Pumpkin Health Benefits: ശരീരഭാരം കുറയ്ക്കും കാഴ്ച ശക്തിക്കും ബെസ്റ്റ്; മത്തങ്ങ നിസ്സാരക്കാരനല്ല
Pumpkin Health Benefits: ധാരാളം പോഷകഗുണങ്ങളുള്ള പച്ചക്കറിയാണ് മത്തങ്ങ. ഇവ ഡയറ്റിൽ ഉൾപ്പെടുത്തുന്നത് നിങ്ങളുടെ മൊത്തത്തിലുള്ള ആരോഗ്യത്തിന് ഏറെ ഗുണം ചെയ്യും.
മത്തങ്ങയിൽ ധാരാളം നാരുകൾ അടങ്ങിയിരിക്കുന്നു. ഇവ ദഹനത്തിനും ദീർഘനേരം വിശപ്പ് അനുഭവപ്പെടാതെ കഴിയാനും സഹായിക്കുന്നു. അതിനാൽ ശരീരഭാരം കുറയ്ക്കാൻ ആഗ്രഹിക്കുന്നവർക്ക് മത്തങ്ങ ഗുണം ചെയ്യും.
മത്തങ്ങയിലെ വിറ്റാമിൻ എ നമ്മുടെ കണ്ണിന്റെ ആരോഗ്യത്തിന് വളരെയധികം ഗുണം ചെയ്യുന്നു. കൂടാതെ ല്യൂട്ടിൻ, സിയാക്സാന്തിൻ എന്നിവ തിമിരത്തിനുള്ള സാധ്യത തടയുകയും ചെയ്യുന്നു.
മത്തങ്ങയിൽ അടങ്ങിയിട്ടുള്ള വിറ്റാമിനുകൾ രോഗങ്ങളിൽ നിന്നുള്ള സംരക്ഷണം നൽകുന്നു. മത്തങ്ങയിലെ വിറ്റാമിൻ സി ജലദോഷത്തെ വേഗത്തിൽ സുഖപ്പെടുത്താനും സഹായിക്കുമെന്ന് പറയപ്പെടുന്നു.
മത്തങ്ങയിൽ അടങ്ങിയിട്ടുള്ള ആൻറി ഓക്സിഡൻറുകൾക്ക് ഓക്സിഡേറ്റീവ് സമ്മർദ്ദം കുറയ്ക്കാൻ കഴിയും, ഇത് കാൻസർ സാധ്യത കുറയ്ക്കുന്നതിനുള്ള പ്രധാന ഘടകങ്ങളിലൊന്നാണ്.
കൂടാതെ ഇവയിലുള്ള പൊട്ടാസ്യം രക്തസമ്മർദ്ദത്തെ നിയന്ത്രിക്കുകയും ഹൃദയാരോഗ്യത്തെ മെച്ചപ്പെടുത്തുവാൻ സഹായിക്കുകയും ചെയ്യുന്നു. അതിനാൽ ഇവ മടി കൂടാതെ ഡയറ്റിൽ ചേർക്കാവുന്നതാണ്.
