IndiGo Summer Sale: പ്രവാസികൾ ശ്രദ്ധിക്കൂ… വിമാന ടിക്കറ്റുകൾക്ക് 10% കിഴിവ്, ഇൻഡിഗോ സമ്മർ സെയിൽ തുടങ്ങി

Indigo

ദുബായ്: വേനൽക്കാല അവധിക്ക് നാട്ടിലേക്ക് മടങ്ങാൻ ഒരുങ്ങുന്ന യുഎഇയിലെ പ്രവാസി മലയാളികൾക്ക് ആശ്വാസവാർത്ത. പ്രമുഖ വിമാനക്കമ്പനിയായ ഇൻഡിഗോ യാത്രക്കാർക്കായി സമ്മർ ഗെറ്റ് എവേ ഫ്ലാഷ് സെയിൽ (Indigo Summer Getaway Flash Sale) പ്രഖ്യാപിച്ചു. ടിക്കറ്റ് നിരക്കിൽ 10 ശതമാനം വരെ കിഴിവാണ് ഈ ഓഫറിലൂടെ ലഭിക്കുന്നത്. ഈ പ്രത്യേക ആനുകൂല്യം പരിമിതകാലത്തേക്ക് മാത്രമാണ് ലഭ്യമാകുക.

ബുക്കിംഗ് കാലാവധി 2026 ഏപ്രിൽ 14 മുതൽ ഏപ്രിൽ 17 വരെയുള്ള 4 ദിവസം മാത്രമാണ് ഉണ്ടാവുക. 2026 ജൂലൈ 1 മുതൽ ഒക്ടോബർ 9 വരെയുള്ള യാത്രകൾക്ക് ഈ ഓഫർ ഉപയോഗിക്കാം. ടിക്കറ്റ് ബുക്ക് ചെയ്യുമ്പോൾ SUMR10 എന്ന കോഡ് നൽകിയാൽ 10% കിഴിവ് ലഭിക്കും. ടിക്കറ്റ് നിരക്കിന് പുറമെ മറ്റ് അനുബന്ധ സേവനങ്ങൾക്കും ഇൻഡിഗോ വൻ ഇളവുകൾ പ്രഖ്യാപിച്ചിട്ടുണ്ട്. ഇതനുസരിച്ച് പ്രീ-പെയ്ഡ് അധിക ബാഗേജിന് 50% വരെ കിഴിവ് ഉണ്ടാകും. ഫാസ്റ്റ് ഫോർവേഡ് സേവനമാണ് മറ്റൊന്ന്. എയർപോർട്ട് നടപടികൾ വേഗത്തിലാക്കാൻ 70% വരെ ഇളവ് ലഭിക്കും. തിരഞ്ഞെടുത്ത റൂട്ടുകളിൽ സ്റ്റാൻഡേർഡ് സീറ്റുകൾ ബുക്ക് ചെയ്യുന്നതിന് 15% കിഴിവുണ്ട്.

Also Read – പ്രതിസന്ധികൾക്കിടയിലും പ്രവാസികൾക്ക് സമൃദ്ധമായ വിഷു; നെടുമ്പാശേരിയിൽ നിന്ന് പറന്നത് 1650 ടൺ പച്ചക്കറികൾ

വേനൽക്കാല അവധിക്ക് സ്കൂളുകൾ അടയ്ക്കുന്നതോടെ ടിക്കറ്റ് നിരക്ക് കുത്തനെ ഉയരുന്നതാണ് പതിവ്. എന്നാൽ കൊച്ചി, മുംബൈ, ഡൽഹി, ചെന്നൈ തുടങ്ങിയ പ്രധാന നഗരങ്ങളിലേക്ക് ഈ ഇളവ് ലഭ്യമാകുന്നത് കുടുംബമായി യാത്ര ചെയ്യുന്നവർക്ക് വലിയ തുക ലാഭിക്കാൻ സഹായിക്കും.

നിലവിൽ 400 ലധികം വിമാനങ്ങളുമായി ദിവസേന 2200-ൽ പരം സർവീസുകൾ നടത്തുന്ന ഇൻഡിഗോ, വേനൽക്കാല യാത്രകൾ കൂടുതൽ ചിലവ് കുറഞ്ഞതാക്കാൻ ലക്ഷ്യമിട്ടാണ് ഈ പദ്ധതി അവതരിപ്പിച്ചിരിക്കുന്നത്. അവസാന നിമിഷത്തെ തിരക്കും വലിയ നിരക്കും ഒഴിവാക്കാൻ ഈ നാല് ദിവസത്തിനുള്ളിൽ ബുക്കിംഗ് പൂർത്തിയാക്കണമെന്ന് അധികൃതർ അറിയിച്ചു.

ബുക്കിംഗ് എങ്ങനെ?

• ഇൻഡിഗോ ഔദ്യോഗിക വെബ്‌സൈറ്റ് അല്ലെങ്കിൽ മൊബൈൽ ആപ്പ്.
• വാട്ട്‌സ്ആപ്പ് ചാനൽ അല്ലെങ്കിൽ AI അസിസ്റ്റന്റ് ആയ ‘6Eskai’.
• അംഗീകൃത ട്രാവൽ ഏജന്റുമാർ വഴി.
• പ്രവാസികൾക്ക് വൻ ആശ്വാസം