Mango Recipes: മാമ്പഴം കൊണ്ടൊരു പേടയുണ്ടാക്കിയാലോ?
പേടയെന്ന് പറയുമ്പോള് മാമ്പഴം വെച്ച് ഉണ്ടാക്കാന് സാധിക്കുമോ എന്ന ചിന്തയായിരിക്കും ഇപ്പോള്. എന്നാല് മാമ്പഴം വെച്ച് പേടയുണ്ടാക്കാന് സാധിക്കും
എല്ലാവരുടെ വീട്ടിലും ഇപ്പോള് മാമ്പഴമുണ്ടായിരിക്കും. കഴിച്ച് കഴിച്ച് മടുക്കുമ്പോള് നമുക്ക് തോന്നും ഇതുവെച്ച് എന്തെങ്കിലും ഉണ്ടാക്കിയോലോയെന്ന്. അങ്ങനെ തോന്നുന്നവര്ക്ക് പറ്റിയ ഒരു റെസിപ്പിയാണ് താഴെ കൊടുത്തിരിക്കുന്നത്.
മാമ്പഴ പേടയെ കുറിച്ചാണ് സംസാരിക്കുന്നത്. പേടയെന്ന് പറയുമ്പോള് മാമ്പഴം വെച്ച് ഉണ്ടാക്കാന് സാധിക്കുമോ എന്ന ചിന്തയായിരിക്കും ഇപ്പോള്. എന്നാല് മാമ്പഴം വെച്ച് പേടയുണ്ടാക്കാന് സാധിക്കും.
ആവശ്യമായ ചേരുവകള്: പഴുത്ത മാമ്പഴം രണ്ടെണ്ണം, പഞ്ചസാര നാല് സ്പൂണ്, പാല്പൊടി അരകപ്പ്, ഏലയ്ക്ക പൊടി ഒരു സ്പൂണ്, നെയ്യ് രണ്ട് സ്പൂണ്, മഞ്ഞള് പൊടി ഒരു നുള്ള്.
നന്നായി പഴുത്ത് മധുരമുള്ള മാങ്ങ തൊലി കളഞ്ഞ് ചെറിയ കഷണങ്ങളായി മുറിച്ച് അരച്ചെടുക്കുക.
എന്നിട്ട് ഒരു പാന് ചൂടാക്കുക, ഇതിലേക്ക് അരച്ചെടുത്ത മാങ്ങയും മഞ്ഞള് പൊടിയും ചേര്ത്ത് നന്നായി ഇളക്കുക.
ഇതിലേക്ക് പഞ്ചസാര പൊടിച്ചതും പാല്പ്പൊടിയും ചേര്ക്കുക. ഈ മിശ്രിതം കുറുകി വരുമ്പോള് നെയ്യ് ചേര്ക്കാം.
നന്നായി കട്ടിയായ ശേഷം പാന് ഓഫ് ചെയ്യാം. ചൂടാറിയതിന് ശേഷം ചെറിയ ഉരുളാക്കി പേട പോലെ മാമ്പഴ കൂട്ടിനെ മാറ്റിയെടുക്കാം.
