BTS Jungkook, Jimin: ജങ്കൂക്കും ജിമിനും തിരിച്ചെത്തി; ചിത്രങ്ങൾ വൈറൽ
BTS Jimin, Jung Kook: കാത്തിരിപ്പിന് വിരാമമിട്ട് രണ്ട് വർഷത്തെ നിർബന്ധിത സൈനിക സേവനം പൂർത്തിയാക്കി ബിടിഎസിന്റെ അംഗങ്ങളായ ജിയോൺ ജങ്കുക്കും പാർക്ക് ജിമിനും തിരിച്ചെത്തി.
ബിടിഎസ് ആരാധകരുടെ കാത്തിരിപ്പിന് വിരാമമിട്ട് രണ്ട് വർഷത്തെ നിർബന്ധിത സൈനിക സേവനം പൂർത്തിയാക്കി ബിടിഎസിന്റെ അംഗങ്ങളായ ജിയോൺ ജങ്കുക്കും പാർക്ക് ജിമിനും തിരിച്ചെത്തി.
2023 ഡിസംബർ 12നാണ് ജിമിനും ജങ്കൂക്കും ദക്ഷിണ കൊറിയയിലെ നിർബന്ധിത സൈനിക സേവനം ആരംഭിച്ചത്. തിരിച്ചെത്തിയ താരങ്ങളെ വരവേൽക്കാൻ നൂറുകണക്കിന് ആരാധകരാണ് എത്തിയത്.
യൊൻചോണിലെ 5ാം ഇൻഫന്ററി ഡിവിഷന് കീഴിലുള്ള ഫയർ ഡയറക്ഷൻ സെന്ററിൽ ജിമിൻ സേവനം അനുഷ്ഠിച്ചപ്പോൾ ഇതേ ഡിവിഷന് കീഴിലുള്ള കിച്ചൻ യൂണിറ്റിലാണ് ജങ്കൂക്ക് പ്രവർത്തിച്ചത്.
ഇരുവരുടെയും ചിത്രങ്ങൾ സോഷ്യൽ മീഡിയയിൽ വൈറലായി കൊണ്ടിരിക്കുകയാണ്. തിരിച്ചെത്തിയതിന് പിന്നാലെ കെ-പോപ്പ് താരങ്ങൾ ആരാധകരുമായി സംവദിക്കാൻ ഉപയോഗിക്കുന്ന വിവേഴ്സ് എന്ന ആപ്പ് വഴി ഇരുവരും ലൈവ് സ്ട്രീമിങ്ങിലെത്തി.
ബിടിഎസിലെ മറ്റു രണ്ട് അംഗങ്ങളായ ആർഎമ്മും വിയും സൈനിക സേവനം പൂർത്തിയാക്കി ഇന്നലെ തിരിച്ചെത്തിയിരുന്നു. ഡിസംബർ 11-നാണ് ഇരുവരും സൈനിക സേവനം ആരംഭിച്ചത്.
ജിൻ, ജെഹോപ്പ് എന്നിവർ കഴിഞ്ഞ വർഷം തന്നെ സേവനം പൂർത്തിയാക്കിയിരുന്നു. ജൂൺ 21നാണ് സൈനിക സേവനം പൂർത്തിയാക്കി ഷുഗ കൂടി എത്തുന്നതോടെ ബിടിഎസിലെ ഏഴ് അംഗങ്ങളും വീണ്ടും ഒരുമിക്കും.
