R Ashwin: എടാ മോനെ!! കാൺപൂർ ടെസ്റ്റിൽ ചരിത്ര നേട്ടം സ്വന്തമാക്കി ആർ അശ്വിൻ
R Ashwin: ലോക ടെസ്റ്റ് ചാമ്പ്യൻഷിപ്പ് പോയിന്റ് പട്ടികയിൽ ഇന്ത്യയാണ് ഒന്നാമത്. ടെസ്റ്റ് ചാമ്പ്യൻഷിപ്പിന്റെ ഭാഗമായി സ്വന്തം മണ്ണിൽ ബംഗ്ലാദേശിനെതിരെ ടെസ്റ്റ് കളിക്കുകയാണ് ടീം ഇന്ത്യ. കാൺപൂരിൽ നടക്കുന്ന രണ്ടാം ടെസ്റ്റിൽ ചരിത്രനേട്ടം സ്വന്തമാക്കിയിരിക്കുകയാണ് ആർ അശ്വിൻ.
കാൺപൂരിൽ ചരിത്രനേട്ടം സ്വന്തമാക്കി ഇന്ത്യൻ താരം രവിചന്ദ്ര അശ്വിൻ. ലോക ടെസ്റ്റ് ചാമ്പ്യൻഷിപ്പിന്റെ ഭാഗമായ മൂന്ന് ചാമ്പ്യൻഷിപ്പുകളിലും 50-ഓ അതിലധികമോ വിക്കറ്റ് വീഴ്ത്തുന്ന ഇന്ത്യൻ ബൗളറെന്ന നേട്ടമാണ് അശ്വിന് സ്വന്തമായത്. (Image Credits: PTI)
കാൺപൂരിൽ ബംഗ്ലാദേശിനെതിരായി നടക്കുന്ന രണ്ടാം ടെസ്റ്റിൽ ഷാക്കിബ് അല് ഹസന്റെ വിക്കറ്റ് വീഴ്ത്തിയാണ് അശ്വിൻ ചരിത്രത്തിന്റെ ഭാഗമായത്. (Image Credits: PTI)
ചെപ്പോക്കിൽ നടന്ന ബംഗ്ലാദേശിനെതിരായ ആദ്യ ടെസ്റ്റില് ആറ് വിക്കറ്റ് നേടിയ അശ്വിന് കാൺപൂരിൽ ഇതുവരെ രണ്ട് വിക്കറ്റും സ്വന്തമാക്കി. (Image Credits: PTI)
2019- 21ലെ ആദ്യ ലോക ടെസ്റ്റ് ചാമ്പ്യൻഷിപ്പില് 71 വിക്കറ്റും 2021-23ലെ ചാമ്പ്യൻഷിപ്പിൽ 61 വിക്കറ്റും നേടിയ അശ്വിന് 2023-25 ചാമ്പ്യൻഷിപ്പില് 10 ടെസ്റ്റിൽ നിന്നാണ് 50 വിക്കറ്റ് സ്വന്തമാക്കിയത്. (Image Credits: PTI)
ലോക ടെസ്റ്റ് ചാമ്പ്യൻഷിപ്പുകളില് 50 ഓ അതില് കൂടുതലോ വിക്കറ്റ് നേടിയവരുടെ പട്ടികയിൽ ഓസ്ട്രേലിയൻ താരങ്ങളായ നഥാന് ലിയോണ്, പാറ്റ് കമിന്സ് എന്നിവരും ന്യൂസിലന്ഡിന്റെ ടിം സൗത്തിയും ഉൾപ്പെട്ടിട്ടുണ്ട്. (Image Credits: PTI)
