New Governors: ഒൻപത് സംസ്ഥാനങ്ങളിൽ പുതിയ ഗവർണർമാർ, പുതുച്ചേരി ലഫ്. ഗവർണറായി മലയാളി
New Governors including malayali: മേഘാലയ ഗവർണറായി സി.എച്ച്. വിജയശങ്കറിനെ തിരഞ്ഞെടുത്തപ്പോൾ സി.പി. രാധാകൃഷ്ണനെ മഹാരാഷ്ട്രയുടെയും പുതിയ ഗവർണറാക്കും എന്നാണ് അറിയിപ്പ്.
K-Kailashnathan
ന്യൂഡൽഹി: 9 സംസ്ഥാനങ്ങൾ ഉൾപ്പെടെ 10 സ്ഥലങ്ങളിൽ പുതിയ ഗവർണമാരെ നിയമിച്ച് രാഷ്ട്രപതി ദ്രൗപതി മുർമു. രാജസ്ഥാൻ, തെലങ്കാന, സിക്കിം, ഝാർഖണ്ഡ്, ഛത്തീസ്ഗഢ്, മേഘാലയ, മഹാരാഷ്ട്ര, പഞ്ചാബ്-ചണ്ഡീഗഢ്, അസം, പുതുച്ചേരി എന്നിവിടങ്ങളിലാണ് പുതിയ ഗവർണർമാരെ നിയമിച്ച്ത്. ശനിയാഴ്ച രാത്രിയാണ് ഇതുസംബന്ധിച്ച ഉത്തരവ് രാഷ്ട്രപതിഭവനിൽ നിന്ന് ഇറങ്ങിയത്.
ഇതനുസരിച്ച് ഹരിഭാഹു കിസൻറാവു ബാഗ്ഡെയാണ് രാജസ്ഥാൻ ഗവർണർ. ജിഷ്ണു ദേവ് വർമയെ തെലങ്കാന ഗവർണറായും ഓം പ്രകാശ് മാത്തൂറിനെ സിക്കിമിലും സന്തോഷ് കുമാർ ഗാങ്വാറിനെ ഝാർഖണ്ഡിലും രമൺ ദേകയെ ഛത്തീസ്ഗഢിലും ഗവർണറായി നിയമിക്കപ്പെട്ടു.
ALSO READ – പ്രധാനമന്ത്രി മോദി ഓഗസ്റ്റ് 23ന് യുക്രൈൻ സന്ദർശിക്കും; യാത്ര റഷ്യൻ സന്ദർശനത്തിന് പിന്നാലെ
മേഘാലയ ഗവർണറായി സി.എച്ച്. വിജയശങ്കറിനെ തിരഞ്ഞെടുത്തപ്പോൾ സി.പി. രാധാകൃഷ്ണനെ മഹാരാഷ്ട്രയുടെയും പുതിയ ഗവർണറാക്കും എന്നാണ് അറിയിപ്പ്. ഗുലാബ് ചന്ദ് കഠാരിയയെ പഞ്ചാബ് ഗവർണറായി നിയമിച്ചത്. ചണ്ഡീഗഢ് അഡ്മിനിസ്ട്രേറ്ററായും അദ്ദേഹം തന്നെയാണ് ഉള്ളത്. ലക്ഷ്മൺ പ്രസാദ് ആചാര്യയാണ് അസം ഗവർണർ. ഇദ്ദേഹത്തിന് മണിപ്പുർ ഗവർണറുടെ അധിക ചുമതലയും നൽകിയിട്ടുണ്ട് എന്നാണ് വിവരം.
പുതുച്ചേരി ലഫ്. ഗവർണറായി മലയാളി
മലയാളിയായ മുൻ ഐഎഎസ് ഉദ്യോഗസ്ഥൻ കെ.കൈലാസനാഥനെയാണ് പുതുച്ചേരി ലഫ്. ഗവർണറായി നിയമിച്ചത്. മോദിയുടെ വിശ്വസ്ഥൻ എന്ന പേരിലാണ് ഇദ്ദേഹം കൂടുതൽ അറിയപ്പെടുന്നത്. ഗുജറാത്തിലായിരുന്നു അദ്ദേഹത്തിന്റെ ഔദ്യോഗിക കാലം.
മാറ്റമില്ലാത്തതായി കെ.കെ മാത്രം എന്നാണ് ഗുജറാത്ത് മാധ്യമങ്ങൾ അദ്ദേഹത്തെ വിശേഷിപ്പിച്ചത്. മുഖ്യമന്ത്രിമാർ വന്നു പോകുമ്പോളും മുഖ്യമന്ത്രിയുടെ ഓഫീസിൽ മാറ്റമില്ലാത്ത ഉദ്യോഗസ്ഥനായിരുന്നു ഈ വടകരക്കാരൻ.
