Viral News: ഒരു ലക്ഷം ശമ്പളമുള്ള വരനെ വേണ്ട, സർക്കാർ ജീവനക്കാരനെ തന്നെ വേണം; ഡിമാൻഡ് കേട്ട് ഞെട്ടി കുടുംബം
Bride Wants Husband With Govt Job: ചടങ്ങുകൾക്ക് വേണ്ടി വരൻ്റെ കുടുംബക്കാർ എല്ലാം സ്ഥലത്ത് എത്തിയിരുന്നു. എന്നാൽ വധു വിവാഹം നിരസിച്ചതോടെ നീണ്ട നേരത്തെ കാത്തിരിപ്പിനൊടുവിൽ അവർക്ക് അവിടെനിന്നും മടങ്ങേണ്ടി വരുകയായിരുന്നു. ഛത്തീസ്ഗഡിലെ ബൽറാംപൂർ സ്വദേശിയായ എഞ്ചിനീയറുമായാണ് പെൺകുട്ടിയുടെ വീട്ടുകാർ വിവാഹം നിശ്ചയിച്ചത്.
Represental Image (Credits: Freepik)
ലഖ്നൗ: ഉത്തർപ്രദേശിലെ ഫറൂഖാബാദ് ജില്ലയിൽ വരൻ സർക്കാർ ജീവനക്കാരനല്ലെന്നറിഞ്ഞ വധു വിവാഹത്തിൽ നിന്ന് പിന്മാറി. പ്രതിമാസം ഒരു ലക്ഷത്തിലധികം രൂപ ശമ്പളത്തോളം വരന് വരുമാനമുണ്ടായിട്ടും സർക്കാർ ജീവനക്കാരനല്ലെന്ന ഒറ്റക്കാരണത്താലാണ് വധു വിവഹാത്തിന് എതിർപ്പറിയിച്ചത്. സ്വകാര്യ സ്ഥാപനത്തിലാണ് ജോലി ചെയ്തുവരികയാണ് നിലവിൽ വരൻ. ജയമാല (മാല കൈമാറുന്ന ചടങ്ങ്) എന്നൊരു ആചാരത്തിന് ശേഷമാണ് വധു വിവാഹത്തിൽ നിന്ന് പിന്മാറിയത്.
ചടങ്ങുകൾക്ക് വേണ്ടി വരൻ്റെ കുടുംബക്കാർ എല്ലാം സ്ഥലത്ത് എത്തിയിരുന്നു. എന്നാൽ വധു വിവാഹം നിരസിച്ചതോടെ നീണ്ട നേരത്തെ കാത്തിരിപ്പിനൊടുവിൽ അവർക്ക് അവിടെനിന്നും മടങ്ങേണ്ടി വരുകയായിരുന്നു. ഛത്തീസ്ഗഡിലെ ബൽറാംപൂർ സ്വദേശിയായ എഞ്ചിനീയറുമായാണ് പെൺകുട്ടിയുടെ വീട്ടുകാർ വിവാഹം നിശ്ചയിച്ചത്. വരൻ്റെ കുടുംബം കനൗജിൽ വാടക വീട്ടിലാണ് താമസിക്കുന്നത്. എന്നാൽ സ്വന്തമായി വരന് ഭൂമിയും വീടും ഉണ്ടെന്നും അവരുടെ വിവാഹത്തിന് ഇടനിലക്കാരനായി വ്യക്തി അവകാശപ്പെട്ടു.
എന്നാൽ ചടങ്ങുകൾ നടക്കാൻ ഒരു ദിവസം ബാക്കിനിൽക്കെ തലേന്ന് രാത്രിയോടെയാണ് ഇയാൾക്ക് സർക്കാർ ജോലിയില്ലെന്ന കാര്യം വധു അറിയുന്നത്. അപ്പോൾ തന്നെ വിവാഹത്തിന് പെൺകുട്ടി വിസമ്മതം അറിയിക്കുകയായിരുന്നു. എന്നാൽ ഇരുകുടുംബവും ചേർന്ന് പെൺകുട്ടിയുടെ മനസ്സ് മാറ്റാൻ ശ്രമിച്ചെങ്കിലും നടന്നില്ല. ഒടുവിൽ വരന് ലഭിക്കുന്ന ശമ്പളത്തിൻ്റെ തെളിവുകൾ വരെ പെൺകുട്ടിക്ക് കാണിച്ചു നൽകുകയും ചെയ്തു.
എന്നാൽ താൻ ഒരിക്കലും സ്വകാര്യ കമ്പനിയിലെ ജീവനക്കാരനെ വിവാഹം കഴിക്കില്ലെന്നും സർക്കാർ ജീവനക്കാരൻ തന്നെ വേണമെന്നുമുള്ള നിലപാടിൽ തന്നെ വധു ഉറച്ചുനിന്നു. തുടർന്ന് വധുവിൻ്റെയും വരൻ്റെയും കുടുംബങ്ങൾ വിവാഹച്ചെലവ് പരസ്പരം പങ്കുവെക്കാനും പ്രശ്നം പരിഹരിക്കാനും തീരുമാനിച്ചു. ഒത്തുതീർപ്പിലെത്തിയ ശേഷമാണ് വരൻ്റെ കുടുംബം അവിടെനിന്ന് മടങ്ങിയത്.
