Abhishek Bachchan: ‘എനിക്കുള്ളതെല്ലാം പ്രിയപ്പെട്ടവർക്കായി നൽകി’; അഭിഷേകിന് ഇത് എന്തുപറ്റി? ആരാധകരെ ആശങ്കയിലാഴ്ത്തി അഭിഷേക് ബച്ചന്റെ പോസ്റ്റ്
Abhishek Bachchan Viral Instagram Post: ഇതോടെ ആരാധകരെ ആശങ്കയിലാഴ്ത്തിയിരിക്കുകയാണ് അഭിഷേക് ബച്ചന്റെ പോസ്റ്റ്. വ്യക്തിപരമായ കാര്യങ്ങൾ സോഷ്യൽ മീഡിയയിൽ പങ്കുവയ്ക്കുന്ന ഒരാൾ അല്ല അഭിഷേക്. അതുകൊണ്ട് തന്നെ അഭിഷേകിന് ഇത് എന്തുപറ്റിയെന്നാണ് ആരാധകർ ചോദിക്കുന്നത്.
ഏറെ ആരാധകരുള്ള പ്രിയ താരമാണ് ബോളിവുഡ് നടനും, സുപ്പർസ്റ്റാർ അമിതാഭ് ബച്ചന്റെ മകനുമായ അഭിഷേക് ബച്ചൻ. അക്ഷയ് കുമാർ, റിതേഷ് ദേശ്മുഖ്, തുടങ്ങിയ വൻ താരനിര അണിനിരന്ന ഹൗസ്ഫുൾ 5 എന്ന ചിത്രത്തിന്റെ വിജയാഘോഷത്തിലാണ് താരം. (Image Credits:Instagram)
എന്നാൽ ഇതിനിടെയിൽ താരം പങ്കുവച്ച പുതിയ സോഷ്യൽ മീഡിയ പോസ്റ്റാണ് ആരാധകർക്കിടയിൽ ചർച്ചയാകുന്നത്. ഒരു ഹിന്ദി കവിതയാണ് തന്റെ ഇൻസ്റ്റാഗ്രാമിൽ താരം പങ്കുവച്ചത്. കഴിഞ്ഞ ദിവസം വൈകിട്ട് പോസ്റ്റ് ചെയ്ത ഈ കുറിപ്പിൽ, എല്ലാവരിൽ നിന്നും ഒളിച്ചിരുന്ന് സ്വയം വീണ്ടും കണ്ടെത്താനുള്ള ആഴത്തിലുള്ള ആഗ്രഹമാണ് പ്രകടമാകുന്നത്.
"ഒരിക്കലെനിക്ക് കാണാതാവണം, ജനക്കൂട്ടത്തിനിടയിൽ എന്നെത്തന്നെ വീണ്ടും കണ്ടെത്തണം. എനിക്കുള്ളതെല്ലാം ഞാൻ എൻ്റെ പ്രിയപ്പെട്ടവർക്കായി നൽകി, ഇപ്പോൾ കുറച്ചു സമയം എനിക്ക് മാത്രമായി വേണം," ഇങ്ങനെയാണ് നടൻ ഷെയർ ചെയ്ത കവിത. ഈ ഇൻസ്റ്റാഗ്രാം പോസ്റ്റിനോടൊപ്പം അഭിഷേക് ഇങ്ങനെ കുറിച്ചു: "ചിലപ്പോൾ നമ്മളെത്തന്നെ കണ്ടെത്താൻ സ്വയം 'അപ്രത്യക്ഷനാകേണ്ടി' വരും."
ഇതോടെ ആരാധകരെ ആശങ്കയിലാഴ്ത്തിയിരിക്കുകയാണ് അഭിഷേക് ബച്ചന്റെ പോസ്റ്റ്. വ്യക്തിപരമായ കാര്യങ്ങൾ സോഷ്യൽ മീഡിയയിൽ പങ്കുവയ്ക്കുന്ന ഒരാൾ അല്ല അഭിഷേക്. അതുകൊണ്ട് തന്നെ അഭിഷേകിന് ഇത് എന്തുപറ്റിയെന്നാണ് ആരാധകർ ചോദിക്കുന്നത്.
എന്നാൽ മറ്റ് ചിലർ ഇത് പുതിയ പ്രൊജക്റ്റിന്റെ സൂചനയാണ് എന്നാണ് പറയുന്നത്. 'മിസ്സിംഗ്' എന്നത് താരത്തിന്റെ അടുത്ത സിനിമയുടെ പേരായിരിക്കാം എന്നും ചിലർ കമന്റായി രേഖപ്പെടുത്തി.
