Kerala Gold Rate: കുതിപ്പിനിടെ ആശ്വാസം! സ്വർണവിലയിൽ കുറവ്; അറിയാം ഇന്നത്തെ നിരക്ക്

തിരുവനന്തപുരം: സംസ്ഥാനത്ത് സ്വർണവിലയിൽ നേരിയ ആശ്വാസം. കഴിഞ്ഞ ഒരാഴ്ച്ചയായി മുൾമുനയിൽ നിന്ന സ്വർണവിലയിലാണ് ഇന്ന് നേരിയ കുറവ് രേഖപ്പെടുത്തിയിരിക്കുന്നത്. 75,560 രൂപയാണ് ഇന്ന് ഒരു പവൻ സ്വർണ്ണത്തിന് നൽകേണ്ടത്. 200 രൂപയുടെ കുറവാണ് രേഖപ്പെടുത്തിയിരിക്കുന്നത്. ഇന്നലെ ഈ മാസത്തിലെ ഏറ്റവും ഉയർന്ന നിരക്കായ 75,760 രൂപയിലാണ് സ്വർണം വിപണി കീഴടക്കിയത്. ഒരാഴ്ച്ചത്തെ തുടർച്ചയായ വർദ്ധനവിന് ശേഷമുള്ള ഈ ഇടിവ് ആഭരണപ്രിയർക്കും കല്ല്യാണ ആവശ്യക്കാർക്കും വലിയ ആശ്വാസകരമാണ്.

ഒരു ​ഗ്രാം സ്വർണത്തിന് ഇന്നത്തെ വിപണി വില 9445 രൂപയാണ്. ഇന്നലത്തെ വിലയായ 9470 രൂപയിൽ നിന്ന് 25 രൂപയുടെ ഇടിവാണ് ഇന്ന് രേഖപ്പെടുത്തിയിരിക്കുന്നത്. ഈ മാസം ഒന്നാം തീയതിയാണ് സ്വർണവില ഏറ്റവും കുറഞ്ഞ നിരക്കിൽ പോയത്. ഒരു പവന് 73,200 രൂപയും ഒരു ​ഗ്രാമിന് 9150 രൂപയുമായിരുന്നു അന്നത്തെ നിരക്ക്. എന്നാൽ പിന്നീട് ഇങ്ങോട്ട് സ്വർണവിലയിൽ ചരിത്രത്തിലെ തന്നെ ഏറ്റവും വലിയ കുതിപ്പാണ് ഉണ്ടായത്.

കല്യാണ സീസൺ അടുത്തിരിക്കുന്നതിനാൽ ആഭരണം വാങ്ങാൻ കാത്തിരിക്കുന്നവർക്ക് വലിയ തിരിച്ചടിയാണ് അടിക്കടിയുള്ള ഈ വിലകയറ്റം. 75000ത്തിന് മുകളിലാണ് നിലവിൽ ഒരു പവൻ്റെ വില. ആഭരണത്തിൻ്റെ പണിക്കൂലിയും മറ്റും കണക്കാക്കുമ്പോൾ ഏകദേശം 80,000ത്തിന് അടുത്ത് ഒരു പവന് വില വരും. സാധാരണക്കാരനെ സംബന്ധിച്ച് വലിയ ആശങ്കയാണ് ഇപ്പോഴത്തെ സ്വർണവില.

ഈ മാസത്തെ സ്വർണവില പരിശോധിക്കാം

1. ഓ​ഗസ്റ്റ് ഒന്ന് ; 73,200 രൂപ (ഈ മാസത്തെ ഏറ്റവും കുറഞ്ഞ നിരക്ക്)
2. ഓ​ഗസ്റ്റ് രണ്ട്; 74320 രൂപ
3. ഓ​ഗസ്റ്റ് മൂന്ന്: 74320 രൂപ
4. ഓ​ഗസ്റ്റ് നാല്: 74360 രൂപ
5. ഓ​ഗസ്റ്റ് അഞ്ച്: 74960 രൂപ
6. ഓ​ഗസ്റ്റ് ആറ്: 75040 രൂപ
7. ഓ​ഗസ്റ്റ് ഏഴ്: 75200 രൂപ
8. ഓ​ഗസ്റ്റ് എട്ട്: 75,760 രൂപ (ഈ മാസത്തെ ഏറ്റവും ഉയർന്ന നിരക്ക്)
9. ഓ​ഗസ്റ്റ് ഒമ്പത്: 75,560 രൂപ