Kerala Rain Alert: അതിതീവ്ര ന്യൂനമര്ദ്ദ സാധ്യത! കേരളത്തില് മഴ ശക്തമാകും; ഏഴ് ജില്ലകളില് യെല്ലോ അലര്ട്ട്
Kerala Weather Alert (Sept 23): നാളെ ഏഴ് ജില്ലകളില് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, കണ്ണൂര്, കാസര്കോട് ജില്ലകളിലാണ് മുന്നറിയിപ്പുള്ളത്. 23, 24, 25 തീയതികളില് ഒറ്റപ്പെട്ട സ്ഥലങ്ങളില് ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പ് വ്യക്തമാക്കി.
കേരളത്തില് നാളെ (സെപ്തംബര് 23) ഏഴ് ജില്ലകളില് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, കണ്ണൂര്, കാസര്കോട് ജില്ലകളിലാണ് മുന്നറിയിപ്പുള്ളത്. സംസ്ഥാനത്ത് ഇന്ന് മുതല് 26 വരെയുള്ള ദിവസങ്ങളില് നേരിയതോ മിതമായതോ ആയ മഴയ്ക്ക് സാധ്യതയുണ്ട്. എന്നാല് ഇന്ന് ഒരു ജില്ലയിലും യെല്ലോ അലര്ട്ടില്ല. 23, 24, 25 തീയതികളില് ഒറ്റപ്പെട്ട സ്ഥലങ്ങളില് ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പ് വ്യക്തമാക്കി. 24-ന് അഞ്ച് ജില്ലകളില് യെല്ലോ അലര്ട്ടാണ്. മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് വ്യാഴാഴ്ച ശക്തമായ മഴയ്ക്ക് സാധ്യതയുള്ളത്.
25-ന് തിരുവനന്തപുരം, കൊല്ലം, പത്തനംതിട്ട, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും യെല്ലോ അലര്ട്ടുണ്ട്. ഇന്ന് മുതല് 25 വരെയുള്ള ദിവസങ്ങളില് സംസ്ഥാനത്ത് ഒറ്റപ്പെട്ട സ്ഥലങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഈ ദിവസങ്ങളില് മണിക്കൂറില് 30-40 കിലോമീറ്റര് വേഗത്തില് ശക്തമായ കാറ്റും പ്രതീക്ഷിക്കാം.
യെല്ലോ അലര്ട്ട്
- സെപ്തംബര് 23: തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, കണ്ണൂര്, കാസര്കോട്
- സെപ്തംബര് 24: മലപ്പുറം, കോഴിക്കോട്, വയനാട്, കണ്ണൂര്, കാസര്കോട്
- സെപ്തംബര് 25: തിരുവനന്തപുരം, കൊല്ലം, പത്തനംതിട്ട, മലപ്പുറം, കോഴിക്കോട്, വയനാട്, കണ്ണൂര്, കാസര്കോട്
ബംഗാള് ഉള്ക്കടലില് അതിതീവ്ര ന്യൂനമര്ദ്ദ സാധ്യത
ബംഗാള് ഉള്ക്കടലില് അതിതീവ്ര ന്യൂനമര്ദ്ദ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് വ്യക്തമാക്കി. നിലവില് മധ്യപടിഞ്ഞാറന് ബംഗാള് ഉള്ക്കടലിലും സമീപ വടക്ക് പടിഞ്ഞാറന് ബംഗാള് ഉള്ക്കടലിലുമായി തീവ്രന്യൂനമര്ദ്ദം സ്ഥിതി ചെയ്യുന്നുണ്ട്. അടുത്ത 12 മണിക്കൂറില് പടിഞ്ഞാറ്-വടക്കുപടിഞ്ഞാറ് ദിശയില് സഞ്ചരിച്ച് മധ്യ പടിഞ്ഞാറന് ബംഗാള് ഉള്ക്കടലിലും സമീപ വടക്കുപടിഞ്ഞാറന് ബംഗാള് ഉള്ക്കടലിലുമായി അതിതീവ്ര ന്യൂനമര്ദ്ദമായി ശക്തി പ്രാപിച്ചേക്കും.
Also Read: Kerala Weather Update: മഴ തോരില്ല! സംസ്ഥാനത്ത് ശക്തമായ മഴയ്ക്ക് സാധ്യത; ഈ ജില്ലകാർ കരുതുക
നാളെ രാത്രിയോടെയോ, അല്ലെങ്കില് മറ്റന്നാള് പുലര്ച്ചെയോടെയോ വിശാഖപട്ടണത്തിനും, ഗോപാല്പൂരിനും ഇടയില് വടക്കന് ആന്ധ്രാപ്രദേശ്-തെക്കന് ഒഡീഷ തീരങ്ങള്ക്കിടയിലൂടെ അതിതീവ്ര ന്യൂനമര്ദ്ദമായി കരതൊടാന് സാധ്യതയുണ്ടെന്നും കാലാവസ്ഥ വകുപ്പ് വ്യക്തമാക്കി.
മത്സ്യബന്ധനത്തിന് തടസമില്ല
അതേസമയം, കേരളം, കര്ണാടക, ലക്ഷദ്വീപ് തീരങ്ങളില് ഇന്ന് മത്സ്യബന്ധനത്തിന് തടസമില്ല. എന്നാല് 23, 24 തീയതികളില് മത്സ്യബന്ധനത്തിന് പോകരുതെന്ന് കാലാവസ്ഥ വകുപ്പ് അറിയിച്ചു. ഈ തീയതികളില് കേരളം, കര്ണാടക, ലക്ഷദ്വീപ് തീരങ്ങളില് മണിക്കൂറില് 35-55 കി.മീ വരെ വേഗതയില് ശക്തമായ കാറ്റിനും പ്രതികൂല കാലാവസ്ഥയ്ക്കും സാധ്യതയുണ്ട്.
English Summary
The India Meteorological Department (IMD) has issued a Yellow Alert for seven districts in Kerala on September 23. A Deep Depression over the Bay of Bengal is expected to cross the Andhra Pradesh–Odisha coast soon. Kerala will experience light to moderate rainfall from September 22 to 26, with isolated heavy rains. Thunderstorms and strong wind gusts up to 40 km/h are expected across isolated areas.
