പതഞ്ജലി ലക്ഷ്യം വെക്കുന്നത് അതിവേഗ വളർച്ച; പദ്ധതികൾ ഇത്

രാജ്യത്തിൻ്റെ ആരോഗ്യ, ക്ഷേമ മേഖല അതിവേഗം വികസിച്ചുകൊണ്ടിരിക്കുകയാണ്. സമീപ വർഷങ്ങളിൽ ആയുർവേദവും യോഗയും ദശലക്ഷക്കണക്കിന് ആളുകളുടെ ജീവിതം മെച്ചപ്പെടുത്തിയിട്ടുണ്ടെന്ന് പതഞ്ജലി അവകാശപ്പെടുന്നു. സ്വാമി രാംദേവിന്റെയും ആചാര്യ ബാലകൃഷ്ണയുടെയും നേതൃത്വത്തിൽ പതഞ്ജലി ഇപ്പോൾ പുതിയ ഉയരങ്ങളിലെത്താൻ ഒരുങ്ങുകയാണ് കമ്പനി.ആയുർവേദ ഉൽപ്പന്നങ്ങൾ എല്ലാ ഇന്ത്യൻ വീട്ടിലും എത്തുന്നുണ്ടെന്ന് ഉറപ്പാക്കുകയും യോഗ, പ്രാണായാമം തുടങ്ങിയ പുരാതന രീതികൾ ആധുനിക ജീവിതത്തിന്റെ അവിഭാജ്യ ഘടകമായി മാറ്റുകയും ചെയ്യുക എന്നതാണ് കമ്പനിയുടെ ലക്ഷ്യം.

സമഗ്രമായ ആരോഗ്യം, സുസ്ഥിര കൃഷി, ഡിജിറ്റൽ നവീകരണം എന്നിവയ്ക്ക് ഊന്നൽ നൽകുക എന്നത് കൂടിയാണ് കമ്പനിയുടെ ലക്ഷ്യം. യോഗ സെഷനുകൾ, ആയുർവേദ കൺസൾട്ടേഷനുകൾ, പ്രകൃതിചികിത്സ എന്നിവ നൽകുന്ന 10,000 വെൽനസ് സെന്ററുകൾ ഇന്ത്യയിലും വിദേശത്തുമായി സ്ഥാപിക്കുക എന്നതാണ് കമ്പനിയുടെ അടുത്ത പ്രധാന പദ്ധതി. സ്വാമി രാംദേവിന്റെ അഭിപ്രായത്തിൽ, ഇത് ലോകമെമ്പാടും യോഗയെ ജനപ്രിയമാക്കാൻ സഹായിക്കും.

പതഞ്ജലിയുടെ ലക്ഷം കോടി പദ്ധതി

ഡിജിറ്റൽ ആപ്പുകളടക്കം ഉപയോഗിച്ച് വീട്ടിലിരുന്ന് ആളുകൾക്ക് അവരുടെ ആരോഗ്യം പരിപാലിക്കാൻ ഈ കേന്ദ്രങ്ങൾ സഹായിക്കുമെന്ന് പതഞ്ജലി പറയുന്നു. 5 ലക്ഷം കോടി വിപണി മൂലധനം കൈവരിക്കുക എന്ന ലക്ഷ്യത്തോടെ, 2027 ഓടെ കമ്പനി തങ്ങളുടെ നാല് കമ്പനികളെ ലിസ്റ്റ് ചെയ്യാൻ പദ്ധതിയിടുന്നു. ആരോഗ്യ ഉൽപ്പന്ന വിപണി പ്രതിവർഷം 10-15 ശതമാനം നിരക്കിൽ വളരുന്നതിനാൽ, ഈ നീക്കം ആരോഗ്യ വ്യവസായത്തിന് പുതിയ ഉത്തേജനം നൽകുമെന്നാണ് പ്രതീക്ഷ.

മാർക്കറ്റിഗിലും

മാർക്കറ്റിംഗിന്റെ കാര്യത്തിൽ, 2025 ൽ ഡിജിറ്റൽ മേഖലയിൽ പതഞ്ജലി ഗണ്യമായ ശ്രദ്ധ കേന്ദ്രീകരിച്ചിട്ടുണ്ടെന്ന് കമ്പനി പറയുന്നു. യുവാക്കളെ ലക്ഷ്യം വച്ചുള്ള പ്രചാരണങ്ങൾ യൂട്യൂബ് ഷോർട്ട്സ്, ഇൻസ്റ്റാഗ്രാം റീലുകൾ, ഇൻഫ്ലുവൻസർ സഹകരണങ്ങൾ എന്നിവയിലൂടെ ആരംഭിച്ചിട്ടുണ്ട്. സെർച്ച് എൻജിൻ ഒപ്റ്റിമൈസേഷനിലും കമ്പനി ശ്രദ്ധ ചെലുത്തുന്നുണ്ട്.

അസംസ്കൃത വസ്തുക്കൾ വളർത്തുന്നതിനും ഉൽപ്പന്നങ്ങൾ താങ്ങാനാവുന്ന വിലയിൽ നിലനിർത്തുന്നതിനുമായി കമ്പനി പുതിയ ഫാക്ടറികളും ഫാമുകളും നിർമ്മിക്കുന്നു. ജൈവ ഭക്ഷണങ്ങൾ, ആരോഗ്യ സപ്ലിമെന്റുകൾ, വ്യക്തിഗത പരിചരണ ഇനങ്ങൾ എന്നിവയുടെ ശ്രേണി വിപുലീകരിക്കുന്നു. ആത്മനിർഭർ ഭാരത് മിഷനുമായി യോജിച്ചു പ്രവർത്തിക്കുന്നതിലൂടെ കർഷകരെ ശാക്തീകരിക്കുകയും ഗ്രാമീണ സമ്പദ്‌വ്യവസ്ഥ ശക്തിപ്പെടുത്തുകയും ചെയ്യും.

ആഗോള പങ്കാളിത്തങ്ങളും ഗവേഷണ വികാസവും

യുണൈറ്റഡ് അറബ് എമിറേറ്റ്സ്, യുണൈറ്റഡ് സ്റ്റേറ്റ്സ്, കാനഡ തുടങ്ങിയ രാജ്യങ്ങളിൽ കമ്പനി പങ്കാളിത്തം സ്ഥാപിക്കാൻ ഒരുങ്ങുകയാണ്. പരിസ്ഥിതി സൗഹൃദ പാക്കേജിംഗും സുസ്ഥിര രീതികളും ഉപയോഗിച്ച്, പരിസ്ഥിതി സൗഹൃദ ബ്രാൻഡായി മാറുകയാണ് കമ്പനി ലക്ഷ്യമിടുന്നത്.