Eyebrow Tips: പുരികത്തിന് തീരെ കട്ടിയില്ലേ? വീട്ടുവൈദ്യം മതിയല്ലോ, ദാ ഇങ്ങനെ ചെയ്തോളൂ
How To Grow Eyebrow: പുരികത്തിന് കട്ടിയില്ലെന്ന് പറയാത്തവര് ചുരുക്കമാണ്. എല്ലാവരുടെയും കാര്യമല്ല, മുഖ സൗന്ദര്യത്തിന് പ്രാധാന്യം നല്കുന്നവര്ക്ക് അതൊരു വിഷയമാണ്. പലര്ക്കും കട്ടിയുള്ളതും ഇരുണ്ടതുമായി പുരികമില്ലാത്തതാണ് പ്രശ്നം. പുരികം നല്ല രീതിയില് വളര്ത്തുന്നതിനായി നമ്മുടെ വീട്ടില് തന്നെ മാര്ഗമുണ്ട്, അവ എന്തെല്ലാമാണെന്ന് നോക്കാം.
ഓയില് മസാജ്- കട്ടിയുള്ള പുരികം വളരുന്നതിനുള്ള നല്ലൊരു മാര്ഗമാണ് ഓയില് മസാജ്. എള്ളെണ്ണ എടുക്ക് പുരികത്തില് പുരട്ടി നന്നായി മസാജ് ചെയ്യുന്നത് നല്ലതാണ്. ആവണക്കെണ്ണയും പുരികം വളരുന്നതിന് സഹായിക്കും. രാത്രി ഉറങ്ങാന് പോകുന്നതിന് മുമ്പ് ഓയില് മസാജ് ചെയ്യുന്നതാണ് നല്ലത്. (Image Credits: Unsplash)
സവാള- മുടിക്ക് മാത്രമല്ല പുരികത്തിനും സവാള വളരെ നല്ലതാണ്. സവാള അരച്ച് നീരെടുത്ത് പുരികത്തില് പുരട്ടി ഉണങ്ങിയതിന് ശേഷം കഴുകി കളയാവുന്നതാണ്. സവാള എണ്ണയും നല്ലതാണ്. (Image Credits: Freepik)
മുട്ട- മുട്ടയുടെ മഞ്ഞക്കരു പ്രോട്ടീന്, ബയോട്ടിന് എന്നിവയുടെ കലവറയാണ്. ഇത് രോമ വളര്ച്ചയ്ക്ക് സഹായിക്കും. മുട്ടയുടെ വെള്ള നന്നായി അടിച്ച് പുരികത്തില് തേച്ച് 20 മിനിറ്റിന് ശേഷം തണുത്ത വെള്ളത്തില് കഴുകി കളയാം. (Image Credits: Freepik)
കറ്റാര്വാഴ- കറ്റാര്വാഴ ജെല് എടുത്ത് പുരികത്തില് തേച്ച് മുപ്പത് മിനിറ്റിന് ശേഷം കഴുകി കളയാവുന്നതാണ്. കറ്റാര്വാഴ ജെല് വെളിച്ചെണ്ണയില് ചേര്ത്ത് പുരട്ടുന്നത് പുരികം കട്ടിയോടെ വളരാനും കൊഴിയുന്നത് തടയാനും സഹായിക്കും. (Image Credits: Freepik)
ഓരോരുത്തരുടെയും ശരീരം വളരെ വ്യത്യസ്തമാണ്. ചിലര്ക്ക് കൂടുതല് തണുപ്പ് അല്ലെങ്കില് ചൂട് എന്നിവ തരുന്ന വസ്തുക്കള് ശരീരത്തില് പ്രയോഗിക്കുന്നത് ചിലപ്പോള് ദോഷം ചെയ്യും. അതിനാല് സ്ഥിരമായി ഇവയെല്ലാം ഉപയോഗിക്കുന്നതിന് മുമ്പ് ശരീരത്തിന് മറ്റ് ബുദ്ധിമുട്ടുകള് ഇല്ലെന്ന് ഉറപ്പുവരുത്തുക. (Image Credits: Freepik)
