MV Govindan: ‘അയ്യപ്പ സംഗമം വലിയ വിജയം; 4,600 ആളുകൾ ഉണ്ടായിരുന്നു, ഒഴിഞ്ഞ കസേരകൾ എഐ ഉപയോഗിച്ച് ഉണ്ടാക്കാമല്ലോ? എം.വി. ഗോവിന്ദൻ
MV Govindan About Global Ayyappa Sangamam: നാലായിരത്തിലധികം പേർ സംഗമത്തിൽ പങ്കാളികളായെന്നും ആളുകൾ കുറഞ്ഞെന്നത് വ്യാജപ്രചാരണമെന്നും അദ്ദേഹം പറഞ്ഞു. ഒഴിഞ്ഞ കസേരകളുടെ ദൃശ്യങ്ങൾ എഐ ദൃശ്യങ്ങളാണെന്നും അദ്ദേഹം കൂട്ടിച്ചേർത്തു.
എം.വി. ഗോവിന്ദന്
തിരുവനന്തപുരം: ആഗോള അയ്യപ്പ സംഗമം ലോകപ്രശസ്ത വിജയമെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ. നാലായിരത്തിലധികം പേർ സംഗമത്തിൽ പങ്കാളികളായെന്നും ആളുകൾ കുറഞ്ഞെന്നത് വ്യാജപ്രചാരണമെന്നും അദ്ദേഹം പറഞ്ഞു. ഒഴിഞ്ഞ കസേരകളുടെ ദൃശ്യങ്ങൾ എഐ ദൃശ്യങ്ങളാണെന്നും അദ്ദേഹം കൂട്ടിച്ചേർത്തു.
ചിലർ അയ്യപ്പ സംഗമത്തെക്കുറിച്ച് വ്യാജപ്രചാരണം നടത്തുന്നുവെന്നും ജനങ്ങൾ ഇതെല്ലാം കാണുന്നുണ്ടെന്നും അദേഹം പറഞ്ഞു. എല്ലാ സെഷനിലും ആൾ വേണമെന്നാണോ കരുതുന്നത്.അയപ്പസംഗമത്തിൽ 4600 ആളുകൾ പങ്കെടുത്തിരുന്നു. മൂവായിരം പേരെയാണ് പ്രതീക്ഷിച്ചിരുന്നത്. അത് വലിയ കുറവാണെങ്കിൽ ആ കുറവ് സംഭവിച്ചിട്ടുണ്ട് എന്നും കളവ് പ്രചരിപ്പിക്കുന്നതിന് എന്തെങ്കിലും നാണവും മാനവും വേണ്ടേ എന്നാണ് ഗോവിന്ദൻ പറയുന്നത്.
Also Read:പിണറായി വിജയന് ഭക്തനാണ്, പണ്ട് എന്തെങ്കിലും പറഞ്ഞുകാണും; പുകഴ്ത്തി വെള്ളാപ്പള്ളി
അതേസമയം ആഗോള അയ്യപ്പ സംഗമത്തിന് ബദലായി ഹൈന്ദവ സംഘടനകൾ നടത്തുന്ന ശബരിമല സംരക്ഷണം നാളെ നടത്തും. പന്തളത്ത് നടക്കുന്ന ശബരിമല വിശ്വാസം വികസനം എന്ന വിഷയത്തിസ് രാവിലെ സെമിനാറും ഉച്ചയ്ക്ക് ശേഷം ഭക്തജന സംഗമവും നടക്കും. ശബരിമല കർമ്മസമിതിയാണ് പരിപാടിക്ക് നേതൃത്വം വഹിക്കുന്നത്.
