8th Pay Commission: ഡിഎ ഒഴിവാക്കുമോ? ആശങ്കയിൽ ജീവനക്കാർ, ഇത്തവണ 60 ശതമാനത്തിലേക്ക്
DA Hike Delay: സാധാരണയായി വർഷത്തിൽ രണ്ട് തവണയാണ് ഡിഎ പരിഷ്കരിക്കുന്നത്. ഹോളി പ്രമാണിച്ച് മാർച്ചിലും, ദീപാവലി മാസത്തിലുമാണ് ഡിഎ കൂട്ടുന്നത്. എന്നാൽ ഇത്തവണ ഡിഎ വൈകുന്നുണ്ട്. കോവിഡ് കാലത്ത് ഡിഎ മരവിപ്പിച്ചിരുന്നു. ഇത്തവണയും അതുപോലെ ഡിഎ കിട്ടാതെ വരുമോ എന്നതാണ് ജീവനക്കാരുടെ പ്രധാന ആശങ്ക.
രാജ്യത്തെ ദശലക്ഷക്കണക്കിന് കേന്ദ്രസർക്കാർ ജീവനക്കാരും പെൻഷൻകാരും എട്ടാം ശമ്പളകമ്മീഷന് വേണ്ടിയുള്ള കാത്തിരിപ്പിലാണ്. പുതിയ ശമ്പളപരിഷ്കരണം നടപ്പിലാക്കാൻ 2027 വരെ സമയമെടുത്തേക്കാമെന്നാണ് വിവരം. എന്നാൽ, നിലവിൽ ജീവനക്കാരുടെ ആശങ്ക മറ്റൊരു കാര്യത്തിലാണ്. സാധാരണയായി വർഷത്തിൽ രണ്ട് തവണയാണ് ഡിഎ പരിഷ്കരിക്കുന്നത്. ഹോളി പ്രമാണിച്ച് മാർച്ചിലും, ദീപാവലി മാസത്തിലുമാണ് ഡിഎ കൂട്ടുന്നത്. എന്നാൽ ഇത്തവണ ഡിഎ വൈകുന്നുണ്ട്.
മാർച്ചിൽ പ്രഖ്യാപിക്കേണ്ടിരുന്ന ഡിഎ ഇതുവരെയും പ്രഖ്യാപിച്ചിട്ടില്ല. ഇത് ജീവനക്കാർക്കിടയിൽ ആശങ്ക സൃഷ്ടിക്കുന്നുണ്ട്. സാമ്പത്തിക സ്ഥിതി പരിഗണിച്ച് സർക്കാർ ഡിഎ വർദ്ധനവ് പൂർണമായും ഒഴിവാക്കുമോ എന്ന ചോദ്യമാണ് ജീവനക്കാർക്കിടയിൽ ഉയരുന്നത്. അതേസമയം, സർക്കാർ ഡിഎ ഒഴിവാക്കില്ലെന്നാണ് ഭൂരിഭാഗം സാമ്പത്തിക വിദഗ്ധരും അഭിപ്രായപ്പെടുന്നത്. പ്രഖ്യാപനം വൈകിയാലും ജനുവരി 1 മുതലുള്ള മുൻകാല പ്രാബല്യത്തോടെ തന്നെ തുക ലഭിച്ചേക്കും.
ALSO READ: ഡിഎ ഫോർമുല മാറുമോ? ശമ്പളത്തിൽ വൻ വർദ്ധനവ് വരുന്നു
ഉപഭോക്തൃ വില സൂചിക (AICPI) കണക്കുകൾ പ്രകാരം 2 -4 % വർദ്ധനവ് ഉണ്ടാകുമെന്നാണ് സൂചന. നിലവിൽ 58 % ആണ്. ഇത്തവണ രണ്ട് ശതമാനം വർദ്ധനവ് പ്രഖ്യാപിച്ചാൽ, ഡിഎ 60% ആയി ഉയരും. ഇങ്ങനെ സംഭവിച്ചാൽ, ഡിഎ അടിസ്ഥാനശമ്പളത്തോടൊപ്പം ലയിപ്പിക്കാനും, ശമ്പളത്തിൽ വൻ വർദ്ധനവിനും കാരണമാകും.
കോവിഡ് കാലത്ത് ഡിഎ മരവിപ്പിച്ചിരുന്നു. ഇത്തവണയും അതുപോലെ ഡിഎ കിട്ടാതെ വരുമോ എന്നതാണ് ജീവനക്കാരുടെ പ്രധാന ആശങ്ക. എന്നാൽ ഡിഎ മരവിപ്പിക്കാൻ സാധ്യതയില്ലെന്നും നിലവിൽ രാജ്യം വലിയ സാമ്പത്തിക പ്രതിസന്ധിയിലൂടെ കടന്നുപോകാത്തതിനാൽ ജീവനക്കാരുടെ അവകാശമായ ക്ഷാമബത്ത സർക്കാർ തടഞ്ഞുവെക്കില്ലെന്നുമാണ് വിദഗ്ധർ അഭിപ്രായപ്പെടുന്നത്.
