Water Bottles: കോപ്പർ vs ഗ്ലാസ് വാട്ടർ ബോട്ടിൽ; നല്ലതേത്?
Copper vs Glass Water Bottles: വെള്ളം സൂക്ഷിക്കുന്നതിനായി പലതരത്തിലുള്ള വാട്ടർ ബോട്ടിലുകൾ ഉപയോഗിക്കാറുണ്ട്. നിലവിൽ പ്ലാസ്റ്റിക്കിന് പകരമായി ചെമ്പും ഗ്ലാസ് ബോട്ടിലുകളുമാണ് കൂടുതലും ഉപയോഗിക്കുന്നത്. ഇവയിൽ ആരോഗ്യത്തിന് നല്ലതേത്? കോപ്പറിന് സ്വാഭാവികമായ ആന്റിമൈക്രോബിയൽ ഗുണം ഉണ്ട്, ഇത് വെള്ളത്തിലെ ചില ബാക്ടീരിയകളെ നശിപ്പിക്കാൻ സഹായിക്കും.
പ്രതീകാത്മക ചിത്രം
നമ്മുടെ ആരോഗ്യത്തിന്, ധാരാളം വെള്ളം കുടിക്കേണ്ടത് എത്രത്തോളം പ്രധാനമാണ് അറിയാം, അല്ലേ..പക്ഷേ എങ്ങനെ വെള്ളം കുടിക്കണമെന്ന് അറിയാമോ? വെള്ളം സൂക്ഷിക്കുന്നതിനായി പലതരത്തിലുള്ള വാട്ടർ ബോട്ടിലുകൾ ഉപയോഗിക്കാറുണ്ട്. നിലവിൽ പ്ലാസ്റ്റിക്കിന് പകരമായി ചെമ്പും ഗ്ലാസ് ബോട്ടിലുകളുമാണ് കൂടുതലും ഉപയോഗിക്കുന്നത്. ഇവയിൽ ആരോഗ്യത്തിന് നല്ലതേത്? അറിയാം…
കോപ്പർ ബോട്ടിൽ
ചെമ്പ് പാത്രത്തിൽ സൂക്ഷിച്ച വെള്ളം കുടിക്കുന്നത് ദഹനം മെച്ചപ്പെടുത്താനും രോഗപ്രതിരോധ ശേഷി കൂട്ടാനും സഹായിക്കുമെന്ന് പറയാറുണ്ട്. കോപ്പറിന് സ്വാഭാവികമായ ആന്റിമൈക്രോബിയൽ ഗുണം ഉണ്ട്, ഇത് വെള്ളത്തിലെ ചില ബാക്ടീരിയകളെ നശിപ്പിക്കാൻ സഹായിക്കും.
ALSO READ: ചക്കക്കുരു കഴിക്കാൻ മടി, വയറ്റിൽ ഗ്യാസ് പ്രശ്നം?… ഇനി കൊതിയടക്കേണ്ട, പരിഹാരം ഇതാ
എന്നാൽ ഇവയ്ക്ക് ചില ദോഷങ്ങളുമുണ്ട്. കോപ്പർ അധികമായി ശരീരത്തിൽ പ്രവേശിച്ചാൽ ടോക്സിസിറ്റി ഉണ്ടാകാം. വെള്ളം ഏറെ സമയം സൂക്ഷിച്ചാൽ മെറ്റൽ ലീച്ചിംഗ് സംഭവിക്കും. ഇത് കരൾ, വൃക്ക പ്രശ്നമുള്ളവർക്ക് അപകടമാണ്. അതിനാൽ കോപ്പർ ബോട്ടിൽ ഉപയോഗിക്കാമെങ്കിലും സമയത്തിലും അളവിലും നിയന്ത്രണം വേണം.
ഗ്ലാസ് ബോട്ടിൽ
ഗ്ലാസ് ബോട്ടിൽ വെള്ളം കുടിക്കുന്നതാണ് കൂടുതൽ ആരോഗ്യകരം. ഗ്ലാസ് ഒരു നോൺ റിയാക്ടീവ് പദാർത്ഥമാണ്. അതായത്, ഇത് വെള്ളവുമായി രാസപ്രവർത്തനത്തിൽ ഏർപ്പെടില്ല. ചൂടുവെള്ളമോ തണുത്ത വെള്ളമോ ഏത് തരം പാനീയങ്ങളും സുരക്ഷിതമായി ഗ്ലാസിൽ സൂക്ഷിക്കാവുന്നതാണ്. അതേസമയം, ഗ്ലാസ് ബോട്ടിലുകളുടെ പ്ലാസ്റ്റിക് അടപ്പുകളിൽ നിന്ന് മൈക്രോപ്ലാസ്റ്റിക് വെള്ളത്തിൽ കലരാൻ സാധ്യതയുണ്ടെന്ന് ചില പഠനങ്ങൾ ചൂണ്ടിക്കാട്ടുന്നുണ്ട്. അതിനാൽ, സിലിക്കൺ അല്ലെങ്കിൽ മെറ്റൽ അടപ്പുകളുള്ള ഗ്ലാസ് ബോട്ടിലുകൾ തിരഞ്ഞെടുക്കാവുന്നതാണ്.
