IPL 2025: രാജ്യം അവിടെ നിൽക്കട്ടെ, ഐപിഎലാണ് പ്രധാനം; വിൻഡീസ് താരങ്ങൾക്ക് സീസൺ അവസാനം വരെ കളിക്കാൻ അനുമതി
West Indies Players In IPL: വെസ്റ്റ് ഇൻഡീസ് താരങ്ങൾ ഐപിഎൽ സീസൺ അവസാനം വരെ കളിക്കും. ഇതിന് ക്രിക്കറ്റ് ബോർഡ് അനുവാദം നൽകി.
വെസ്റ്റ് ഇൻഡീസ് താരങ്ങൾക്ക് ഐപിഎൽ സീസൺ അവസാനം വരെ കളിക്കാൻ അനുമതി. ഇംഗ്ലണ്ടിനെതിരായ പരിമിത ഓവർ മത്സരങ്ങൾക്കുള്ള ടീമുകളിൽ ചില താരങ്ങൾ ഉൾപ്പെട്ടിട്ടുണ്ടെങ്കിലും അവർക്ക് സീസൺ അവസാനം വരെ കളിക്കാം. (Image Credits - PTI)
അയർലൻഡിനും ഇംഗ്ലണ്ടിനുമെതിരായ ഏകദിന പരമ്പരകൾ മെയ് 21 മുതൽ ജൂൺ മൂന്ന് വരെയാണ് നടക്കുക. ഈ ടീമുകളിൽ ഷെർഫെയിൻ റതർഫോർഡ്, റൊമാരിയോ ഷെപ്പേർഡ്, ഷമാർ ജോസഫ് എന്നീ താരങ്ങൾ ഇടം പിടിച്ചിട്ടുണ്ട്. ഗുജറാത്ത് ടൈറ്റൻസ്, റോയൽ ചലഞ്ചേഴ്സ് ബെംഗളൂരു, ലഖ്നൗ സൂപ്പർ ജയൻ്റ്സ് എന്നീ ടീമുകളിലാണ് ഇവർ.
ഇതിൽ ഷമാർ ജോസഫൊഴികെ മറ്റ് രണ്ട് പേരും തങ്ങളുടെ ടീമുകൾക്കായി മികച്ച പ്രകടനങ്ങൾ നടത്തിയിട്ടുണ്ട്. ഇവർക്കെല്ലാം സീസൺ അവസാനം വരെ കളിക്കാമെന്ന് വെസ്റ്റ് ഇൻഡീസ് ക്രിക്കറ്റ് ബോർഡ് അറിയിച്ചു. ഈ ടീമുകൾക്ക് ഉറച്ച പ്ലേഓഫ് സാധ്യതകളുമുണ്ട്. ജൂൺ മൂന്നിനാണ് ഐപിഎൽ ഫൈനൽ.
അയർലൻഡിനെതിരെ റതർഫോർഡിന് പകരം ജോൺ കാംപ്ബെൽ കളിക്കും. ജെഡിയാ ബ്ലേഡ്സ് റൊമാരിയോ ഷെപ്പേർഡിൻ്റെ പകരക്കാരനാവും. രാജസ്ഥാൻ റോയൽസ് താരമായ ഷിംറോൺ ഹെട്മെയർ ഇംഗ്ലണ്ടിനെതിരെ കളിക്കും. രാജസ്ഥാൻ പ്ലേഓഫിൽ നിന്ന് പുറത്തായ ടീമാണ്.
അയർലൻഡിനെതിരെ മെയ് 21, 21, 25 തീയതികളിലും ഇംഗ്ലണ്ടിനെതിരെ മെയ് 29, ജൂൺ 1, ജൂൺ 3 എന്നീ തീയതികളിലുമാണ് വെസ്റ്റ് ഇൻഡീസ് ടീം ഏകദിന മത്സരങ്ങൾ കളിക്കുക. ജൂൺ ആറ് മുതൽ ഇംഗ്ലണ്ടിനെതിരെ ടി20 പരമ്പര ആരംഭിക്കും. ഈ സമയത്ത് ഐപിഎൽ അവസാനിച്ചിരിക്കും.
