E. coli outbreak: യു.എസിലെ ഇ കോളി അണുബാധയ്ക്ക് പിന്നിൽ ലെറ്റ്യൂസോ? വിദഗ്ധരുടെ വിശകലനം ഇങ്ങനെ
Lettuce leaves safe or not ; യു എസിൽ ഇ കോളി ബാധിച്ച് നിരവധിപ്പേരാണ് ആശുപത്രിയിൽ ചികിത്സ തേടിയത്. ഏതാനും ആഴ്ചകൾക്കുള്ളിൽ 250-ലധികം ആളുകൾക്ക് രോഗം ബാധിച്ചതായി കണക്കുകൾ വ്യക്തമാക്കുന്നു. ലെറ്റ്യൂസ് അടങ്ങിയ പ്രീ-പാക്ക്ഡ് സാൻഡ്വിച്ചുകൾ കഴിച്ചതാണ് ഇതിന് കാരണമെന്നാണ് ആരോപണം.
മൃഗങ്ങളുടെയും ആരോഗ്യമുള്ള മനുഷ്യരുടെയും ശരീരത്തിൽ ജീവിക്കുന്ന ഒരു കൂട്ടം ബാക്ടീരിയകളിൽ ഒന്നാണ് ഇ കോളി. ഇവ പൊതുവേ നിരുപദ്രവകാരികളാണ്. ദഹനത്തെ സഹായിക്കുന്ന ബാക്ടീരികളിൽ ഒന്നാണിത്. എന്നാൽ ചില സന്ദർഭങ്ങളിൽ, ഭക്ഷ്യവിഷബാധ പോലുള്ള രോഗങ്ങൾക്ക് ഇവ കാരണമാകാറുണ്ട്.
ദുർബലമായ പ്രതിരോധശേഷി ഉള്ളവരിലാണ് ഇത് കൂടുതൽ ബാധിക്കുക. ബ്രൊക്കോളി ഇലകളിൽ ഇ.കോളിയുടെ സാന്നിഥ്യം കണ്ടെത്താറുണ്ട്. മണ്ണിൽ നിന്നും മലിന ജലത്തിൽ നിന്നും നേരിട്ട് ബാക്ടീരിയ ഇലകളിൽ പ്രവേശിക്കാനാണ് സാധ്യത കൂടുതൽ.
ഛർദ്ദി, അതിസാരം, വയറുവേദന, നേരിയ പനി, എന്നിവയാണ് ഇതിന്റെ ലക്ഷണങ്ങൾ.
ഇത് ഒഴിവാക്കുന്നതിന് വിനാഗിരി ചേർത്ത വെള്ളത്തിൽ ഇലകൾ മുക്കി വച്ചശേഷം കഴുകി ഒപയോഗിക്കാം.
ഇലകൾ 4ഡിഗ്രി സെൽഷ്യസിൽ താഴെ ഫ്രിഡ്ജിൽ സൂക്ഷിക്കുന്നതും ഗുണപ്രദമാണ്.
വാടിപ്പോയതോ കേടായതോ ആയ പുറം ഇലകൾ ഒഴിവാക്കാനും പ്രത്യേകം ശ്രദ്ധിക്കണം.
