Arya Badai and Sibin Benjamin: എന്ഗേജ്മെന്റിന് മോതിരത്തിനു പകരം മാലയണിഞ്ഞ് ആര്യയും സിബിനും; വിവാഹനിശ്ചയ ചിത്രങ്ങൾ പങ്കുവച്ച് താരം
Arya Badai and Sibin Benjamin Engagement: ജീവിതാവസാനം വരെ ഓർമയിൽ സൂക്ഷിക്കാനാകുന്ന ദിവസമാണ് എന്നാണ് വിവാഹനിശ്ചയദിവസത്തെ ആര്യ വിശേഷിപ്പിച്ചത്. ഈ ദിവസത്തെക്കുറിച്ച് പറയാൻ തനിക്ക് വാക്കുകൾ ഇല്ലെന്നും ആര്യ കുറിപ്പിൽ പറയുന്നു.
മലയാളികൾക്ക് ഏറെ പ്രിയങ്കരിയാണ് നടിയും അവതാരകയും സംരംഭകയുമായ ആര്യ ബാബു. കഴിഞ്ഞാഴ്ചയാണ് താരം വിവാഹിതയാകാൻ പോകുന്നുവെന്ന വാർത്ത പുറത്ത് വന്നത്. ഡിജെയും കൊറിയോഗ്രാഫറും ബിഗ് ബോസ് താരവുമായ സിബിനാണ് ആര്യയുടെ ജീവിതപങ്കാളി. (image credits:Instagram)
ഇരുവരുടെയും വിവാഹ നിശ്ചയത്തിന്റെ ചിത്രം പങ്കുവച്ച് കൊണ്ടാണ് ആര്യ ഇക്കാര്യം ആരാധകരുമായി പങ്കുവച്ചത്. ഉറ്റസുഹൃത്തിൽ നിന്ന് ജീവിത പങ്കാളിയിലേയ്ക്ക് എന്നാണ് വിവാഹ നിശ്ചയത്തിന്റെ വാർത്ത പങ്കുവെച്ചുകൊണ്ട് ആര്യ കുറിച്ചത്. ജീവിതം അവിശ്വസനീയവും മനോഹരവുമായ വഴിത്തിരിവിലെത്തി എന്നും ആര്യ കുറിച്ചിരുന്നു.
ഇപ്പോഴിത വിവാഹ നിശ്ചയത്തിന്റെ കൂടുതൽ ചിത്രങ്ങൾ പങ്കുവച്ചിരിക്കുകയാണ് താരം. ജീവിതാവസാനം വരെ ഓർമയിൽ സൂക്ഷിക്കാനാകുന്ന ദിവസമായിരുന്നുവെന്നാണ് വിവാഹനിശ്ചയദിവസത്തെ ആര്യ വിശേഷിപ്പിച്ചത്. ഈ ദിവസത്തെക്കുറിച്ച് പറയാൻ തനിക്ക് വാക്കുകൾ ഇല്ലെന്നും ആര്യ കുറിപ്പിൽ പറയുന്നു
'നേരത്തെതന്നെ സിബിൻ വിവാഹമോതിരം കൈമാറിയിരുന്നതിനാൽ ഇത്തവണ പരസ്പരം മാലയണിഞ്ഞും, ഉമ്മകളും കെട്ടിപ്പിടുത്തങ്ങളും കൈമാറിയുമാണ് ഞങ്ങൾ ഈ ദിവസത്തെ മനോഹരമാക്കിയത്' എന്നും ചിത്രങ്ങളോടൊപ്പം ആര്യ കുറിച്ചു.
വിവാഹ നിശ്ചയ ചടങ്ങ് ഒരുക്കിയവർക്കും, ഒപ്പം നിന്നവർക്കും എല്ലാം നന്ദി പറഞ്ഞാണ് ആര്യ ചടങ്ങിന്റെ ചിത്രങ്ങൾ ഇൻസ്റ്റാഗ്രാമിൽ പങ്കുവച്ചത്. ചിത്രങ്ങൾ വൈറാലയതോടെ നിരവധി പേരാണ് ആശംസകളും സ്നേഹവും അറിയിച്ച് രംഗത്ത് എത്തുന്നത്.
