Health Tips: മുട്ടയുടെ മഞ്ഞക്കരു ഹൃദയാഘാതത്തിന് കാരണമാകുമോ? വസ്തുത എന്താണ്
Egg Yolks And Heart Disease: ഭൂരിഭാഗം ആളുകളിലും ശരീരത്തിന് ആവശ്യമായ കൊളസ്ട്രോളിൻ്റെ 70-80 ശതമാനവും ഉത്പാദിപ്പിക്കുന്നത് കരൾ ആണ്. വിദഗ്ധർ പറയുന്നത് അനുസരിച്ച്, മുട്ടയുടെ വെള്ളയിൽ പ്രോട്ടീൻ മാത്രമാണുള്ളതെങ്കിൽ, മുട്ടയിലെ ഭൂരിഭാഗം പോഷകങ്ങളും അടങ്ങിയിട്ടുള്ളത് മഞ്ഞക്കരുവിലാണ്. വിറ്റാമിൻ എ, ഡി, ഇ, കെ എന്നിവ കൂടാതെ ബി-കോംപ്ലക്സ് വൈറ്റമിനുകളും ഇതിൽ ധാരാളമായി കാണപ്പെടുന്നു.
ആരോഗ്യകരമായ പ്രോട്ടീന്റെ ഏറ്റവും മികച്ച ഉറവിടങ്ങളിലൊന്നാണ് മുട്ട. എന്നാൽ പലപ്പോഴും മുട്ടിയുടെ അനാരോഗ്യകരമായ വശങ്ങളെക്കുറിച്ചും ചില വാർത്തകൾ ആളുകൾക്കിടയിൽ പ്രചരിക്കാറുണ്ട്. കൊളസ്ട്രോൾ അടങ്ങിയിരിക്കുന്നതിനാൽ മുട്ടയുടെ മഞ്ഞക്കരു ഹൃദയാഘാത സാധ്യത വർദ്ധിപ്പിക്കുമെന്നതാണ് അതിലെ പ്രധാന ധാരണ. അതിനാൽ മുട്ടയുടെ മഞ്ഞക്കരു ഉപേക്ഷിച്ച് മുട്ടയുടെ വെള്ള മാത്രം കഴിക്കാനാണ് പലരും താല്പര്യപ്പെടുന്നത്.
എന്നാൽ ഈ ധാരണ ശരിക്കും സത്യമാണോ? ഭൂരിഭാഗം ആളുകളിലും ശരീരത്തിന് ആവശ്യമായ കൊളസ്ട്രോളിൻ്റെ 70-80 ശതമാനവും ഉത്പാദിപ്പിക്കുന്നത് കരൾ ആണ്. വിദഗ്ധർ പറയുന്നത് അനുസരിച്ച്, മുട്ടയുടെ വെള്ളയിൽ പ്രോട്ടീൻ മാത്രമാണുള്ളതെങ്കിൽ, മുട്ടയിലെ ഭൂരിഭാഗം പോഷകങ്ങളും അടങ്ങിയിട്ടുള്ളത് മഞ്ഞക്കരുവിലാണ്. വിറ്റാമിൻ എ, ഡി, ഇ, കെ എന്നിവ കൂടാതെ ബി-കോംപ്ലക്സ് വൈറ്റമിനുകളും ഇതിൽ ധാരാളമായി കാണപ്പെടുന്നു.
ALSO READ: തണ്ണിമത്തൻ മധുരമുണ്ടോ? ഒറ്റനോട്ടത്തിൽ അറിയാം, മുറിച്ചും കഴിച്ചും നോക്കണ്ട
മഞ്ഞക്കരു ഒഴിവാക്കുന്നതിലൂടെ അത്യാവശ്യമായ പല പോഷകങ്ങളും നമുക്ക് നഷ്ടപ്പെടുകയാണെന്നാണ് വിദഗ്ധർ പറയുന്നത്. മുട്ടയുടെ മഞ്ഞക്കരുവിൽ അടങ്ങിയിരിക്കുന്ന ല്യൂട്ടിൻ, സിയാക്സാന്തിൻ എന്നീ ആൻ്റിഓക്സിഡൻ്റുകൾ തലച്ചോറിൻ്റെയും കണ്ണിൻ്റെയും ആരോഗ്യം സംരക്ഷിക്കുന്നു.
അതേസമയം, ആരോഗ്യമുള്ള ഒരു വ്യക്തിക്ക് ഒരു ദിവസം രണ്ട് മുട്ട വരെ കഴിക്കാവുന്നതാണ്. പേശികളുടെ ബലത്തിനും ഊർജ്ജസ്വലതയ്ക്കും ആവശ്യമായ പ്രോട്ടീൻ ഇതിലൂടെ ലഭിക്കുന്നു. പ്രമേഹമോ കടുത്ത കൊളസ്ട്രോളിന് മരുന്ന് കഴിക്കുന്നവരോ ഉണ്ടെങ്കിൽ ഡോക്ടറുടെ നിർദ്ദേശപ്രകാരം മുട്ടയുടെ അളവ് ക്രമീകരിക്കേണ്ടതാണ്.
