Ezhara Ponnana: എന്താണ് വൈക്കത്തെ ഏഴരപ്പൊന്നാന? പേരിലെ ആ “അര” ആനയ്ക്ക് പിന്നിലെ രഹസ്യം
Ezhara Ponnana Rituals:മീനച്ചിൽ കർത്താക്കന്മാരെ പരാജയപ്പെടുത്തിയ ശേഷം വൈക്കം ക്ഷേത്രത്തിൽ വച്ച് മാർത്താണ്ഡവർമ്മ മഹാരാജാവ് ഭഗവാന് പ്രായശ്ചിത്തമെന്നോണം സമർപ്പിച്ചതാണ് ഈ തങ്ക വിഗ്രഹങ്ങൾ എന്നും വിശ്വസിക്കപ്പെടുന്നു. അതേസമയം തന്നെ ഇത് അദ്ദേഹത്തിന്റെ പിൻഗാമിയായ കാർത്തിക തിരുനാൾ രാമവർമ്മ അതായത് ധർമ്മ രാജാവ് എന്നറിയപ്പെടുന്ന രാമവർമ്മയാണ്...........
കോട്ടയം ജില്ലയിലെ പ്രശസ്തമായ മഹാദേവ ക്ഷേത്രമാണ് വൈക്കം മഹാദേവ ക്ഷേത്രം. ഇവിടുത്തെ ഏറ്റവും പ്രധാനപ്പെട്ട ഒരു വഴിപാടാണ് ഏഴരപ്പൊന്നാന. ക്ഷേത്രത്തിലെ വാർഷിക ഉത്സവമായ വൈക്കത്തഷ്ടമിക്കാലത്താണ് ഏഴരപ്പൊന്നാനയുടെ ദർശനം നടക്കുന്നത്. ഇതുമായി ബന്ധപ്പെട്ട നിരവധി ഐതിഹ്യങ്ങളും വിശ്വാസങ്ങളും ആണ് നിലനിൽക്കുന്നത്.
എന്താണ് ഏഴരപ്പൊന്നാന?
ശുദ്ധമായ തങ്കത്തിൽ വ്യത്യസ്ത വലുപ്പത്തിലുള്ള എട്ട് ആനകളുടെ രൂപങ്ങളാണ് ഏഴരപ്പൊന്നാന. പേരിൽ ഏഴര ആന എന്നാണ് ഉള്ളതെങ്കിലും ആകെ 8 ആനകളെ നമുക്ക് ദർശനം ലഭിക്കും. അതിന് പിന്നിലും ഉണ്ട് ഒരു കാരണം. ഈ 8 ആനകളിലെ ഏഴ് ആനകൾക്ക് രണ്ടടി ഉയരമുണ്ട്. അതായത് അവർ വലിയ ആനകളെയാണ് പ്രതിനിധീകരിക്കുന്നത്. എന്നാൽ എട്ടാമൻ കുഞ്ഞനാണ് അതായത് ഒരു അടി മാത്രമാണ് ഉയരം. ഈ ചെറിയ ആനയെ അരപ്പൊന്നാന എന്ന രീതിയിലാണ് കണക്കാക്കുന്നത്. അങ്ങനെയാണ് ഏഴ് വലിയ ആനകൾക്കൊപ്പം ഒരു ചെറിയ ആന അതായത് അര ആനയും ചേർന്ന് ഏഴരപ്പൊന്നാന എന്ന പേരിൽ അറിയപ്പെടുന്നത്.
ALSO READ:ലക്ഷ്മി ദേവി കോപിക്കും! ഈ മൂന്നു വസ്തുക്കൾ ഒരിക്കലും തുളസിക്ക് അരികിൽ വയ്ക്കരുത്
ചരിത്രം
തിരുവിതാംകൂർ ഭരണാധികാരിയായിരുന്ന അനിഴം തിരുനാൾ മാർത്താണ്ഡവർമ്മയാണ് ഈ പൊന്നാനകളെ വൈക്കത്തപ്പന് സമർപ്പിച്ചത് എന്നാണ് ചരിത്രം. മീനച്ചിൽ കർത്താക്കന്മാരെ പരാജയപ്പെടുത്തിയ ശേഷം വൈക്കം ക്ഷേത്രത്തിൽ വച്ച് മാർത്താണ്ഡവർമ്മ മഹാരാജാവ് ഭഗവാന് പ്രായശ്ചിത്തമെന്നോണം സമർപ്പിച്ചതാണ് ഈ തങ്ക വിഗ്രഹങ്ങൾ എന്നും വിശ്വസിക്കപ്പെടുന്നു. അതേസമയം തന്നെ ഇത് അദ്ദേഹത്തിന്റെ പിൻഗാമിയായ കാർത്തിക തിരുനാൾ രാമവർമ്മ അതായത് ധർമ്മ രാജാവ് എന്നറിയപ്പെടുന്ന രാമവർമ്മയാണ് സമർപ്പിച്ചതെന്നും ചില രേഖകളിൽ പരാമർശം ഉണ്ട്.
ഏഴരപ്പൊന്നാനകളെ എപ്പോൾ കാണാം?
വൈക്കത്തഷ്ടമി ഉത്സവത്തിൽ എട്ടാം വിളക്ക് ഒമ്പതാം വിളക്ക് എന്നീ ദിവസങ്ങളിലെ രാത്രികാലങ്ങളിൽ ആണ് ഏഴരപ്പൊന്നാനകളുടെ ദർശനം ലഭിക്കുക. വലിയ ആനകളുടെ മുകളിലായി ഭഗവാന്റെ പ്രതീകമായ തിടമ്പ് വെച്ച് എഴുന്നെള്ളിക്കുന്നു ഒപ്പം ചെറിയ അരപ്പെണ്ണാളെയും എഴുന്നള്ളത്തിന്റെ ഭാഗമാകും. വർഷത്തിലൊരിക്കൽ മാത്രമാണ് ഈ അപൂർവമായ ദർശനം ലഭിക്കുക. അതിനാൽ തന്നെ ആയിരക്കണക്കിന് ഭക്തനാണ് ഈ ദിവസങ്ങളിൽ വൈക്കത്ത് ഒത്തുകൂടുക.
കോടി അർച്ചനകളും ഭക്തിസാന്ദ്രമായ ചടങ്ങുകളും അടങ്ങിയതാണ് വൈക്കം മഹാദേവക്ഷേത്രത്തിലെ അഷ്ടമ മഹോത്സവം.. മറ്റു ക്ഷേത്രങ്ങളിലയിൽ നിന്നും വളരെ വ്യത്യസ്തമായി കൊടിയേറ്റവും ആറാട്ട് നോക്കിയല്ല ഇവിടെ ഉത്സവം നിശ്ചയിക്കുക. പ്രസ്തുത മാസത്തിലെ കൃഷ്ണപക്ഷത്തിലെ അഷ്ടമി ദിവസം ഉത്സവത്തിന്റെ പന്ത്രണ്ടാം നാൾ വരുന്ന രീതിയിൽ ആകെ 13 ദിവസത്തെ പരിപാടികളാണ് ഇവിടെ നടക്കുന്നത്. തൃക്കൊടിയേറ്റ്, പൂത്താലം വരവ്, അഷ്ടമി ദർശനം, അഷ്ടമി വിളക്കും ഉദയനാപുരത്തപ്പന്റെ വരവും, വലിയ കാണിക്ക, വിടപറയൽ ചടങ്ങ്, ആറാട്ടും കൂടി പൂജയും, മുക്കടി നിവേദ്യം എന്നിവയാണ് വൈക്കത്തഷ്ടമി ഉത്സവത്തിലെ പ്രധാന ചടങ്ങുകൾ.
ENGLISH SUMMARY
Vaikom Mahadeva Temple is a famous Mahadeva temple in Kottayam district. One of the most important offerings here is the Ezharaponnana. The darshan of the Ezharaponnana is held during the annual festival of the temple, Vaikathashtamika. There are many legends and beliefs related to it.
