Samsung Galaxy Z Flip Foldable : ഇനി ഡിസ്പ്ലേയിൽ സ്പീക്കർ; ഫോൾഡബിളിൽ സാംസങിൻ്റെ പുതിയ ഫീച്ചർ ഉടൻ
Flip Foldable Speaker In Display : സാംസങ് ഗാലക്സി സെഡ് ഫ്ലിപ് ഫോൾഡബിൾസിൻ്റെ ഏറ്റവും പുതിയ ഫോണിൽ നൂതനമായ ഒട്ടേറെ ഫീച്ചറുകളുണ്ടാവുമെന്ന് റിപ്പോർട്ടുകൾ. ഡിസ്പ്ലേയിൽ തന്നെ സ്പീക്കറുണ്ടാവുമെന്നാണ് വിവരം.
പുറത്തിറങ്ങാനിരിക്കുന്ന സാംസങിൻ്റെ ഏറ്റവും പുതിയ ഫോൾഡബിൾ ഫോണായ സെഡ് ഫ്ലിപ്പിൽ നൂതനമായ ഫീച്ചറുകൾ അവതരിപ്പിക്കുമെന്ന് റിപ്പോർട്ട്. ഡിസ്പ്ലേയിൽ തന്നെ സ്പീക്കർ അടക്കം ശ്രദ്ധേയമായ ഫീച്ചറുകൾ ഫോണിലുണ്ടാവുമെന്നാണ് വിവരം. ഡിവൈസ് എന്ന് പുറത്തിറങ്ങുമെന്ന് വ്യക്തമല്ല. (Image Credits - Jakub Porzycki/NurPhoto via Getty Images))
സെഡ് ഫ്ലിപ് ശ്രേണിയിൽ ഇനി ഇറങ്ങാനുള്ളത് സെഡ് ഫ്ലിപ് 6 ആണ്. ചെറിയ ഡിസ്പ്ലേയിൽ ഇയർ സ്പീക്കറാണ് ഉണ്ടാവുക. മടങ്ങിയിരിക്കുന്ന സമയത്തും ഈ സ്പീക്കറിലൂടെ കോളുകൾ ആൻസർ ചെയ്യാനും കേൾക്കാനും ഈ ഇയർ സ്പീക്കർ കൊണ്ട് സാധിക്കും. കൊറിയൻ മാധ്യമങ്ങളാണ് വാർത്ത റിപ്പോർട്ട് ചെയ്തത്. (Image Credits - Neil Godwin/Future Publishing via Getty Images)
നിലവിൽ ഫോൺ മടങ്ങിയിരിക്കുന്ന സമയത്ത് അങ്ങനെ തന്നെ കോൾ സ്വീകരിക്കാനാവില്ല. ഫോൺ നിവർത്തിയാലേ കോൾ ആൻസർ ചെയ്യാനാവൂ. എന്നാൽ, പുതിയ അപ്ഡേറ്റ് പ്രകാരം കോൾ ആൻസർ ചെയ്യാൻ ഫോൺ നിവർത്തേണ്ടതില്ല. മടക്കിവച്ച് തന്നെ ഇയർ സ്പീക്കറിലൂടെ സംസാരിക്കാം. (Image Credits - Jakub Porzycki/NurPhoto via Getty Images)
സാംസങും എൽജിയും പുതിയ ഫീച്ചറിൻ്റെ പരീക്ഷണത്തിലാണെന്ന് റിപ്പോർട്ടുകളുണ്ട്. പുതിയ തരം ഡിസ്പ്ലേ നിർമിക്കാനുള്ള പരീക്ഷണങ്ങൾ നടക്കുകയാണ്. സാധാരണ സ്മാർട്ട്ഫോണുകളിൽ കാണുന്ന ഇയർ സ്പീക്കറുകൾക്ക് പകരം കുറച്ചുകൂടി അഡ്വാൻസ്ഡായ സ്പീക്കർ നിർമിക്കാനാണ് ശ്രമം. (Image Credits - CFOTO/Future Publishing via Getty Images)
നിലവിലെ സ്മാർട്ട്ഫോണുകളുടെ ഹോൾ പഞ്ചിന് പിന്നിലാണ് സ്പീക്കറുകൾ. പുതിയ സ്പീക്കറുകൾ ലയറുകളായാവും ഡിസ്പ്ലേയിലുണ്ടാവുക. സാധാരണ ഇയർ സ്പീക്കറുകൾ പിന്നെ ആവശ്യം വരില്ലെന്നും ആ സ്ഥലം ലാഭിക്കാമെന്നും സാംസങ് അവകാശപ്പെടുന്നു. ക്ലാംഷെൽ ഫോൾഡബിൾസിനാണ് ഇത് ഏറെ ഗുണം ചെയ്യുക. (Image Credits - Jakub Porzycki/NurPhoto via Getty Images)
