Onam Train Service: ഓണത്തിന് തിരക്കില്ലാതെ നാട്ടിലെത്താം; ചെന്നൈയിൽ നിന്ന് കൊല്ലം, കോട്ടയം സ്പെഷ്യൽ ട്രെയിൻ

പ്രതീകാത്മക ചിത്രം

ഓണക്കാലത്തെ തിരക്ക് കുറയ്ക്കാൻ സ്പെഷ്യൽ ട്രെയിൻ സർവീസ് ഏർപ്പെടുത്തി. കൊല്ലം, കോട്ടയം എന്നിവിടങ്ങളിലേക്കും തിരിച്ചും സേലം, ഈറോഡ്, പാലക്കാട് വഴി സ്പെഷ്യൽ ട്രെയിനുകളാണ് പ്രഖ്യാപിച്ചത്.

സ്പെഷ്യൽ ട്രെയിൻ സർവീസ്

ചെന്നൈ സെൻട്രൽ – കൊല്ലം (06119) ട്രെയിൻ: ഓ​ഗസ്റ്റ് 27 മുതൽ സെപ്റ്റംബർ 10 വരെയുള്ള ബുധനാഴ്ചകളിലാണ് സർവീസ്. വൈകിട്ട് 3.10ന് പുറപ്പെട്ട് പിറ്റേന്ന് രാവിലെ 6.20ന് കൊല്ലത്തെത്തും.

കൊല്ലം – ചെന്നൈ സെൻട്രൽ (06120): രാവിലെ 10.45ന് പുറപ്പെട്ട് പിറ്റേന്ന് പുലർച്ചെ 3.30ന് ചെന്നൈയിലെത്തും. ഓ​ഗസ്റ്റ് 28 മുതൽ സെപ്റ്റംബർ 11 വരെയുള്ള വ്യാഴാഴ്ചകളിലാണ് സർവീസ്.

ചെന്നൈ സെൻട്രൽ – കോട്ടയം ട്രെയിൻ (06111): രാത്രി 11.20ന് പുറപ്പെട്ട് പിറ്റേന്ന് ഉച്ചയ്ക്ക് 1.30ന് കോട്ടയത്ത് എത്തും. ഓ​ഗസ്റ്റ് 26 മുതൽ സെപ്റ്റംബർ 9 വരെയുള്ള ചൊവ്വാഴ്ചകളിലാണ് സർവീസ്.

കോട്ടയം – ചെന്നൈ സെൻട്രൽ (06112): വൈകിട്ട് 6ന് പുറപ്പെട്ട് പിറ്റേന്ന് രാവിലെ 11.35ന് ചെന്നൈയിലെത്തും. ഓ​ഗസ്റ്റ് 27 മുതൽ സെപ്റ്റംബർ 10 വരെയുള്ള ബുധനാഴ്ചകളിലാണ് സർവീസ്.