Turtle Trails in Kerala: കടലാമകള്ക്ക് ഇനി കേരളത്തിന്റെ കാവല്; ആമ സംരക്ഷണ പദ്ധതിയുടെ പ്രയോജനമെന്ത്?
Turtle Trails in Kerala Project Benefit: തീരദേശ സംരക്ഷണത്തിനും, ടൂറിസം മേഖലയ്ക്കും പുതിയ ദിശാബോധം നല്കുന്നതാണ് 'ടര്ട്ടില് ട്രെയില്സ്' പദ്ധതി. കടലാമകളുടെ പ്രജനന കേന്ദ്രങ്ങള് സംരക്ഷിക്കുകയാണ് പ്രധാന ലക്ഷ്യം.
കേന്ദ്ര ബജറ്റില് കേരളത്തിനായി അധികം പ്രഖ്യാപനങ്ങളില്ലെങ്കിലും, കടലാമ സംരക്ഷണ കേന്ദ്രം അപ്രതീക്ഷിതമായിരുന്നു. സംസ്ഥാനത്തിന്റെ തീരദേശ സംരക്ഷണത്തിനും, ടൂറിസം മേഖലയ്ക്കും പുതിയ ദിശാബോധം നല്കുന്നതാണ് 'ടര്ട്ടില് ട്രെയില്സ്' പദ്ധതി. കടലാമകളുടെ പ്രജനന കേന്ദ്രങ്ങള് സംരക്ഷിക്കുകയാണ് പ്രധാന ലക്ഷ്യം (Image Credits: Getty Images).
ഉത്തരവാദിത്തം ടൂറിസം പ്രോത്സാഹിപ്പിക്കുകയാണ് മറ്റൊരു ലക്ഷ്യം. കോഴിക്കോടുള്ള കൊളാവിപാലം പോലുള്ള സ്ഥലങ്ങള് ഒലീവ് റിഡ്ലി ആമകളുടെ പ്രധാന പ്രജനന കേന്ദ്രമാണ്. വംശനാശഭീഷണി നേരിടുന്ന ഇത്തരം ആമകളുടെ എണ്ണം ഇവിടെ കുറയുന്നുണ്ട് (Image Credits: Getty Images).
പുതിയ പദ്ധതിയിലൂടെ ഇത്തരം ആമകളുടെ സംരക്ഷണമടക്കം സാധ്യമാകുമെന്നാണ് പ്രതീക്ഷ. ആമകളുടെ സഞ്ചാരപാതയെ തടസപ്പെടുത്താതെ സഞ്ചാരികള്ക്ക് പോകാന് നിശ്ചിത പാതകളടക്കം പദ്ധതിയുടെ ഭാഗമായി ഒരുക്കുമെന്നും പ്രതീക്ഷിക്കുന്നു (Image Credits: Getty Images).
പദ്ധതിയുടെ ഭാഗമായി തൊഴിലവസരങ്ങളുമുണ്ടായേക്കാം. പദ്ധതിയുടെ കൂടുതല് വിശദാംശങ്ങള് ലഭ്യമായിട്ടില്ലെങ്കിലും, 'ടര്ട്ടില് ഗാര്ഡുമാരായി' കൂടുതല് പേര്ക്ക് ജോലി ലഭിക്കാന് സാധ്യതയുണ്ട്. നിലവിലെ ഹാച്ചറികള് ആധുനികവല്ക്കരിച്ചേക്കും (Image Credits: Getty Images).
ഇക്കോ ടൂറിസം മെച്ചപ്പെടുത്തുന്നതിന്റെ ഭാഗമായാണ് പദ്ധതി നടപ്പിലാക്കുന്നത്. ആമകളെ നിരീക്ഷിക്കാനുള്ള കേന്ദ്രങ്ങള്, റിസര്ച്ച് കേന്ദ്രങ്ങള് ഉള്പ്പെടെ പദ്ധതിയുടെ ഭാഗമാകാനാണ് സാധ്യത. കേരളത്തിന് പുറമെ ഒഡീഷയിലും, കര്ണാടകയിലും പദ്ധതി നടപ്പാക്കും (Image Credits: Getty Images).
