Oneplus 13R : വൺപ്ലസ് 13 ആറിൽ കലക്കൻ പ്രൊസസറും വമ്പൻ ബാറ്ററിയും; ജനുവരിയിൽ ഗ്ലോബൽ മാർക്കറ്റിലെത്തും
Oneplus 13 R Lauching Globally On January 7 : വൺപ്ലസിൻ്റെ ഏറ്റവും പുതിയ പ്രീമിയം ഫോണായ വൺപ്ലസ് 13ആറിൽ കലക്കൻ പ്രൊസസറും വമ്പൻ ബാറ്ററിയും. ജനുവരി ഏഴിന് ഗ്ലോബൽ മാർക്കറ്റിൽ അവതരിപ്പിക്കപ്പെടുന്ന ഫോണിൻ്റെ ഇകൊമേഴ്സ് പാർട്ണർ ആമസോണാണ്.
വൺപ്ലസ് 13ആർ ഫോണിൽ കലക്കൻ പ്രൊസസറും വമ്പൻ ബാറ്ററിയും. ജനുവരി ഏഴിനാണ് ഫോൺ ഗ്ലോബൽ മാർക്കറ്റിൽ അവതരിപ്പിക്കപ്പെടുക. ആമസോണിലൂടെ ഫോണിൻ്റെ വില്പന സ്ഥിരീകരിച്ചിട്ടുണ്ട്. വൺപ്ലസ് 13നൊപ്പം വൺപ്ലസ് 12ആറിൻ്റെ പിന്മുറക്കാരനായാണ് വൺപ്ലസ് 13 ആർ പുറത്തിറങ്ങുക. (Image Credits - Getty Images)
ആമസോണിൽ നിന്ന് ലഭിക്കുന്ന വിവരമനുസരിച്ച് സ്പാൻഡ്രാഗൺ 8 ജെൻ 3 എസ്ഒസിയിലാവും ഫോൻ പ്രവർത്തിക്കുക. എഐ നോട്ട്സ് ഉൾപ്പെടെ വിവിധ ആർട്ടിഫിഷ്യൽ ഇൻ്റലിജൻസ് സൗകര്യങ്ങൾ ഫോണിലുണ്ടാവും. ചൈനീസ് മാർക്കറ്റിൽ നേരത്തെ എത്തിയ ഫോൺ സ്നാപ്ഡ്രാഗൺ 8 എലീറ്റ് ചിപ്പിലാണ് പ്രവർത്തിക്കുന്നത്. (Image Courtesy - Social Media)
12 ജിബി റാമിലാണ് ഫോണെത്തുക. ആൻഡ്രോയ്ഡ് 15 അടിസ്ഥാനമാക്കിയുള്ള ഓക്സിജൻഒഎസ് 15.0ൽ പ്രവർത്തിക്കുന്ന ഫോണിന് 6.78 ഇഞ്ച് ഡിസ്പ്ലേയാണ് ഉണ്ടാവുക. അമോഎൽഇഡി ഡിസ്പ്ലേയിൽ 120 ഹേർട്സ് റീഫ്രഷ് റേറ്റും ഉണ്ടാവും. 50 മെഗാപിക്സലിൻ്റെ പ്രധാന ക്യാമറയും 16 എംപിയുടെ സെൽഫി ക്യാമറയും ഫോണിലുണ്ട്. (Image Courtesy - Social Media)
ആസ്ട്രൽ ട്രേൽ, നെബുല നോയർ നിറങ്ങളിലാണ് വൺപ്ലസ് 13ആർ ലഭ്യമാവുക. 6000 എംഎഎച്ച് ബാറ്ററിയാണ് ഫോണിലുണ്ടാവുക. വൺപ്ലസ് 12ആറിൽ 5000 എംഎഎച്ച് ബാറ്ററിയാണ് ഉണ്ടായിരുന്നത്. ഗ്രീൻ ലൈവ് വറി ഫ്രീ സൊല്യൂഷൻ പ്രോഗ്രാം അനുസരിച്ച് ഡിസ്പ്ലേയ്ക്ക് വരയിൽ നിന്ന് ലൈഫ്ടൈം വാറൻ്റിയുണ്ടാവുമെന്നും കമ്പനി പറയുന്നു. (Image Courtesy - Social Media)
ഇൻ ഡിസ്പ്ലേ ഒപ്റ്റിക്കൽ ഫിംഗർപ്രിൻ്റ് സെൻസറാണ് ഫോണിലുള്ളത്. 80 വാട്ട് ഫാസ്റ്റ് ചാർജിങ് സപ്പോർട്ടും ഫോണിലുണ്ട്. ജനുവരി ഏഴ് രാത്രി 9ന് ഫോൺ ഇന്ത്യയിൽ അവതരിപ്പിക്കപ്പെടും. വില എത്രയാവും എന്നതിനെപ്പറ്റി കൃത്യമായ സൂചനകൾ ഒഫീഷ്യൽ വെബ്സൈറ്റിലോ ആമസോണിലോ ഇല്ല. (Image Courtesy - Social Media)
