Chennai Metro: മെട്രോ യാത്ര ഇനി എന്ത് എളുപ്പം! ഇലക്ട്രിക് ഫീഡർ ബസുകൾ വരുന്നു
Chennai Metro to Launch Electric Feeder Buses: മെട്രോ സ്റ്റേഷനുകളിൽ നിന്ന് ഏകദേശം 5 കിലോമീറ്റർ ചുറ്റളവിലുള്ള പ്രദേശങ്ങളിലാണ് ഈ ബസുകൾ പ്രധാനമായും സർവീസ് നടത്തുക. ഒരു സ്റ്റേഷനിൽ ഏകദേശം 20 ബസുകൾ വിന്യസിച്ചേക്കും. മെട്രോപൊളിറ്റൻ ട്രാൻസ്പോർട്ട് കോർപ്പറേഷനാണ് ബസുകൾ സർവീസ് നടത്തുന്നത്.
ചെന്നൈ: മെട്രോ യാത്ര കൂടുതൽ സുഗകരമാക്കാൻ പുത്തൻ നീക്കവുമായി ചെന്നൈ മെട്രോ റെയിൽവേ ലിമിറ്റഡ്. മെട്രോ സ്റ്റേഷനുകളിലേക്ക് പോകുന്നതിനും തിരിച്ചുപോകുന്നതിനും ഇലക്ട്രിക് ലോ-ഫ്ലോർ ബസുകൾ സർവീസ് തുടങ്ങാൻ ഒരുങ്ങുന്നു. ചെന്നൈ യൂണിഫൈഡ് മെട്രോപൊളിറ്റൻ ട്രാൻസ്പോർട്ട് അതോറിറ്റിയും ചെന്നൈ മെട്രോ റെയിൽ ലിമിറ്റഡും ചേർന്നാണ് ഫസ്റ്റ്, ലാസ്റ്റ് മൈൽ കണക്റ്റിവിറ്റി മെച്ചപ്പെടുത്തുന്നതിനായി ഇത്തരമൊരു സർവീസ് ആരംഭിക്കുന്നത്.
2026 ഡിസംബറോടെ 220 ഇലക്ട്രിക് ലോ -ഫ്ലോർ ബസുകൾ സർവീസുകൾ ആരംഭിക്കുമെന്നാണ് പ്രതീക്ഷ. 220 ബസുകളിൽ 70 എണ്ണം 7 മീറ്റർ നീളമുള്ള വലിയ ബസുകളും, 150 എണ്ണം 5 മീറ്റർ നീളമുള്ള ചെറിയ ബസുകളുമാണ്. ഇവയെല്ലാം എയർ കണ്ടീഷൻ ചെയ്തതും വൈദ്യുതി സൗകര്യമുള്ളതുമാണെന്ന് അധികൃതർ അറിയിച്ചിട്ടുണ്ട്.
ALSO READ: മുഖ്യമന്ത്രി മെട്രോയിൽ, അമ്പരന്ന് യാത്രക്കാർ
മെട്രോ സ്റ്റേഷനുകളിൽ നിന്ന് ഏകദേശം 5 കിലോമീറ്റർ ചുറ്റളവിലുള്ള പ്രദേശങ്ങളിലാണ് ഈ ബസുകൾ പ്രധാനമായും സർവീസ് നടത്തുക. ഒരു സ്റ്റേഷനിൽ ഏകദേശം 20 ബസുകൾ വിന്യസിച്ചേക്കും. മെട്രോപൊളിറ്റൻ ട്രാൻസ്പോർട്ട് കോർപ്പറേഷനാണ് ബസുകൾ സർവീസ് നടത്തുന്നത്.
അതേസമയം, യാത്രക്കാരുടെ കൃത്യമായ ആവശ്യങ്ങൾ മനസിലാക്കാനും റൂട്ടുകൾ നിശ്ചയിക്കുന്നതിനുമായി സർവേ നടത്തുന്നുണ്ട്. Chennai One’ ആപ്പ് വഴി പൊതുജനങ്ങൾക്ക് ഈ സർവേയിൽ പങ്കുചേരാവുന്നതാണ്. തുടക്കത്തിൽ റൂട്ടുകൾ പരീക്ഷണാടിസ്ഥാനത്തിൽ പ്രവർത്തിപ്പിക്കും. പിന്നീട് യാത്രക്കാരുടെ തിരക്കും ആവശ്യകതയും പരിഗണിച്ച് പിന്നീട് റൂട്ടുകളിൽ മാറ്റം വരുത്തുമെന്ന് അധികൃതർ അറിയിച്ചു.
