Dussehra Vijayadashami 2025: വർഷം മുഴുവൻ സമ്പത്തും സൗഭാ​ഗ്യങ്ങളും! വിജയദശമി ദിനത്തിൽ ഇക്കാര്യങ്ങൾ ചെയ്യൂ

Navratri 2025

തിന്മയുടെ മേൽ നന്മയുടെ വിജയം ആഘോഷിക്കുന്ന ഉത്സവമാണ് വിജയദശമി അഥവാ ദസറ. നവരാത്രിയുടെ ഒമ്പതാമത്തെ ദിവസമാണ് വിജയദശമിയായി ആഘോഷിക്കുന്നത്. നവരാത്രിയുടെ 9 ദിവസങ്ങളിൽ ദേവിയുടെ ഒമ്പത് രൂപത്തെയാണ് ആരാധിക്കുന്നത്. നവരാത്രിയിലെ ഏറ്റവും ശുഭകരമായ ദിവസമാണ് ദസറ. ഈ വർഷം ഒക്ടോബർ രണ്ടിനാണ് വിജയദശമിയായി ആചരിക്കുന്നത്.

ഈ ദിവസം ചില പ്രത്യേക കാര്യങ്ങൾ ചെയ്യുന്നത്, വർഷം മുഴുവൻ ജീവിതത്തിൽ സമ്പത്തും സൗഭാഗ്യങ്ങളും കൊണ്ടുവരും എന്നാണ് വിശ്വാസം. ദേവിയുടെ അനുഗ്രഹം ജീവിതത്തിൽ ഉടനീളം ലഭിക്കുവാൻ വേണ്ടിയാണ് ഈ ചെറിയ പ്രതിവിധികൾ ചെയ്യുന്നത്. എന്നാൽ ഇത് ജീവിതത്തിൽ വലിയ സൗഭാഗ്യങ്ങൾ കൊണ്ടുവരുമെന്നാണ് ജ്യോതിഷഫലം.

സാമ്പത്തിക പ്രശ്നങ്ങൾ ഇല്ലാതാക്കാൻ…

ലളിതമായ ഒരു പ്രതിവിധിയിലൂടെ വിജയദശമി ദിനത്തോടെ നിങ്ങളുടെ ജീവിതത്തിലെ സാമ്പത്തിക ബുദ്ധിമുട്ടുകൾ മറികടക്കാൻ സാധിക്കും. അതിനായി വിജയദശമി ദിനത്തിൽ നിങ്ങളുടെ അടുത്തുള്ള ഒരു ക്ഷേത്രത്തിൽ ചൂൽ സംഭാവനയായി നൽകുക. ഇത് സാമ്പത്തിക ബുദ്ധിമുട്ടുകൾ ഒഴിവാക്കാനും ജീവിതത്തിൽ സന്തോഷവും സമൃദ്ധിയും കൊണ്ടുവരാനും സഹായിക്കും. കൂടാതെ ഈ പ്രതിവിധി നിങ്ങളുടെ കുടുംബത്തിന്റെ സാമ്പത്തിക സ്ഥിതി മെച്ചപ്പെടുത്തുകയും ശക്തിപ്പെടുത്തുകയും ചെയ്യും. വൈകുന്നേരം ഈ പ്രതിവിധി ചെയ്യുന്നതാണ് നല്ലത്. ക്ഷേത്രത്തിൽ ചൂല് ദാനം ചെയ്യുമ്പോൾ ലക്ഷ്മി ദേവിയെ ധ്യാനിക്കുക.

സമ്പത്തും സമൃദ്ധിയും വർദ്ധിപ്പിക്കുന്നതിന്….

വിജയദശമി ദിനത്തിൽ വൈകുന്നേരം ഗണപതിയേയും ലക്ഷ്മി ദേവിയെയും ശരിയായ ആചാരങ്ങളോടെ ആരാധിക്കുന്നത് നിങ്ങളുടെ ജീവിതത്തിൽ സമ്പത്തും സമൃദ്ധിയും വർദ്ധിപ്പിക്കും. ദസറ ദിനത്തിൽ ഗണപതിക്കും ലക്ഷ്മിക്കും ഒരു തേങ്ങ സമർപ്പിക്കുക. ശേഷം നിങ്ങൾ ആ തേങ്ങ എടുത്തു നിങ്ങളുടെ പണം സൂക്ഷിക്കുന്ന അറയിൽ സൂക്ഷിക്കുക. ശേഷം രാത്രിയിൽ ഈ തേങ്ങ ഒരു രാമക്ഷേത്രത്തിൽ കൊണ്ടുപോയി അവിടെ സമർപ്പിക്കുക. ഇങ്ങനെ ചെയ്യുന്നത് ജീവിതത്തിൽ സന്തോഷവും സമൃദ്ധിയും കൊണ്ടുവരുമെന്നാണ് വിശ്വാസം.

ശ്രീരാമനെ ആരാധിക്കുന്നത്….

ദസറദിനത്തിൽ ശ്രീരാമനെ ആരാധിക്കുന്നത് വളരെ നല്ലതാണ്. ചുവന്ന പേന ഉപയോഗിച്ച് കുറഞ്ഞത് 108 തവണയെങ്കിലും രാമനാമം എഴുതുക. ഇങ്ങനെ ചെയ്യുന്നതിലൂടെ ആ വ്യക്തിക്ക് ശ്രീരാമന്റെ അനുഗ്രഹം ലഭിക്കുകയും മനസമാധാനം അനുഭവിക്കുകയും ചെയ്യാം.

ജീവിത പുരോഗതിക്കായി…

ദസറ ദിനത്തിൽ ഒരു തേങ്ങ ശുദ്ധമായ മഞ്ഞ തുണിയിൽ പൊതിഞ്ഞ രാമക്ഷേത്രത്തിൽ സമർപ്പിക്കുക. ഇങ്ങനെ ചെയ്യുന്നത് നിങ്ങളുടെ ജോലിയിലെ തടസ്സങ്ങൾ നീക്കുകയും ജീവിതത്തിൽ പുരോഗതിയും സമൃദ്ധിയും കൊണ്ടുവരികയും ചെയ്യും. ഇത് നിങ്ങളുടെ കരിയറിയിലും ജോലിയിലും വിജയവും കൊണ്ടുവരും.

സുന്ദരകാണ്ഡം ചൊല്ലുന്നത്…

വിജയദശമി ദിനത്തിൽ സുന്ദരകാണ്ഡം ചൊല്ലുന്നത് വളരെ ശുഭകരമാണെന്നാണ് വിശ്വാസം. ഇങ്ങനെ ചെയ്യുന്നത് ശ്രീരാമനെയും ഹനുമാനെയും ആരാധിക്കുന്ന ഫലങ്ങൾ കൊണ്ടുവരും. ഈ ദിവസത്തിൽ പൂജകളും ആചാരങ്ങളും നടത്തുന്നതിനൊപ്പം വാഹനങ്ങൾ, വീടുകൾ തുടങ്ങിയ പുതിയ വസ്തുക്കൾ വാങ്ങുന്നതും ശുഭകരമായി കണക്കാക്കുന്നു.