Chennai Metro: ടിക്കറ്റ് നിരക്കിൽ ഇളവ്, മെട്രോ യാത്രക്കാരുടെ കൈയിൽ ഈ കാർഡുണ്ടോ?
Chennai Metro Singara Chennai NCMC Card: മികച്ച സർവീസുകൾ നടത്തുന്ന മെട്രോകളിൽ ഒന്നാണ് ചെന്നൈ മെട്രോ. ചെന്നൈ നഗരത്തിലെ ഗതാഗത പ്രശ്നങ്ങൾ പരിഹരിക്കുന്നതിൽ ചെന്നൈ മെട്രോ നിർണായക പങ്ക് വഹിക്കുന്നുണ്ട്. ദിവസവും നിരവധി യാത്രക്കാരാണ് മെട്രോ ഉപയോഗിക്കുന്നത്. അതേസമയം യാത്ര കൂടുതൽ സുഗമമാക്കാൻ ഒരു കാർഡും ഉപയോക്താക്കൾക്ക് നൽകിയിട്ടുണ്ട്. അവയെപറ്റി അറിഞ്ഞാലോ...
ഇന്ത്യയിലെ വിവിധ നഗരങ്ങളിൽ മെട്രോ സേവനങ്ങൾ ലഭ്യമാണ്. അവയിൽ മികച്ച സർവീസുകൾ നടത്തുന്ന മെട്രോകളിൽ ഒന്നാണ് ചെന്നൈ മെട്രോ. ചെന്നൈ നഗരത്തിലെ ഗതാഗത പ്രശ്നങ്ങൾ പരിഹരിക്കുന്നതിൽ ചെന്നൈ മെട്രോ നിർണായക പങ്ക് വഹിക്കുന്നുണ്ട്. ദിവസവും നിരവധി യാത്രക്കാരാണ് മെട്രോ ഉപയോഗിക്കുന്നത്. അതേസമയം യാത്ര കൂടുതൽ സുഗമമാക്കാൻ ഒരു കാർഡും ഉപയോക്താക്കൾക്ക് നൽകിയിട്ടുണ്ട്. അവയെപറ്റി അറിഞ്ഞാലോ…
സിങ്കാര ചെന്നൈ കാർഡ്
ചെന്നൈ മെട്രോ റെയിൽ ലിമിറ്റഡ്, സ്റ്റേറ്റ് ബാങ്ക് ഓഫ് ഇന്ത്യയുമായി ചേർന്ന് പുറത്തിറക്കിയ ഒരു മൾട്ടി പർപ്പസ് പ്രീപെയ്ഡ് സ്മാർട്ട് കാർഡാണ് സിങ്കാര ചെന്നൈ കാർഡ്. ചെന്നൈ മെട്രോയിലെ എല്ലാ സ്റ്റേഷനുകളിലും സേവനം ലഭ്യമാണ്. കൂടാതെ, ടോൾ പ്ലാസകൾ, പാർക്കിംഗ് ചാർജുകൾ, തിരഞ്ഞെടുത്ത റീട്ടെയിൽ ഷോപ്പുകൾ എന്നിവിടങ്ങളിലും ഈ കാർഡ് ഉപയോഗിച്ച് പണമടയ്ക്കാൻ സാധിക്കും.
ALSO READ: ഉച്ചത്തിൽ സംസാരിച്ചാൽ പിഴ, മെട്രോയിൽ പുതിയ നിയമം!
അതേസമയം, സിങ്കാര ചെന്നൈ കാർഡ്, നാഷണൽ കോമൺ മൊബിലിറ്റി കാർഡാണ്. അതായത്, ഇതുപയോഗിച്ച് ചെന്നൈയിലെ മെട്രോ ട്രെയിനുകളിൽ മാത്രമല്ല, ഇന്ത്യയിലുടനീളമുള്ള എൻ.സി.എം.സി സൗകര്യമുള്ള മെട്രോകളിലും ബസുകളിലും യാത്ര ചെയ്യാൻ സാധിക്കുന്നതാണ്.
കാർഡുപയോഗിക്കുന്നവർക്ക് ടിക്കറ്റ് നിരക്കിൽ ഇളവ് ലഭിക്കുന്നതാണ്. മെട്രോ സ്റ്റേഷനുകളിലെ കൗണ്ടറുകൾ വഴിയോ, ഓൺലൈൻ ബാങ്കിംഗ്, യുപിഐ എന്നിവ വഴി റീചാർജ് ചെയ്യാനുള്ള സൗകര്യവുമുണ്ട്.
