IFFK 2024: സിനി വെെബിൽ തിരുവനന്തപുരം; ഐഎഫ്എഫ്കെയ്ക്ക് 13-ന് തിരിതെളിയും
29th International Film Festival Of Kerala: 29-ാമത് രാജ്യാന്തര ചലച്ചിത്ര മേളയ്ക്ക് ഈ മാസം 13-ന് തുടക്കമാകും. ടാഗോർ തീയറ്ററാണ് പ്രധാനവേദി. മേളയിൽ പ്രദർശിപ്പിക്കുന്ന 177 സിനിമകളിൽ 52 ചിത്രങ്ങൾ വനിതാ സംവിധായകരുടേതാണ്.
തിരുവനന്തപുരം ഇനി സിനിമ വെെബിലേക്ക്! കേരളത്തിന്റെ അന്താരാഷ്ട്ര ചലച്ചിത്ര മേഖലയ്ക്ക് നിശാഗന്ധി ഓഡിറ്റോറിയത്തിൽ 13-ന് തിരിതെളിയും. (Image Credits: IFFK)
29-ാമത് ഐഎഫ്എഫ്കെയുടെ ഉദ്ഘാടനം നിർവ്വഹിക്കുക മുഖ്യമന്ത്രി പിണറായി വിജയനാണ്. സംവിധായിക ആൻ ഹുയിക്ക് ചടങ്ങിൽ ലെെഫ് ടെെം അച്ചീവ്മെന്റ് പുരസ്കാരം സമ്മാനിക്കും. (Image Credits: IFFK)
സാംസ്കാരിക വകുപ്പ് സജി ചെറിയാൻ അദ്ധ്യക്ഷനാകും. തുടർന്ന് ഉദ്ഘാടന ചിത്രമായ ഐ ആം സ്റ്റിൽ ഹിയർ പ്രദർശിപ്പിക്കും. (Image Credits: IFFK)
20 വരെ, 15 തീയറ്ററുകളിലായി നടക്കുന്ന മേളയിൽ 68 രാജ്യങ്ങളിൽ നിന്നുള്ള 177 സിനിമകൾ പ്രദർശിപ്പിക്കും. മുൻനിര മേളകളിൽ പ്രേക്ഷകപ്രീതി നേടിയ 13 ചിത്രങ്ങളടങ്ങിയ ഫെസ്റ്റിവൽ ഫേവറിറ്റ്സ് മികച്ച പാക്കേജ് ആയിരിക്കും. (Image Credits: IFFK)
13,000-ൽ കൂടുതൽ ഡെലിഗേറ്റുകൾ മേളയുടെ ഭാഗമാകും. ഇന്ത്യൻ സംവിധായിക പായൽ കപാഡിയയ്ക്കുള്ള സ്പിരിറ്റ് ഓഫ് സിനിമ അവാർഡ് 20-ന് സമ്മാനിക്കും. (Image Credits: IFFK)
തീയറ്ററുകളിൽ ആകെ സീറ്റിന്റെ 70 ശതമാനം റിസർവ്വ് ചെയ്തവർക്കും 30 ശതമാനം റിസർവേഷൻ ഇല്ലാത്തവർക്കുമാണ്. മുതിർന്ന പൗരന്മാർക്ക് ക്യൂ നിൽക്കാതെ പ്രവേശന സൗകര്യം ലഭിക്കും. (Image Credits: IFFK)
