Kerala Ship Accident: കോഴിക്കോട് തീരത്തിനടുത്ത് ചരക്കുകപ്പലിന് തീപിടിച്ചു, 40-ഓളം ജീവനക്കാര്‍ കപ്പലില്‍; കണ്ടെയ്‌നറുകള്‍ കടലില്‍ വീണു

അപകടത്തില്‍പെട്ട കപ്പല്‍

കേരള തീരത്ത് വീണ്ടും കപ്പല്‍ അപകടം. കൊളംബോയില്‍ നിന്ന് മുംബൈയിലേക്ക് പോവുകയായിരുന്ന ചരക്കുകപ്പലിന് തീപിടിച്ചു. കണ്ണൂരിനും കോഴിക്കോടിനും ഇടയില്‍ പടിഞ്ഞാറുഭാഗത്തായാണ് അപകടമുണ്ടായത്. വാന്‍ ഹായി എന്ന ചരക്കുകപ്പലിനാണ് തീപിടിച്ചത്. കപ്പലില്‍ 40-ഓളം ജീവനക്കാരുണ്ടായിരുന്നു. ഇവരെ രക്ഷിക്കാനുള്ള ശ്രമങ്ങള്‍ തുടരുന്നു. കപ്പലിലുണ്ടായിരുന്ന 50 കണ്ടെയ്‌നറുകള്‍ കടലില്‍ വീണെന്നാണ് റിപ്പോര്‍ട്ട്.

അറുനൂറിലേറെ കണ്ടെയ്‌നറുകള്‍ കപ്പലിലുണ്ടായിരുന്നു. നേവിയുടെയും, കോസ്റ്റ്ഗാര്‍ഡിന്റെയും കപ്പലുകള്‍ സംഭവസ്ഥലത്തേക്ക് പുറപ്പെട്ടിട്ടുണ്ട്. കൂടുതല്‍ വിവരങ്ങള്‍ ലഭ്യമാകുന്നതേയുള്ളൂ.