Khushdil Shah: പരിഹാസം അതിരുവിട്ടു; ആരാധകരെ മർദ്ദിക്കാൻ പാഞ്ഞടുത്ത് പാക് താരം ഖുഷ്ദിൽ ഷാ: വിവാദം
Khushdil Shah Tries To Attack Fans: ആരാധകരെ മർദ്ദിക്കാൻ പാഞ്ഞടുത്ത പാകിസ്താൻ ക്രിക്കറ്റ് താരം ഖുഷ്ദിൽ ഷാ വിവാദത്തിൽ. ന്യൂസീലൻഡിനെതിരായ അവസാന ഏകദിനത്തിൽ പരാജയപ്പെട്ടതിന് പിന്നാലെയായിരുന്നു സംഭവം.
ആരാധകരെ മർദ്ദിക്കാനനൊരുങ്ങിയ പാക് ക്രിക്കറ്റ് താരം ഖുഷ്ദിൽ ഷാ വിവാദത്തിൽ. പരിഹാസം അതിരുവിട്ടപ്പോഴാണ് ഖുഷ്ദിൽ ഷാ ആരാധകരെ മർദ്ദിക്കാനായി പാഞ്ഞടുത്തത്. ന്യൂസീലൻഡിനെതിരെ അവരുടെ നാട്ടിൽ വച്ച് നടന്ന ഏകദിന പരമ്പര അടിയറ വച്ചതിന് പിന്നാലെയായിരുന്നു സംഭവം. (Image Courtesy - Social Media)
ഏപ്രിൽ അഞ്ച് ശനിയാഴ്ചയായിരുന്നു സംഭവം. ബേ ഓവലിൽ നടന്ന അവസാന മത്സരത്തിൽ 43 റൺസിന് പരാജയപ്പെട്ട പാകിസ്താൻ പരമ്പരയിലെ മൂന്ന് മത്സരങ്ങളും തോറ്റു. ഈ മത്സരത്തിന് പിന്നാലെ പാകിസ്താൻ താരങ്ങൾ ഡ്രസിങ് റൂമിലേക്ക് മടങ്ങുന്നതിനിടെ ഖുഷ്ദിൽ ഷാ ആരാധകരെ മർദ്ദിക്കാൻ പാഞ്ഞടുക്കുകയായിരുന്നു.
ന്യൂസീലൻഡിനെതിരായ പരമ്പര പരാജയത്തിൽ ആരാധകർ പാക് താരങ്ങളെ തുടർച്ചയായി പരിഹസിച്ചെന്നും ഇത് ഖുഷ്ദിലിനെ പ്രകോപ്പിച്ചെന്നുമാണ് അഭ്യൂഹങ്ങൾ. എന്നാൽ, കളി കാണാനെത്തിയ വിദേശ ആരാധകർ താരങ്ങളുടെ നേർക്ക് അസഭ്യ പരാമർശം നടത്തിയെന്നും ഇത് ഖുഷ്ദിൽ ഷായെ ചൊടിപ്പിച്ചു എന്നും പാകിസ്താൻ ക്രിക്കറ്റ് ബോർഡ് പറയുന്നു.
ഗ്യാലറിയിൽ നിന്ന് പാക് വിരുദ്ധ മുദ്രാവാക്യങ്ങൾ ഉയർന്നത് ഖുഷ്ദിൽ ഷായെ പ്രകോപിപ്പിക്കുകയായിരുന്നു എന്ന് പിസിബി വാർത്താ കുറിപ്പിൽ അറിയിച്ചു. ഇതോടെയാണ് ഖുഷ്ദിൽ ഷാ പ്രതികരിച്ചത്. പിന്നാലെ ഗ്യാലറിയിലുണ്ടായിരുന്ന അഫ്ഗാൻ ആരാധകർ പഷ്തോയിൽ അസഭ്യ പരാമർശങ്ങൾ നടത്തി.
ഇതോടെ പാകിസ്താൻ ടീം സ്റ്റേഡിയം അധികൃതരോട് പരാതിപ്പെട്ടു. പിന്നാലെ രണ്ട് ആരാധകരെ സ്റ്റേഡിയത്തിൽ നിന്ന് പുറത്താക്കിയെന്നും പിസിബിയുടെ വാർത്താ കുറിപ്പിൽ പറയുന്നു. 42 ഓവറാക്കി ചുരുക്കിയ മത്സരത്തിൽ ന്യൂസീലൻഡ് 265 റൺസിൻ്റെ വിജയലക്ഷ്യം മുന്നോട്ടുവച്ചപ്പോൾ 221 റൺസിന് പാകിസ്താൻ ഓൾ ഔട്ടാവുകയായിരുന്നു.
