന്ന് രാവിലെ 5.15ന് പുറപ്പെടുന്ന ട്രെയിന്‍ ഉച്ചയ്ക്ക് 1 മണിക്ക് ബെംഗളൂരു കന്റോണ്‍മെന്റ് റെയില്‍വേ സ്‌റ്റേഷനില്‍ എത്തിച്ചേരും. ബെംഗളൂരു കന്റോണ്‍മെന്റ് സ്‌റ്റേഷനില്‍ നിന്ന് ഉച്ചയ്ക്ക് 1.30നാണ് മടക്കയാത്ര. 9.40ന് മധുരയില്‍ ട്രെയിനെത്തുന്നതാണ്.

ആകെ ആറ് സ്‌റ്റോപ്പുകളാണ് ഈ റൂട്ടില്‍ ട്രെയിനിനുള്ളത്. കൃഷ്ണരാജപുരം, സേലം, നാമക്കല്‍, കരൂര്‍, ട്രിച്ചി, ഡിണ്ടിഗല്‍ വഴി മധുരയില്‍ എത്തിച്ചേരും. ഏകദേശം 580 കിലോമീറ്റര്‍ ദൂരം സഞ്ചരിക്കാന്‍ ഏകദേശം എട്ട് മണിക്കൂറാണ് ഈ വന്ദേ ഭാരതിന് ആവശ്യമായി വരുന്നത്. ചൊവ്വാഴ്ചകളില്‍ ട്രെയിന്‍ സര്‍വീസ് നടത്തുന്നതല്ല.

Also Read: Bengaluru Vande Bharat Sleeper: ബെംഗളൂരുവില്‍ നിന്ന് കോഴിക്കോട് വഴി വന്ദേ ഭാരത്; മലബാര്‍ യാത്രക്കാര്‍ക്ക് ആശ്വാസം

മധുര ജങ്ഷനില്‍ നിന്ന് രാവിലെ 5.15ന് പുറപ്പെടുന്ന ട്രെയിന്‍, 5.59ന് ദിണ്ടിഗല്‍ ജങ്ഷനില്‍ എത്തും. രാവിലെ 6.50ന് തിരിച്ചിറപ്പള്ളി, 8.8ന് കരൂര്‍ ജങ്ഷന്‍, 8.32ന് നാമക്കല്‍, 9.15ന് സേലം ജങ്ഷന്‍, ഉച്ചയ്ക്ക് 12.50ന് കൃഷ്ണരാജപുരം, 1 മണിക്ക് ബെംഗളൂരു കന്റോണ്‍മെന്റ് സ്‌റ്റേഷന്‍ എന്നിങ്ങനെയാണ് സമയക്രമം.

ദിണ്ടിഗലില്‍ 2 മിനിറ്റ്, തിരുച്ചിറപ്പള്ളിയില്‍ 5 മിനിറ്റ്, കരൂരില്‍ 2 മിനിറ്റ്, നാമക്കലില്‍ 2 മിനിറ്റ്, സേലത്ത് 5 മിനിറ്റ്, കൃഷ്ണരാജപുരത്ത് 2 മിനിറ്റ് എന്നിങ്ങനെയാണ് ഓരോ സ്‌റ്റേഷനിലും ട്രെയിന്‍ നിര്‍ത്തുന്ന സമയം.