IPL 2025: ക്യാപ്റ്റനായി തിരിച്ചെത്താന് സഞ്ജു, വിക്കറ്റ് കീപ്പിങിന് ക്ലിയറന്സ് തേടി എന്സിഎയിലേക്ക്
Sanju Samson: ഏപ്രില് അഞ്ചിനാണ് രാജസ്ഥാന് റോയല്സിന്റെ അടുത്ത മത്സരം. പഞ്ചാബ് കിങ്സിനെ അവരുടെ ഹോം ഗ്രൗണ്ടിലാണ് അടുത്ത മത്സരത്തില് റോയല്സിന് നേരിടേണ്ടത്
സഞ്ജു സാംസണ് ബെംഗളൂരുവിലെ ബിസിസിഐയുടെ സെന്റർ ഓഫ് എക്സലൻസിലേക്ക് മടങ്ങിയതായി റിപ്പോര്ട്ട്. വിക്കറ്റ് കീപ്പിംഗിനുള്ള ക്ലിയറന്സിനായാണ് താരം നാഷണല് ക്രിക്കറ്റ് അക്കാദമിയിലേക്ക് എത്തിയതെന്നാണ് റിപ്പോര്ട്ട് (Image Credits : PTI)
ഇംഗ്ലണ്ടിനെതിരായ ടി20 പരമ്പരയ്ക്കിടെ പരിക്കേറ്റ താരത്തിന് ബാറ്റിംഗിനുള്ള അനുമതി മാത്രമാണ് ലഭിച്ചത്. ഈ പശ്ചാത്തലത്തില് ആദ്യ മൂന്ന് മത്സരങ്ങളില് റിയാന് പരാഗാണ് രാജസ്ഥാന് റോയല്സിനെ നയിച്ചത്.
ആദ്യ മൂന്ന് മത്സരങ്ങളില് ഇമ്പാക്ട് പ്ലയറായി മാത്രമാണ് സഞ്ജു കളിച്ചത്. എന്സിഎയുടെ അനുമതി ലഭിച്ചാല് രാജസ്ഥാന് റോയല്സിന്റെ അടുത്ത മത്സരം മുതല് സഞ്ജു ക്യാപ്റ്റനാകും.
ഏപ്രില് അഞ്ചിനാണ് രാജസ്ഥാന് റോയല്സിന്റെ അടുത്ത മത്സരം. പഞ്ചാബ് കിങ്സിനെ അവരുടെ ഹോം ഗ്രൗണ്ടിലാണ് അടുത്ത മത്സരത്തില് റോയല്സിന് നേരിടേണ്ടത്
ഐപിഎല് 2025 സീസണിലെ സണ്റൈസേഴ്സിനെതിരായ ആദ്യ മത്സരത്തില് 37 പന്തില് 66 റണ്സെടുത്ത് സഞ്ജു തിളങ്ങിയിരുന്നു. 11 പന്തില് 13, 16 പന്തില് 20 എന്നിങ്ങനെയാണ് പിന്നീട് ഇതുവരെ നടന്ന മത്സരങ്ങളിലെ പ്രകടനം.
