Gardening: വെറും 50 രൂപയുടെ ഈ ട്രിക്ക് മതി, ടെറസിലെ ചെടികൾ തഴച്ചു വളരും
Gardening Tips: ടെറസ് ഗാർഡനിംഗ് ഇന്ന് നിരവധി കുടുംബങ്ങളുടെ ഇഷ്ട ഹോബിയായി മാറിയിരിക്കുകയാണ്. എന്നാൽ മികച്ചൊരു തോട്ടം ഒരുക്കാൻ വലിയ ചെലവ് വേണമെന്ന ധാരണ ശരിയല്ല. വെറും 50 രൂപയ്ക്കുള്ളിൽ അല്ലെങ്കിൽ ഒരു രൂപ പോലും ചെലവില്ലാതെ ചെടികളുടെ വളർച്ച മെച്ചപ്പെടുത്താനും വെള്ളം ലാഭിക്കാനും കീടബാധ കുറയ്ക്കാനും സാധിക്കുമെന്ന് അറിയാമോ?
അതിലൊന്നാണ് പഴയ പ്ലാസ്റ്റിക് കുപ്പികളെ സ്ലോ-ഡ്രിപ്പ് ജലസേചന സംവിധാനമായി ഉപയോഗിക്കുന്നത്. കുപ്പിയുടെ അടിയിൽ ചെറിയ ദ്വാരങ്ങൾ ഉണ്ടാക്കി ചെടിച്ചട്ടിയിൽ തലകീഴായി സ്ഥാപിച്ചാൽ വെള്ളം ക്രമേണ മണ്ണിലേക്ക് എത്തുകയും ചെടികൾക്ക് ദീർഘസമയം ഈർപ്പം ലഭിക്കുകയും ചെയ്യും. ഇതിലൂടെ വെള്ളത്തിന്റെ പാഴ്ച്ചയും കുറയുന്നു. (Image Credit source: Getty Images)
ചായ തയ്യാറാക്കിയ ശേഷം ശേഷിക്കുന്ന ടീപ്പൊടി കഴുകി ഉണക്കി മണ്ണിൽ ചെറിയ അളവിൽ ചേർക്കുന്നത് ജൈവവളമായി ഉപയോഗിക്കാം. അതുപോലെ തേങ്ങച്ചിരട്ടകൾ ചെറിയ ചെടികൾക്കും സക്കുലന്റുകൾക്കും പ്രകൃതിസൗഹൃദ ചട്ടികളായി ഉപയോഗിക്കാം.
ചിരട്ടകൾ ചെറുചെടികൾ വളർത്താൻ നല്ലതാണ്. ഇതിനായി ചിരട്ടയുടെ അടിഭാഗത്ത് വെള്ളം പുറത്തേക്ക് ഒഴുകിപ്പോകാൻ ചെറിയ ദ്വാരങ്ങൾ ഉണ്ടാക്കി, ഭാരം കുറഞ്ഞ പോട്ടിംഗ് മണ്ണ് നിറച്ച ശേഷം ചെടികൾ നട്ടാൽ മതിയാകും.
ഴയ പത്രങ്ങൾ ഏറെ പ്രയോജനപ്പെടുന്ന ഒരു വസ്തുവാണെന്ന് പലർക്കും അറിയില്ല. ചെടിച്ചട്ടികളിലെ മണ്ണിന്റെ മുകളിൽ പഴയ പത്രങ്ങൾ വിരിച്ചിടുന്നത് മണ്ണിലെ ഈർപ്പം കൂടുതൽ നേരം നിലനിർത്താൻ സഹായിക്കും. ഇതിലൂടെ വേനൽക്കാലത്ത് വെള്ളം വേഗത്തിൽ ആവിയാകുന്നത് കുറയുകയും ചെടികൾക്ക് കൂടുതൽ നേരം ഈർപ്പം ലഭിക്കുകയും ചെയ്യും.
കീടങ്ങളെ അകറ്റാൻ വേപ്പെണ്ണയോ വേപ്പില ഉപയോഗിച്ചുള്ള പ്രകൃതിദത്ത സ്പ്രേ തയ്യാറാക്കി തളിക്കുന്നതും ഫലപ്രദമാണ്. രാസകീടനാശിനികൾ ഒഴിവാക്കി സുരക്ഷിതമായ രീതിയിൽ ചെടികളെ സംരക്ഷിക്കാൻ ഇത് സഹായിക്കും. ഇത്തരത്തിലുള്ള ചെലവ് കുറഞ്ഞ വിദ്യകൾ പരീക്ഷിക്കാവുന്നതാണ്.
